1 SAMUEL 18:12 - PATHIAN LEKHABU THIANGTHO (BSI)

¹² Lalpa‘n Saul chu taisan in David chu a umpi tâk ziakin, Saul in David chu a huphul ma ma tai.

1 SAMUEL 18:12 ပူးပေါင်းရင်းမြစ်များ

2 SAMUEL 5:10

Lalpa, sepai honte Pathian in a umpi ziakin, David chu a hat deu deu tai.

2 KHANGTHU 17:3

Jehoshaphat in a pa nunchan masa a zui ziakin Lalpa‘n a umpi zing ah; Baal haw chu don lo in,

SAM 51:11

La kiang ah kipat ei paidok kin la, la thagau thiangtho hi ei lâkpiak kin.

SAM 53:5

Zia chun tu’ma lam cheng ah, a launau zosia sâng ah huaisia zaw ah chun, thep lau in um ta’n au. Pathian in ama ngaisak lo zosiate gu chu, thejak ding ahi ngal ah; Pathian in a paithâk tâk ziakin mualpho ta’n au.

HOSEA 9:12

Chate hun nei ta mawng leule, pakhat ziang le a sûn lo uh koi pua’ng ka. Amau ka nutsia dingte chung chu a gik na lawm lawm e!

MATTHAI 25:41

Chun, ah veilam ah umte kiang ah chun, nanghaw hânsedawlte haw, diabol leh a sawlchakte â ding ah kiguanggal kumtuang meipi lam ah chun chia tau in;

MARKA 6:20

Herod chun Johan chu midik leh mi thiangtho ahi dan a het ziakin, pha tak in a vênbitsak ah; a thu gen a ngai phat leh a lungjing sek a; himaleh, a ngai nuam ma ma sek ngal a.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

NASEPTE 24:25

Paul in dikna thute, kisûmna thute, vaihawmna hung tung ding thute pha tak ah a gen phatin, Felik chu a kithing hial a, “Chia kit phot in; hun lemchâng ka nei phat leh hun ko kit ing ka,” a tia.

NASEPTE 7:9

I pu leh pateu chun Joseph kha a îtsik ziak un, ama chu Aigupta gam in a la zuak mang tau a; himaleh, ama chu Pathian in a umpi zing a,

VAIHAWMTE 1:19

Chun, Judah chu Lalpa‘n a umpi ah; chutichun, thingtâng gam ah chêngte chu a nawdok ta’n; himaleh, phâijang ah chêngte chu thik kângtalaite a nei ziak un, a nawdok zo puai.

VAIHAWMTE 16:20

Ziaphatchun, a kiang in, “Samson, Philistinte a hung tau!” a tia. A hung khatlaw phatin, “Hun dang ah gual tho khan vak kije ing ka tin, vak kitomdok ing ka,” ti’n a ngaitua ah. Lalpa‘n a la taisan ta ahi ti lam him him a he puai.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 16:4

Lalpa thupiak gual in Samuel inle a bawl ah, Beth-lehem a hung tung ah. Khawpi sung ah upate chu lau ah kithing kawm kawm in a kiang in a hung un, “Thamuanna thu ah hung la hi em?” a la tiu a.

1 SAMUEL 18:15

Saul in David chu a kiheina lam taphot ah lawting jel hi ti a het phat in, a huphul zaw deu deu a.

1 SAMUEL 18:20

Saul chanu Mikhal chun David chu a la ngai ma ma a. Zia chu Saul a hil phat un, Saul chule a kipak ma ma hi.

1 SAMUEL 18:29

Saul chun David chu a lau zaw sêm ah, tichun, zia hun ah kipat chun Saul chu David mêlma a hung hi tai.

1 SAMUEL 20:13

Himaleh, ka pa chun la chung ah thil phalo bawl gua ahileh vang, nang kiang ah ka hun hil lo ah, la bitna ding ah hun sawl mang lo ah ka um chun, Lalpa‘n Jonathan chung ah a khawk zaw sêm inle bawl mai zaw hen. Ka pa a la umpi gual in Lalpa chun hun umpi zing ta hen.

1 SAMUEL 22:13

Saul in a kiang in, “Bang ding ah nang tawh Jesse chapa hin ka siatna ding vaisawm ah, vaithum tawh chemjam la piak tawh, ama â ding ah Pathian la dot piak nalai ah; tu’ni tiang ah hin ei thalupna ding lemchâng hawl a hita hilam?” ti’n a gen hi.

1 SAMUEL 28:15

Ziaphatchun, Samuel in Saul kiang ah chun, “Bang ding ah ei subuai mai mai ding bep ah ei kodok la hi em?” a hun tia. Saul in, “Philistinte’n ei do un, Pathian in lah ei nusia ta’n; mang lam hileh, jawlneite mang inle ei dawnhu nuam ta pua’n, ka lung a kham ma ma phatin, nang in ka bawl ding ei hil lechin tia, hung ko ka hi,” ti’n a dawnhu a.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.