1 SAMUEL 18:1 - PATHIAN LEKHABU THIANGTHO (BSI)

¹ David in Saul kiang ah thu a gen zaw phatin, Jonathan in David chu a lungsiat ma ma ziang ta’n; tichun, ama a kilungsiat gual tuk in David chu a lungsia tai.

1 SAMUEL 18:1 ပူးပေါင်းရင်းမြစ်များ

THILSIAM THU 44:30

Chutichu ahiziak in, naupang hi ka kiang ua pang lo ah, la suak, ka pau kiang ka tun to phat ua leh, a hinna hi zia naupang hinna hitawh kizop det ahi ngal a;

2 SAMUEL 1:26

Ka suapi Jonathan, nang chung ah lungngai ka hi; kei â ding ah la ngainat um siat tawh! Lei hepina hi a mak talua’n, numeite hepina sâng in a thupi zawi.

1 KHANGTHU 12:17

amau lamtua dingin David a vachia ah, a kiang un, “Kei lamah pang ah, ei panpi ding ah hung la hiu leh, ka lungthim zosia’n hun pom ziang ing ka tin; himaleh, ka mêlmate kiang ah ei zuak dingah hung la hiu leh vang, la chung un ka khut tha lo malengle, I pu leh pateu Pathian chun hun muchian hen la, vaihawm ta hen,” ti’n a gen a.

SAM 86:11

Aw Lalpa, la lampi chu ei kawkmu in, la thu tak ah ka chiatheina ding leh, la min ka ja theina dingin, lungthim thiangtho ei pia’n.

THUPILTE 18:24

Gual leh pâi pha tak gual in khenkhat a kisiam kawm un; ahi’n la, gual pha leh ginumte chu, pianpi unau sâng inle a ginum zaw kit ui.

DAN LEKHABU 13:6

Kua a hem khat, la suapipa ma ma, la pa chapa a hem, la nu chapa a hem khat leh, la chapa a hem, la chanu a hem leh la ângkawi lai la ji hihen la, la gual ngai pen hiziang leh le, nang la hem, la pu la pate het ngai lo pathian dang ho dingin gûkthim ah hun jawl a um chun,

KOLOSSA 2:2

Pathian thugûk, Khrista ngei hi hetna a hun nei ua, hetchianna lam ah hausa tak ah a hung umtheina ding un, a lungthim uh tîlkho a hiu ah; hepina a kipumkhat theina ding uh chu ka doilam tak ahi ngal a.

VAIHAWMTE 20:11

Tichun, Israel mipi zosia chu, zia khawpi do ding ah chun, mi khat gual mai ah kithutuak in a pung khawm tau hi.

1 SAMUEL 14:45

Ziaphatchun, mipite chun Saul kiang in, “Zia gual khop ah Israelte hukdawna ding bawldokpa Jonathan chu maw la thalup ding? Thi maijen pua’n ah! Lalpa hinna sâl in ka gen ui; tu’ni hin ama Pathian in a kithuapi ziakin a samzang khat ziang le lei tual ah ketha pua’n ah,” ti’n a dawnhu tau a. Tichun, mipite chun Jonathan a hukdok tau ah, thalup a hita puai.

1 SAMUEL 18:3

Jonathan in ama hinna tawh kibang hial ah David a lungsiat tâk ziak in, a kiang in thuthung a siam tai.

1 SAMUEL 19:1

Saul in a chapa Jonathan leh a sepaite zosia kiang in David thalup a guat dan a gendok ta’n. Himaleh, Saul chapa Jonathan in vang David chu a doisak ma ma ziang hi.

1 SAMUEL 19:2

Jonathan in David kiang in, “Ka pa Saul hin hun thalup gua zing ahi; ziaziakchun, jing’ jingkal hileh kiveng tak in um inla, khoi tak munthip a hem khat in vakisel in aw.

1 SAMUEL 20:17

Jonathan in ama hinna tuk ah David chu a lungsiat ziakin, a kiang in thuthung a siam tai.

1 SAMUEL 20:8

Ziaziakchun, la suak kiang ah thu a tak tak ah la tiam tâk ziakin, pha tak in bawl in. Ahi’n, thil bawlkhial ka hileh vang nang in ei that ziang in; bang ding ah la pa kiang ei tut khel khel ding la hi em? ti’n a gen a.

1 SAMUEL 22:8

Zia chu kineppi ah ka chung ah thil phalo bawl gua hilo la hiu em? Ka chapa leh Jesse chapa hin kitiamna thuthung a siam ui ti ei hil pakhat chale la um puau a. Ka chapa hin kei ei changgu ding ah ka suakpa panpi in, tu’ni tiang hin kuama ei lungkhampi le la um puau a,” ti’n a gen a.

1 SAMUEL 23:18

Tichun, amau teni chun Lalpa âng ah thuthung a siam un; David chu Horesh ah a um den ah, Jonathan chu In lam in a chia kit tai.