1 SAMUEL 16:7 - PATHIAN LEKHABU THIANGTHO (BSI)

⁷ Himaleh, Samuel kiang ah Lalpa‘n, “A mêl latdan a hem leh a din sândan in en kin la, zia gual mi chu ka paithâk ahi, Lalpa chun mihingte et dan in a en puai; mihingte chun a paw lam mêl latdan a en sek un, Lalpa‘n vang lunggil lam a en sek hi,” a tia.

1 SAMUEL 16:7 ပူးပေါင်းရင်းမြစ်များ

THILSIAM THU 4:5

himaleh, Kaina leh a thilpiak ah chun a kipak puai. Ziaziakchun, Kaina chu a lung a na ma ma ah, a mêl chule a thim kêi kûi ziang tai.

2 SAMUEL 14:25

Zia lai ah chun, mêlphat lam ah gen phat dingin Israelte zosia lak in Absalom gual khop ah mêlpha a um puau ah; a kengpek ah kipat a lujang tiang ah demna ding neuchâle umlo ahi.

2 SAMUEL 7:20

Aleh, la kiang ah David in bang dang genbe thei nalai ding ahi em? Aw Lalpa Pathian, nang in la suakpa hi la hechian ngal a!

1 LENGTE 8:39

la chênna vân ah ngaitha’n la ngaidam in, mi tin a lungthim uh la het gual in dit in; mi tin a umdan tawh kigûn chiat in thuk in; nang bep in mihing lungthim la he ngâl a;

1 KHANGTHU 17:18

Aleh, la suak hi la hechian ma ma ngâl a, la suak hi choisa’n ah a umna thu ah hin, David hin la kiang ah bang gen nalai ding a hem?

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 6:30

la umna van ah kipat in hun ngaitha’n la, ngaidam inla, a lungthim dungzui chiat un dawnhu in; nangma bep in mihing lungthim ngaituana la he ngal a.

JOB LEKHABU 10:4

Taksaphe neite gual ah mit nei la hem? Mihingte’n a mu gual mai ua mu la hem?

JOB LEKHABU 35:5

Van lam ah dak inla, van sûmte khi en tiam in, nang sâng ah sâng zaw a hiu.

SAM 139:2

Nang in ka chut leh ka din la hia’n; gamla tak ah kipat in ka ngaituanate la hia’i.

SAM 7:9

Aw migilote thil bawlsiat chu hi’tawp inla, mi dikte vang phudet ta’n; Aw Pathian dik tak, lungthim leh ngaituanate enchianpa la hi’ngal a.

THUPILTE 15:11

Sheol leh Abaddon chu, Lalpa ma-âng ah kihongsa ahi’n, mihingte lungthim vang chu a mu chian na lawm lawm ding e!

THUPILTE 16:2

Mitin in amau lampi chiat dik a sau in; maleh, Lalpa‘n lungthim lam a bûk sek hi.

THUPILTE 24:12

“Zia hi ka la he’kha dang e!” la ti chun, thinlung bûkpa chun helo ding a hem? La hinna voppa chun zia chu helo ding a hem? Mi tin a thilbawl tawh kigûn in thuk lo ding a hem?

THUPILTE 31:30

Ngaikâina hi kithepna mai ahi’n, mêl hoina hile bangma ahi puai; himaleh, Lalpa ki’chate chu pâkchat ding ahi.

JEREMIAH 11:20

Himaleh, nangma Sepai honte Lalpa, dik tak ah vaihawm ah, mihing lungthim leh ngaituana pateppa, a chung ua phuba la lâkna chu ei musak in, la chung in ka um ding dan zosia ka nga ta’ngal a.

JEREMIAH 17:10

A umdan dungzui ua thuk ding leh, a nasep gau tawh kigûn ah pia ding in, keima Lalpa hin lungthim chu patep in, ka enchian zing ahi.

JEREMIAH 20:12

Aw, sepai honte Lalpa, nang in mi dikte chu la patep in, a lungthim leh ngaituanau la mu suak hi; a chung ua la phuba lâkna chu, ei musak in aw, ka chung thu hi ka hun kolsak ta’ngal a.

LUKA 16:15

Ama chun a kiang un, mi mit mu ah thiam kichan mai la hiu a, ahi’n la, Pathian in la lungthim uh a he nai; mihing lak ah choisa’n ah la umnau hi, Pathian mit mu in ki’dak um tak ahi.

JOHAN 7:24

A lat dan gual mai in vaihawm ki-un la, dik tak in vawihawm zawu in, a tia.

JOHAN 8:15

Nang hawn mihing dan bep in thu la tan sek un, keima’n vang kuama thu ka tan puai.

NASEPTE 1:24

Chun, a pauchap ua, “Lalpa, nang in mi zosia lungthim la hia’i. Zia mi panite lak ah la têl zawk chu ei hun hetsak in,

2 KORINTH 10:10

“A lekha zikte hi a gik in a khau ah, a taksa vang a jawngkhal ah, a paule a thasit um hi,” a tiu a.

2 KORINTH 10:7

La mit muu ah thil umte chu en un. Kua’nle Khrista â hi ah a kiginchâk leh, zia hi kingaituau hen; ama chu Khrista â ahi gual in, kei uh le ka hiu.

HEBRAITE 4:13

Thilsiam ama mit mu ah kilang lo a um pua’n; I chanchin uh I genna ding un, pa mit mu in thil zosia ngawnchang leh kihongsa kilang zing ahi.

1 PETER 2:4

Ama chu suanghing, mihingte doilo himaleh, Pathian têl leh man tam chu ahi;

1 PETER 3:4

lungthim sunglam ah mihing kisêlgu, lungthim thunuaigolna leh nunnemna, puansil setheilo ah kicheina hizaw hen; zia chu Pathian mit mu in a lûl ma ma hi.

THUPUAN 2:23

chuleh, a chate chule that ding ka hi. Kochuam zosia chun keima hi ngaituana leh lungthim zosia enchianpa ka hi ti hun he ta’n au; tichun, la nasep dungzui un hun thuk ta’ng ka.

1 SAMUEL 2:3

Kisathei tak in pau ta kiu inla, la kam ua kipat êngpauna him him pawt ta ki’hen; Lalpa chu hetna Pathian ahi ngâlah, ama chun I thilbawl dan zosiau a te’tuak sek hi.

1 SAMUEL 9:2

Ama chun chapa pakhat a min Saul kiti, tangval mêlpha tak khat a nei a. Ama tuk ah tangval mêlpha chu Israelte lak in a um pua’n; a din leh mi dang zosia luchang leh liangko sâng ah sâng zaw ahi.