1 SAMUEL 17:8 - PATHIAN LEKHABU THIANGTHO (BSI)

⁸ A ding ah, Israelte hetphâk dingin, “Bangatia, gâl do ding ah hung kuan la hiu em? Kei hi Philistin mi ka hi’n, nanghaw Saul suakte hilo la hiu em? La lak ua mi pakhat kei tawh kilang ding hung kitêl un la, ka kiang ah hung suk hen.

1 SAMUEL 17:8 ပူးပေါင်းရင်းမြစ်များ

2 SAMUEL 11:11

Uriah chun David kiang in, “Pathian thuthung thingkuang tawh Israelte leh Judah mite chu gâldo’na bûk in a giak un; chuleh, ka lalpa Joab leh ka lalpa suakte chule gamnuai in a giak un; keima ka In ah chia ah, ne leh dawn ah, ka ji kiang ah vagiak ziang thei ding ka hem? Nang leh la hinna sâl in ka kitiam ahi, zia gual ah chun um lo hial ing ka,” ti’n a dawnhu tai.

1 KHANGTHU 21:3

himaleh, Joab chun, “Lalpa‘n a mipite chu a le za khat in hi’pung ta hen! Ka Lalpa lengpa, a leng un ka Lalpa suakte ngen hilo a hiu em? Bang ding ah ka Lalpa‘n sim gua a hem? Bang ding ah Israelte chungah thiam mawna chuksak gua la hi em?” ti’n a dawnhu tai.

1 SAMUEL 17:23

A u te tawh a kiho zing lai un, Philistin mi lian, Gath khua mi, a min Goliath chu Philistin sepaite lak ah kipat hung pawtdok in, a thugen ngai ma kha a hung gen kit a. Zia chu David inle a he tai.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 8:17

La gancha honteu lak ah a sawm ah khat kilâk intin, nanghaw le a suakte hung hita’n lau.