1 SAMUEL 18:25 - PATHIAN LEKHABU THIANGTHO (BSI)

²⁵ Ziaphatchun, Saul in, “David kiang ah zia gual hin vagen un, ‘Lengpa’n a chanu man dingin a mêlmate chung ah phuba a lâkna dingin, Philistinte zek vun za khat tilo ngâl bangma dang a ngek puai,’ vatiu in,” ti’n a sawl kit a. Saul in David chu Philistinte khut ngei in thi naleh a ti ziak ahi.

1 SAMUEL 18:25 ပူးပေါင်းရင်းမြစ်များ

THILSIAM THU 29:18

Jakob in Rakhel chu a hepi ah, “La chanu neuzaw Rakhel nei ding hin kum sagi la na sêm mai ing ka,” a ti’n.

THILSIAM THU 34:12

Man leh mual thilpiak chule la ti zat zat uh hun pia ziang ing kau. Abang hileh, nungak chu ji’n ei nei sak phot mai un,” ti’n a don a.

2 SAMUEL 3:14

Ziaphatchun, David in Ishbaal kiang in palai a sawl ah, a kiang in, “Philistinte zekvun za khat a man ding ah ka piaksa, ka ji Mikhal kha ei pia kit ta’n,” ti’n a vagensak a.

JOSHUA 5:3

Tichun, Joshua’n le suanggial hiam chemcha ah siam in, Gibeath-haar-a-loth ah chun Israelte zek a tan piak tai.

1 SAMUEL 14:24

Zia ni chun Saul in thil khawk tak khat a la bawl kha molmaw ta’n. A sepaite kiang in kitiamna a la bawl ah, “Ka mêlmate chung ah phuba ka lâk zaw masang sia, tu’ni nitâk lam masia an ne taphot chu hânsia dong in um hen,” a la tia. Ziaziakchun, sepaite lak ah khat inle an ane ngam ta puau a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.

1 SAMUEL 18:24

Saul suakte chun, “Zia gual hin David in a gen hi,” ti’n a vahil tau a.

1 SAMUEL 19:1

Saul in a chapa Jonathan leh a sepaite zosia kiang in David thalup a guat dan a gendok ta’n. Himaleh, Saul chapa Jonathan in vang David chu a doisak ma ma ziang hi.