1 SAMUEL 17:46 - PATHIAN LEKHABU THIANGTHO (BSI)

⁴⁶ Tu’ni ma ma hin, Lalpa‘n nang chu ka khut ah ei pedok intin, hun khen pâi ing ka tin, la luchang la ding ka hi; chuleh, tu’ni ma ma ah hin, Philistin sepaite luang chu chunglêng vachate leh lei chung ah gamsate kiang ah pia ding ka hi; tichun, lei chung ah mi zosia’n, Israelte lak ah Pathian a um hi, ti hun he ta’n au;

1 SAMUEL 17:46 ပူးပေါင်းရင်းမြစ်များ

THILSIAM THU 40:19

ni thum sung ah hin Pharaoh hin hun that in, thing lêk ah hun khai intin; tichun, vachate’n la sa chu ne lui lui ding a hiu,” a ti piak tai.

2 SAMUEL 18:28

Ziaphatchun, Ahimaz in lengpa a hun ko ah, “Bangkim a pha to zel hi,” a tia. Lengpa âng ah chun a bokkhup ah, “Ka Lalpa, lengpa chung ah khut lâmte lak ah hun hukdokpa Lalpa la Pathian chu pâk in um ta hen,” a hun tia.

2 SAMUEL 21:10

Ziaphatchun, Aiah chanu Rizpah chun saidip puan a la, zia suangpi chung ah chun a phâ ah, bulâk pat lim ah kipat van gua a zuk kit tiang in zia tak ah chun a um den ah; a luang uh chu sun ah chunglêng vachate leh jan ah gamsate’n a hung nêk lona ding un a veng ta’n.

1 LENGTE 8:43

la chênna van ah ngaitha’n la, gam dang mite chunle a hun konau gual in bawl piak in; chutichun, la mi Israelte gual ah hin, lei ah mipite zosia’n la min a hun het ua, a hung lau theina ding un leh, zia ka In sak ah hin la min kiko ahi ti a hettheina ding un.

1 LENGTE 8:60

lei ah mipite zosia’n Lalpa chu Pathian ahi’n, a dang a um puai, ti a hun hettheina ding un.

2 LENGTE 19:19

Ziaziakchun tu’hin, aw Lalpa ka Pathian, lei chung zosia hin nangma bep hi Pathian la hi dan a hun hiattheina ding un, zia mipa khut ah kipat hin ei hukdok ta’n,” a tia.

2 LENGTE 5:15

Ziaphatchun, Pathian mi kiang in ama leh a pawlte zosia chu a hung kile’kit ua; ama chu a ma-âng in a hung dingah, “Tu’hin, Israel ah tilo ngal lei chung zosia ah Pathian a um puai ti ka he tai; lungsiat tak in la suak ah kipat hin thilpiak pakhat ei pom piak in,” a tia.

SAM 31:8

Chuleh, ei do-te khut in ei pedok kin la; ka keng hi mun awngthawl tak ah la lângkâi zaw tai.

SAM 46:10

“Thip hiat hiat unla, Pathian ka hi ti he tau in! Namtin lak ah chawihoi in um ta’ng ka tin, lei ah chawihoi in um ding ka hi,” a tii.

PAWTDAWNA THU 9:16

Himaleh, ka thilhitheina ka hun musak theina ding leh khawvel zosia ah ka min la puanjak theina dingin ka hun hinghoi nalai la hi.

ISAI 37:20

Tu’hin chu, Aw Lalpa, ka Pathian uh, lei chung lenggam zosia hin nangma bep hi Lalpa la hi ti a hettheina ding un, ama khut ah kipat hin ei hukdok in,” ti’n a pauchap a.

ISAI 52:10

Nam tinte mit mu in Lalpa‘n, a khutbân thiangtho chu a lâmdok ta’n; tichun, kawl kîmvêl tiang ah mi zosia’n, I Pathian hukdamna chu hun mu ding a hiu.

ISAI 56:9

Nanghaw, gamsa zosiate, gammâng ah gam sahâng zosiate haw, a ne zo dingin hung kuan un!

JEREMIAH 19:7

Zia mun ah hin Judah leh Jerusalem ah chêngte thil guanggal chu bangmalo sua ing ka tin; tichun, a mêlmateu chemjam ah tha sak in, a hinnau hawlte khut in pedok ding ka hi. A luang damsau chu chunglêng vachate leh gam sate an dingin pia ta’ng ka.

JEREMIAH 34:20

a gâlteu leh amau thalup gawte khut in pedok ding ka hi. A luang uh chu chunglêng vachate leh lei chung ah gam sate an ding hung hita’n a.

DANIAL 2:47

Lengpa chun Danial kiang in, “La Pathian chu pathiante zosia Pathian leh, leng zosiate chung ah Lalpa leh thugûk zosia taklangpa chu ahi ngut ngei hi, nang in zia thugûk chu la hun tâklang thei ta mai in!” a tia.

DANIAL 3:29

Ziaziakchun, thupiak ka bawl tai: mitin, namtin leh pautin lak ah kipat Sadrak, Meshak leh Abednego Pathian gensia thugen taphot chu sât tel in um hen la, a In uh le suksiat ding ahi; zia gual ah hukdok thei pathian dang him him a um paw’ngal in,” ti’n a gen tai.

MATTHAI 24:28

Sapul umna taphot ah mulukolle um khawm in au, a tia.

DAN LEKHABU 28:26

La luang uh chunglêng vachate leh gamsa chitinte an ding hi ta’n tin, kuama’n naw lau pua’n au.

DAN LEKHABU 7:2

a leng ua nang mau khut ah Lalpa la Pathian un a hun piak phat leh, that gam in, la hi’mang sik sek ding uh ahi. Amau tawh kilemna thuthung bangma la bawl lo ding uh ahi’n, la daidawp lo ding uh ahi.

DAN LEKHABU 7:23

Himaleh, Lalpa la Pathian un amau chu la khut un hun pedok sik sek intin, sukmanthai dim dem ahi masangsiau buaina huaisia tak tuaksak in a.

JOSHUA 10:8

Lalpa‘n Joshua kiang in, “Amau chu lau him him kin, la khut ah ka piaksa ahi ta’ngâl un; a lak ua khat chale nang hun zo ding um lo a hiu,” ti’n a gen a.

JOSHUA 4:24

tichun, lei chung ah nam zosia’n Lalpa bân thahat dan a het ua, nanghaw’n le Lalpa la Pathian uh kumtuang ah la lau zing theina ding un ahi,” ti’n a gen tai.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:44

Philistin mipa chun David kiang in, “Hung in, la phete chu chunglêng vachate leh gamsate pia ding ka hi,” a tia.