1 SAMUEL 17:4 - PATHIAN LEKHABU THIANGTHO (BSI)

⁴ Chuleh, Philistinte giamun ah kipat in Gath khua mi pakhat, a min Goliath a hung pawt ah; ama chu tong guk leh khâp khat ah sâng a hin;

1 SAMUEL 17:4 ပူးပေါင်းရင်းမြစ်များ

1 KHANGTHU 11:23

Chuleh, Aigupta mi, milian tak, tong nga hial ah sâng pakhatle a la that a. Zia Aigupta mipa chun cheicha ngul tinbupi tia’ hial ah lian a chawi ah; himaleh, Benaiah chun a moltum bep pan in a delzui ah, Aigupta mipa cheicha chu lak piak in, zia cheicha ma ma chun a that ngâl tai.

AMOS 2:9

Chutisapi’nle, a âng ua kipat, sidar thing gual ah sâng leh, gangpi thing gual ah detdote Amorte chu ka susia ta’n; chung lam ah a ga leh nuai lam ah a zungte ka hisiat piak hi.

DAN LEKHABU 3:11

(Tu’hin, Bashan lengpa Og bep hi mi lian chi, Rephaimte suan ah mi um sun chu ahi tai. Chuleh, a thîk lupna chu Ammonte khua Rabbah ah chun muthei in a um zing hi. A thîk lupna chu mihing tong ah te’ in a dung tong kua leh a vai tong li ahi).

JOSHUA 11:22

Israelte gam sung ah chun Anakimte lak ah mi pakhat chale hawi in a um ta puau a; Gaza, Gath leh Ashdod khua te ah chun khen khat a um bep tau a.

1 SAMUEL 17:23

A u te tawh a kiho zing lai un, Philistin mi lian, Gath khua mi, a min Goliath chu Philistin sepaite lak ah kipat hung pawtdok in, a thugen ngai ma kha a hung gen kit a. Zia chu David inle a he tai.

1 SAMUEL 17:3

A kikâl un phâijawl a um ah; a gâl tâng ah Philistinte a pang un, a gâl langkhat lam in Israelte a pang ui.

1 SAMUEL 17:5

sum-engthik lukhuk a khuk ah; chuleh, thik puanâk chual in a kithuam ah; a thik puanâk chual chu shekel sawmnga gik ahi.

1 SAMUEL 27:4

David chu Gath khua’n a jam hi ti Saul a hil phat un a hawl ta puai.