1 SAMUEL 16:5 - PATHIAN LEKHABU THIANGTHO (BSI)

⁵ Ama chun, “Thamuanna thu hi e; Lalpa kiang ah kithoina lân ding ah hung ka hi; kisuthiangtho unla, kithoina mun lam ah chia in kiton hitiu,” a tia. Tichun Jesse leh a chapa chu kisuthiangtho dingin a chial tai.

1 SAMUEL 16:5 ပူးပေါင်းရင်းမြစ်များ

THILSIAM THU 35:2

Tichun, Jakob in a chanaute leh a kiang ah um zosia kiang in, “La lak ua gam dang pathian um zosia pai mang unla, kihithiangtho unla, la puanteu le theng un:

1 LENGTE 2:13

Haggith chapa Adonijah chu Solomon nu Bathsheba kiang in a hung ah, amanu chun, “A pha lam ah hung la hem?” ti’n a dong a. Ama chun, “A pha lam ahi.

1 KHANGTHU 12:18

Ziaphatchun, Sawmthumte lak ah hotu Amasai chu thagau in a hun thuam ah, zia gual hin a hun gen tai: “Aw David, nang â ka hiu hi; Aw Jesse chapa, nang lam ah pang ka hiu! La chung ah thamuanna, thamuanna tung ta hen la, nang hun panpite chung inle thamuanna tung ta hen! La Pathian chu a hun panpipa ahi ngâl a,” ti in.

JOB LEKHABU 1:5

Zia gual ah luaithe’na a nei zaw jing si’n ua leh, Job chu jingkal ma tak ah tho in, amau chu ko in, a mimal tin uh sukthianna ding in kithoina a changkim un a bawl piak sek ah; Job chun, “Ka chate hin thil phalo a la bawl kha pal in, a lungthim un Pathian a la samsia kha tawl in au,” a ti ziak ahi. Zia thil ziak tak ah chun Job in zia gual chun a bawl sek ahi.

PAWTDAWNA THU 19:10

Lalpa chun Mosi kiang in, “Mipite kiang lam in chia inla, amau chu tu’ni tawh jing ah hin hithiangtho in. A puan uh sawp thiang chiat uh hen la;

JOEL 2:16

mipi ko khawm un, kikhawppina chu suthiangtho unla; pitingte ko khawm unla, chapangte leh nawichep lai nausente natiang ko khawm un. Mopa’n a pindan nusia hen la; monu’nle a chutna nusia hen.

ZEPHANIAH 1:7

Lalpa Pathian âng ah thipbek in um tau in! Lalpa ni la a nai ta’ngal a; Lalpa‘n la kithoina bawl zo in, a mi chialte a suthiangtho zo ta’ngal a.

KISIMNA LEKHABU 11:8

Mite’n a luak khawm ua, sumhêk ah hêkbuang a hem, sum ah suk in a subuang un, a tui dan chu sathau tawh kihel vaithum pei kisiam gual ahi.

1 KORINTH 11:28

Mitin ama leh ama ki-enchian zet in, zia vaithum hi ne hen la, zia no hile dawn hen.

JOSHUA 3:5

Chuleh, Joshua’n mipite kiang ah chun, “Kisuthiangtho un; jing leh Lalpa‘n la lak un thilmak hun bawl ding ahi ngâl a,” a tia.

JOSHUA 7:13

Mipite hi hi’thiangtho phot mai in, a kiang un, ‘Jing â ding in kisuthiangtho un; Lalpa, Israelte Pathian in zia gual hin a gen ngâl ah: Aw Israel, la lak un thil thianglo a um hi; la lak ua kipat thil thianglo chu la lâk mang masang siau, la mêlmateu zo thei ta pua’n lau.

1 SAMUEL 20:26

Zia ni chun Saul in bangma a gen pua’n; “Bangti a hem khat ah um le hi’ntin, a thian lo ziak le hi kha maw pua’n ah; a thianglo himle ahi,” ti’n a ngaitua a.