1 SAMUEL 17:34 - PATHIAN LEKHABU THIANGTHO (BSI)

³⁴ Himaleh, David in Saul kiang ah chun, “La suakpa hin a pa belamte a chin piak sek ah; sakeibaknei a hem, savom a hem khat in gan hon lak ah belam no khat a hem a hun mat phat leh,

1 SAMUEL 17:34 ပူးပေါင်းရင်းမြစ်များ

THILSIAM THU 31:39

Gamsa peliamte le la kiang ah ka hun pui ngai puai; a mangte thasâng keima’n ka dit sek ah: sûn hileh, jan hileh a kigumang taphot, lei ditsak sek hi.

2 SAMUEL 17:8

Hushai in, “La pa tawh a mite chu gamlak ah savom no kiluak piak gual ah lungna a hiu ti la hia’i. Zia bep chule hilo in, la pa chu gâl bawldan thiam tak ahi ziakin, tu’jan ah hin a sepaite lak ah umlo ding ahi.

2 SAMUEL 23:20

Kabzeel khua Jehoiada chapa Benaiah chu mi hangsan ahi’n, ama chun thil thupi tam tak a bawl hi; Moab ah Ariel chapate pani a that in. Chuleh, vûk kiak hun lai in, kuak sung khat in a valut ah, zia tak ah chun sakeibaknei khat a vathat hi.

1 KHANGTHU 11:22

Kabzeelte lak ah mihangsan Jehoiada chapa Benaiah chun thil lopi tak tak a la bawldok a; ama chun Moab mi Ariel chate pawsal pani chule a la that hi. Chuleh, vûk kiak lai in, kawkhûk khat ah a vachia leh sakeibaknei pakhat a vasikha, a that ziang hi.

SAM 143:5

Nidang lai hunte kha ka hezing ah, la thilbawl zosia ka ngaitua in, la khut nasepte ka sût sek hi.

EZEKIEL 34:12

Belampu’n a belam vâkmang a hawldaw gual in, ka belamte hawldok ing ka. Sûm jinni leh thimpi jing lak ah vakjakte chu, a vakjaknau mun zosia ah kipat in pui khawm kit ding ka hi.

AMOS 3:12

Lalpa‘n zia gual hin a tii: Belampu’n sakeibaknei kam ah kipat sakeng pani a hem, a bil them khat a hem a hukdaw gual in, Samaria ah chêng Israelte chu chutna ning khat leh lupna kilning khat a hem tawh hukdok in um in’au, ti in.

ZEKARIAH 11:16

Zia gam ah hin belampu pakhat hun tung ding ing ka tin; ama chun a manthai ding uh khawksa pua’n tin, a jam mang le hawl pua’n tin, a meimale hi’dam pua’n tin, a hisel lole an pediak pua’n ah; ahi’n, a thau tuai mâmpha cha cha chu ne’n tin, a kengtin nasan uh âtphel piak in a.

ZEKARIAH 9:7

A kam ua kipat in a thisan uh leh, a ki’dak umnau a ha kâl ua kipat in lamang ing ka; amau chu I Pathian uh â ding ah a um nalai sunte hung hita’n au. Judah nam ah phung khat gual hi’n tiu in, Ekron chule Jebus mite gual hita’n au.

LUKA 2:8

Zia tuam ah chun belam chingte lawi khat a um un; amau chu gamtalai ah a belamteu ching ah jan giak a hiu a.

JOHAN 10:11

Kei belampu pha chu ka hi; belampu pha chun a belamte â dingin a hinna a piai.

ROMTE 5:4

Thok-hatna chun umchan phatna ei pia’n; chuleh, umchan phatna chun kinepna ei piai.

HEBRAITE 11:33

ziate chun ginna ziakin gamte a lau ah, dik tak in vai a hawm un, Pathian thutiamte a la chang un, sakeibaknei kam te a suchîp un;

THUPUAN 13:2

Zia sahâng ka mu chu gialbem gual mêlpu a hia, a keng chu savom keng gual a hia, a kam chu sakeibaknei kam gual ahi. Dragon chun, a lalchutpha leh a thilhitheina, chuleh thuneina le a pia’n.

VAIHAWMTE 14:6

Lalpa thagau in a hun thuam ah, pawsal hat tak in kêlno a puaitel gual mai in, a khutngawn in sakeibaknei chu a puaitel ta mai ah. Himaleh, a thilbawl chu a nu hileh, a pa hileh bangma a hil puai.

1 SAMUEL 17:15

David chu a kâllak lak ah Saul kiang lam ah chia sek, a kâl leh Beth-lehem lam ah a pa belamte ching ah pang sek ahi.

1 SAMUEL 17:33

Saul in David kiang ah chun, “Zia Philistin mipa do ding ah hin chia thei pua’n la; nang hi la naupang nalai in, ama hi a naupan lai ah kipat gâl do mi a la hi ta’ngâl a,” ti’n a dawnhu a.

1 SAMUEL 17:35

ka delzui ah, ka khênpâi ah, a kam ah kipat belam no chu lâkpiak sek ka hi; kei ei hun pe’guat leh a khagu’n ka man ah, ka supai ah that mai ka hi.