1 SAMUEL 17:28 - PATHIAN LEKHABU THIANGTHO (BSI)

²⁸ Mite tawh a kiho git uh a u Eliab in a het phat in, David chung in Eliab chu a lungna ma ma a. A kiang in, “Bang ding ah hung suk la hem? Gamthip ah kua etkol ding ah belam tawmcha kha la hun nutsia a hem? La vâkchatvai dan leh la lungthim phat lo dan ka he tai; kidona en nuam mai mai ah hung suk la hi’ hi,” ti’n a vau a.

1 SAMUEL 17:28 ပူးပေါင်းရင်းမြစ်များ

THILSIAM THU 37:11

A u te chun a mitthîp ma ma tau ah; a pa bo chun a thugen chu a lungthim in a vop zing hi.

THILSIAM THU 37:4

Chun, a pau chun ama chu a ute zosia sâng in a hepi zawi ti a u te’n a he tau ah; ama chu a muda ma ma ziang tau ah: pau pha’nle a ho nuam ta puau hi.

THILSIAM THU 37:8

Chun, a u te chun a kiang in, “Nang cha hin maw ka chung ua vai la hawm ding? Nang tawhbang cha hin maw ka chung ua thu la nei ding?” a tiu a.

2 KHANGTHU 11:18

Rehoboam in David chapa Jerimoth chanu Mahalath chu ji’n a nei ah; ama chu Jesse chapa Eliab chanu Abihail chanu ahi.

SAM 35:11

Ka siatna ding hawl in hiatpite a ding un; ka thil het ngailote ei dong sek ui.

THUPILTE 18:19

Gualpha sukthasiat jawl lungdam kit chu, khawpi det tak lâk sâng in a haksa zaw’n; zia gual ah kilemlona chu, thikdâi kulpi gual ahi.

THUPILTE 27:4

Lungnatna chu a huaisia’n, siatchang le a so in; himaleh, kua a hem mitthipna thuak zo ding?

THUGENTU 4:4

Sepgimna leh thiamnêl tak ah nasep thilbawl zosia hile, midangte îtsikna ziak bep ahi ti ka mu tai. Zia hile bangmalo mai mai leh lunggimna mai mai ahi.

MATTHAI 10:36

Mitin a mêlmau chu ama chanaute lak ah mi ngei hi’n au.

MATTHAI 27:18

Mitthipna ziak ah ama chu a mat uh ahi ti a he ngal a.

MARKA 3:21

Mipite chun, “A ngol ahi tai,” a tiu ah a suapite’n a het phat un, a thotâng dingin a chia tau hi.

JUDA 1:10

Ahi’n la, zia mite hin chu a het lo taphot uh a gensiau ah, ngaituana nei lo ganchate gual ah hetna pianpi a neiteu chun a susia sek uh ahi.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 16:7

Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

1 SAMUEL 17:29

David in, “Bang ka bawl ah a hem? Thil um dan ka dot mai mai ahi chulam,” ti’n a dawnhu a.