1 SAMUEL 17:36 - PATHIAN LEKHABU THIANGTHO (BSI)

³⁶ La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 17:36 ပူးပေါင်းရင်းမြစ်များ

2 KHANGTHU 32:17

Sennakherib chun Israelte Pathian, Lalpa demna thute le zia gual hin a zikah, “Nam dangte pathiante’n le a gam uh chu ka khut ah kipat a hukdaw thei lo gual tho un, Hezekiah Pathian chunle ka khut ah kipat in a mipite chu hukdok diak pua’n ah,” ti in.

ISAI 10:15

Heichapi’n ama mangte chung ah kiletsak tak ah kisuang in, chuleh, thing âtna’n ama mangte chung in a kiletsak thei em? Mol le a mangte chung in a kiletsak diak puai!

ISAI 36:15

Hezekiah in: ‘Lalpa‘n ei hukdok intin, zia khawpi hi Assuria lengpa khut ah pia lo ding ahi,’ a ti thu mang in Lalpa chu hun kisuanpisak ki’hen.

ISAI 36:18

Hezekiah in Lalpa‘n ei hukdok ding ahi, a ti chun kithep zawsak kiu in. Assuria lengpa khut ah kipat a gam uh hukdaw piak thei pathian nei kua a um ua a hem?

EZEKIEL 28:10

Gam dang mite khut in zektanlote gual in thi’n la; Keima Lalpa Pathian in ka ti ta’ngal a, ti in.

EZEKIEL 32:19

“Mêlhoina’n kua la khêl ah a hem? Chia suk in! Zektanlote tawh va um khawm tau in!” ti’n la.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

ZEKARIAH 12:3

Ziaphat chuleh, Jerusalem chu mizosia â dingin suangtum puakgik in siam ing ka tin; zia suang dom kâng taphot chu huaisia tak in kisuliam in au. Khawvel ah nam zosia a do dingin hung khawm ta’n au.

ZEKARIAH 2:8

(A lopina’n ei sawldaw zaw phatin,) Nangma hun suamte chung châng, sepai honte Lalpa chun zia gual hin a gen ta’ngal a: Nangma hun khawi kha taphot chun, ka mit naucha ei khawi piak a hiu.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:10

Chuleh, Philistin mipa chun, “Tu’ni hin Israel sepaite chu ka cho hi! Pawsal pakhat ka kisualpi ding ei hun piau in,” ti’n a gen a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:35

ka delzui ah, ka khênpâi ah, a kam ah kipat belam no chu lâkpiak sek ka hi; kei ei hun pe’guat leh a khagu’n ka man ah, ka supai ah that mai ka hi.

1 SAMUEL 17:37

Chuleh, David in, “Sakeibaknei leh savom khut ah kipat ei la hukdokpa Lalpa chun, zia Philistin mipa khut ah kipat hinle ei hukdok ding ahi,” a ti nalai a. Tichun, Saul in David kiang in, “Chia in, Lalpa‘n hun umpi zing ta hen!” a ti tai.

1 SAMUEL 18:17

Ziaphatchun, Saul in David kiang in, “Zia hin ka chanu upa zaw Merab a um hi; kei â ding ah hangsan tak ah la pan ah, Lalpa gâl la do ngachat phot leh, la ji dingin hun pia’ng ka, ti’n a gen a. Saul in a gêl dan chu, Keima’n that lo lengle Philistinte’n hun that tho tho na’n au,” a ti ziak ahi.

1 SAMUEL 31:4

Ziaphatchun, Saul in a gâlvan chawipa kiang ah chun, “Zia zektanlote hin kinoptatna ei mat zaw nung ua ei thalup tho tho sâng un, la chemjam khan ei sun thil ziang tiam in,” a tia. Himaleh, a gâlvan chawipa chun a bawl ngam lo ziakin a nuam ta pua’n. Tichun, Saul in a chemjam a jukdok ah, a baw tai.