1 SAMUEL 17:43 - PATHIAN LEKHABU THIANGTHO (BSI)

⁴³ Philistin mipa chun David kiang in, “Uicha ka hia hem tiangkhut mai mai tawh la hung a?” a la tia. Tichun, Philistin mipa chun a pathiante min in David chu hânsia a lawkhum tai.

1 SAMUEL 17:43 ပူးပေါင်းရင်းမြစ်များ

THILSIAM THU 27:29

Nam chuam chuamte’n la na sêm uh hen la, chi chuam chuamte’n chibai hun bûk tau hen: la suapite chung ah leng in um inla; la nu chate’n chibai hun bûk tau hen: Hânsia hun law tapo chu, hânsialaw khum in um uh hen la, maljawlna hun pe tapo chu, maljawlna piak in um tau hen,” a ti tai.

2 SAMUEL 16:5

Lengpa David chu Bahurim a tun phatin, Saul Inkuante lak ah mi pakhat, a min Shimei kiti, Gera chapa a um in. Ama chun a hun zawt kawm in hânsia a law khum malam pek a.

2 SAMUEL 16:9

Ziaphatchun, Zeruiah chapa Abishai in lengpa kiang ah chun, “Bang ding ah zia uicha thisa bep hin ka lengpa chu hânsia law khum mai mai a hem? Chia ing ka tin, a luchang vala ding ka hi,” a tia.

2 SAMUEL 3:8

Ishbaal thugen ziak ah chun Abner a lungna ma ma ta’n; tichun, “Judah te â ding ah uicha luchang lei batsak a hem? Tu’ni tiang ah hin la pa Saul chanaute â ding ah ka ginumna ziakin, a suapite, a lawi leh gualte leh nang hinna hi David khut ah ka piakdaw lo ahi; ahi’n, tu’hin nang in zia numei ziak ah hin lei awimaw ahi maw?

2 SAMUEL 9:8

Ama chun chibai a bûk kit ah, a kiang in, “La suak, uicha thisa gual bep hi bang ding ah ei chuti ngaisak la hi em?” ti’n a dawnhu tai.

1 LENGTE 20:10

Ben-hadad in a kiang in mi a sawl ah, “Ka nungzui mipite zosia hin, a khutdim chiat ua Samaria leivui a choi kham uh a tin ngei ngei leh, pathiante’n zia gual ah chun ka chung in bawl uh hen la, a nasa zaw’nle,” a tia.

2 LENGTE 8:13

Hazael chun, “La suak, uicha bep hi bang ka hia hem, zia thil lopi tak chu ka hun bawl ding?” a tia. Elisha in a dawnhu a, “Aram ah leng la hung hi ding Lalpa‘n ei musaksa ahi,” ti’n a dawnhu a.

THUPILTE 26:2

Vachong leng lai gual leh pialpîm leng vêl gual in, a ziak umlo ah mi sapsiat chu a guitung ngai puai.

KISIMNA LEKHABU 22:6

Tu’ ma ma hin hung inla, zia mipite hi hânsia ei hung law piak in, amau la kei uh sâng in a tam zaw ngâl un; amau ka zaw ah, gam ah kipat ka naw mang thei khâk leh, nang in la maljawl taphot maljawl ah a umdan leh, la sapsiat taphot sapsiat ah a umdan uh ka la he ta ngâl in,” ti’n a gen a.

VAIHAWMTE 9:27

Lou ah kuandok in, grep ga alo ua, a chil ua, nunnop a bawl tau a. Chuleh, a pathian ho’nau ah chia in, a neu ah, a dawn ua, Abimelekh chu a gensia tau a.

1 SAMUEL 14:12

Sepaite chun Jonathan tawh a gâlvan chawipa chu a hun ko un, “Ka kiang un hungto tiam un, bang a hem khat hun etsak ing kau,” ti’n a gâl ko tau a. Jonathan in a gâlvan chawipa kiang in, “Hung inla ei zui in; Lalpa‘n amau chu Israelte khut in ei pia ta ahi,” a tia.

1 SAMUEL 24:14

Israel lengpa chu kua do ding ah kipan a hem? Kua a hem la del tawl tawl chu? Uicha thisa hilo maw? Thosi del la hi em leh?

1 SAMUEL 24:15

Ziaziakchun, nang tawh kei chungchâng ah hin Lalpa‘n vaihawm hen la, a dik leh a maw khen ta hen. Enchian hen la, ei panpi in, nang ah kipat in ei hukdok ta hen! ti’n a gen tai.