1 SAMUEL 17:26 - PATHIAN LEKHABU THIANGTHO (BSI)

²⁶ David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:26 ပူးပေါင်းရင်းမြစ်များ

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

2 KHANGTHU 32:17

Sennakherib chun Israelte Pathian, Lalpa demna thute le zia gual hin a zikah, “Nam dangte pathiante’n le a gam uh chu ka khut ah kipat a hukdaw thei lo gual tho un, Hezekiah Pathian chunle ka khut ah kipat in a mipite chu hukdok diak pua’n ah,” ti in.

NEHEMIAH 5:9

Chuleh, a kiang un, “La thilbawl dan uh hi a pha puai. Namdangte, I mêlmateu ei simmaw lo’na dingin I Pathian uh lau dêk dêk ah I um diu hi zaw lo ding a hem?

SAM 44:13

Ka Invêngte hakva tawtna’n lei koi a, ka hianghei mite tawtbûk leh simmaw in lei siam tai.

SAM 74:18

Aw Lalpa, mêlma’n a hun simmawnau leh, pathian ngaisaklote hun gensiatnate hi hezing in.

SAM 79:12

Aw Lalpa, ka vêl ua mite’n, a hun gensiatnau hi, a chung un a le’sagi’n hun thuk in.

ISAI 37:23

La simmaw ah la hosiat chu kua a hem? Kua dodâlna ding ah la aw khati sânsak ah, la mit kha khati têt sânten la hem? Israel Mithiangtho dodâlna ahi kha lam!

JEREMIAH 10:10

Himaleh, Lalpa chu Pathian tak ahi, Ama chu Pathian hing leh kumtuang Lal ahi. A lungnat phat leh lei pumpi a kithing in, a lungnatna chu kuama’n a thuak zo ngai puau hi.

JEREMIAH 9:25

A zekvun bep uh tan ah, a lungthim zektanlote chung thu ka ngaituana ding nikhua chu hung tung tei tei ding ahi Lalpa‘n a tii.

JEREMIAH 9:26

Gam keu ah chêng, a chalsam uh tan sek zosia, Aiguptate, Judate, Edomte, Ammonte leh Moabte chung ah vaihawmna ding chu. Zia namte zosia hin a zek uh a tan puau a, Israelte zosia le a lungthim uh zektanlo ngen ahi ngal un.

EZEKIEL 28:10

Gam dang mite khut in zektanlote gual in thi’n la; Keima Lalpa Pathian in ka ti ta’ngal a, ti in.

DANIAL 5:23

van ah Lalpa kãl in la kikoisang ta’ngal a! A tempul ah ûm leh bêlte chu la kiang in a hun lau ah, nang leh la milian leh lalte, la jite leh la thâikmte’n zu dawnna’n la mang tau a. Dangka leh sana, sum-eng, thîk, thing leh suang ah kisiam, bangma muthei lo, hethei lo pathiante chu la ho zaw tau a; himaleh, la hatna umna leh la lampi zosia kingakna Pathian chu la chawisâng nuam puai.

DANIAL 6:27

Ama’n hukdok in a humbit ah, lei leh van ah tepte’na leh thilmakte a bawl ah; sakeibaknei thilhitheina kipat in Danial a hukdok ta’ngal ah, a ti tai.

DANIAL 9:16

Aw Lalpa, dik tak ah thil la bawlna kineppi in, la lungnatna leh la hachangthakna chu la khawpi Jerusalem, la tâng thiangtho ah kipat ladok dingin ka ni la hi; keimau gitlo ziak leh ka pu leh pateu thulimlo’na ziakin, Jerusalem leh la mite hi ka kîmvêl ua mite zosia gensiat leh nuisan in ka um zo tau hi.

JOEL 2:19

Lalpa‘n a mite kiang in: nang uh â dingin bu, uain leh sathaute hun pia’ng ka tin; ziate ah chun kihi’ tai ta’n lau; namdangte nuizatbûk in, hun umsak ta pua’ng ka.

DAN LEKHABU 5:26

Eihaw gual ah mei kuang lak ah kipat Pathian hing aw he’ ah, taksa hing zing kua a um ngai em?

1 THESSALONITE 1:9

Amau ngei in, nanghaw’n lei la lop dan uh, milimte ah kipat Pathian lam ah, Pathian hing leh dik tak nasêm ding ah la kihei dan uh chu a gen tau hi.

JOSHUA 3:10

Joshua chun, “Zia gual ah hin Pathian hing chu la lak ua um ngei a hinai ti hethei in lau; matheilo in la masang un Kanaan mite, Hit mite, Hiv mite, Periz mite, Girgash mite, Amor mite leh Jebus mite chu nawdaw piak intin;

1 JOHAN 5:20

Chun, Pathian Chapa chu a hung ah, midik chu hethei dingin hiattheina ei pia tai, ti I hiau hi; chuleh, a Chapa Jesu Khrista ah um in, midik ah chun I um uh ahi. Ama chu Pathian dik tak leh kumtuang hinna ahi.

1 SAMUEL 11:2

Himaleh, Ammon mi Nahash chun a kiang un, “La changlam mit chiat uh kheldok ing ka tin, Israelte hi sumualpho dik dek phot ing ka; zia zaw chuleh, nanghaw tawh I kikâl un kichamna thuthung siam bep ing ka,” ti’n a dawnhu a.

1 SAMUEL 14:6

Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 17:10

Chuleh, Philistin mipa chun, “Tu’ni hin Israel sepaite chu ka cho hi! Pawsal pakhat ka kisualpi ding ei hun piau in,” ti’n a gen a.

1 SAMUEL 17:30

Ama chu kihei mangsan in, mi dangte lam nga’n a gen ngai ma chu a gen kit ah; mipite chunle a la gen gual tho uh khan a dawnhu kit tau a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 31:4

Ziaphatchun, Saul in a gâlvan chawipa kiang ah chun, “Zia zektanlote hin kinoptatna ei mat zaw nung ua ei thalup tho tho sâng un, la chemjam khan ei sun thil ziang tiam in,” a tia. Himaleh, a gâlvan chawipa chun a bawl ngam lo ziakin a nuam ta pua’n. Tichun, Saul in a chemjam a jukdok ah, a baw tai.