1 SAMUEL 17:52 - PATHIAN LEKHABU THIANGTHO (BSI)

⁵² Israel leh Judah sepaite chu kiko kawm in, Gath khua leh Ekron kotpi tiang in Philistinte chu a delzui tau ah; tichun, Shaaraim ah kipat Gath leh Ekron khua tiang in Philistin liamte chu a kizam tek tuk ziang tau a.

1 SAMUEL 17:52 ပူးပေါင်းရင်းမြစ်များ

2 SAMUEL 23:10

himaleh, ama chu det tak in a pang ah. A khut kham ma ma tiang tiang inle Philistinte chu a sat pai pek ah, a chemjam chu a tha’suak kha puai. Zia ni’ chun Lalpa‘n galzawna thupi tak a piai. Zia nung ah chun mipite chu a kiang in a hung nungkit un, mi thisate kithuamna lâkpiak ding bep a hitau hi.

1 LENGTE 20:21

Israelte lengpa chu a pawt ah, sakolte leh kângtalaite chu a do ah, mi tam tak that in Aram mite chu a zo tai.

JOSHUA 15:11

Ekron mallam tâng ah kithungto in, Shikke-ron kual khum in a kihei ah, Baa-lah tâng lam hawtheng in, Jabneel lam in a hung pawtdok ah; tichun, Tuisuagiat in a tawp tai.

VAIHAWMTE 7:23

Chun, Midiante delzui dingin Israelte lak ah pawsal um zosia, Naphtali phung ah kipat leh Asher phung ah kipat leh Manasseh phung ah kipat a kodok tau hi.

1 SAMUEL 17:53

Philistinte delzui Israelte a hung kit phat un, a giamun uh a va buluu a.

1 SAMUEL 5:10

Ziaphatchun, Israelte Pathian thuthung thingkuang chu Ekron lam a tut kit tau a. Himaleh, Ekron khua Pathian thuthung thingkuang puak tung ahi phatin, Ekron khua mite chu a kikojak un, “Bang dingah kei haw leh ka mi teu that dingah Israelte Pathian thuthung thingkuang la hun puak lut uh a hem?” a tiu a.

1 SAMUEL 5:8

Tichun, Philistinte lak ah hotute chu kikokhawm in, “Zia Israelte Pathian thuthung thingkuang hi bang law ding I hiu em?” a kitiu a. Gath khua mite chun, “Pathian thuthung thingkuang chu kei uh kiang lam ah puai tiu,” a tiu a. Tichun, Israelte Pathian thuthung thingkuang chu Gath khua lam in a pua mang tau a.