1 SAMUEL 18:14 - PATHIAN LEKHABU THIANGTHO (BSI)

¹⁴ Lalpa‘n a umpi ziakin David chu a kiheina lam taphot in a lawting pek a.

1 SAMUEL 18:14 ပူးပေါင်းရင်းမြစ်များ

THILSIAM THU 39:23

Lalpa chu Joseph kiang in a um ah, a thil hi’ tapo chu Lalpa’n a lawtinsak ziakin, suangkul vêngpa chun a khut ah thil um tapo chu a en se se ta puai.

2 SAMUEL 5:10

Lalpa, sepai honte Pathian in a umpi ziakin, David chu a hat deu deu tai.

2 LENGTE 18:7

Tichun, ama chu Lalpa‘n a umpi ah, a kiheina lam lam ah chun a lamjang pekah; Assuria lengpa chung ah hung kiphin in, a na a hun sêm nuam ta puai.

1 KHANGTHU 18:13

Edom ah sepai hon a koiden ah; chuleh, Edomte chu a leng un David thunuai in a um tau hi. Chun, David chu a chiana lam lam in Lalpa‘n zaw’na a pia pek tai.

1 KHANGTHU 18:6

Ziaphatchun, David in Damaska khua chun Aram mite veng ding sepai hon a koi ah; tichun, Aram mite chun leiman pia’n, David thunuai in a um tau hi. Lalpa chun a chiana lam lam in David chu zaw’na a pia pek tai.

2 KHANGTHU 17:3

Jehoshaphat in a pa nunchan masa a zui ziakin Lalpa‘n a umpi zing ah; Baal haw chu don lo in,

SAM 101:2

Demna bei lampi chu zil ing ka. Zia chu bangtik leh ka chang diam? Ka In sung ah thinlung thiangtho in um ing ka.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

NASEPTE 18:10

keima la kiang in ka um ah, kuama’n bangma hun law pua’n au; zia khawpi hin mi tam tak ka nei hi,” a tia.

JOSHUA 6:27

Chutichun, Lalpa‘n Joshua a umpi ah; gam pumpi ah chun a minthang tai.

VAIHAWMTE 1:19

Chun, Judah chu Lalpa‘n a umpi ah; chutichun, thingtâng gam ah chêngte chu a nawdok ta’n; himaleh, phâijang ah chêngte chu thik kângtalaite a nei ziak un, a nawdok zo puai.

1 SAMUEL 10:7

Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 18:15

Saul in David chu a kiheina lam taphot ah lawting jel hi ti a het phat in, a huphul zaw deu deu a.

1 SAMUEL 19:8

Kido’na a hung um kit ah; David chu Philistinte do dingin a kuan a. David in a gâlteu chu nasa tak in a zo ah, a taijak ta mai ui.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.