1 SAMUEL 16:4 - PATHIAN LEKHABU THIANGTHO (BSI)

⁴ Lalpa thupiak gual in Samuel inle a bawl ah, Beth-lehem a hung tung ah. Khawpi sung ah upate chu lau ah kithing kawm kawm in a kiang in a hung un, “Thamuanna thu ah hung la hi em?” a la tiu a.

1 SAMUEL 16:4 ပူးပေါင်းရင်းမြစ်များ

THILSIAM THU 35:19

Rakhel chu a thi ta’n, Ephrath khaw zotna lampi chun a vui tau a. (Ephrath khua chu Beth-lehem ahi.)

THILSIAM THU 48:7

Kei ka hileh chu, Paddan gam ah kipat ka hung lai khan Rakhel chu Kanaan gam lampi, Ephrath khua chu gamla thim tak a hinak lai ziakin ka kiang in a thi ta’n. Zia Ephrath lampi chun ka hun vui malam tai,” a ti’n; (zia Ephrath chu Beth-lehem khua ahi.)

2 SAMUEL 6:9

Zia ni’ chun David in, “Bangti’n Lalpa thuthung thingkuang chu enkol thei ding ka hita diam?” a ti ziakin, Lalpa chu a lau ta ma ma ziang a.

1 LENGTE 17:18

Ziaphatchun, amanu chun Elijah kiang in, “Ka chung ah bang a hem la lungdamlo’na, aw Pathian mi? Ka gitlona ei kigêl dawsak kit ding leh ka chapa thi’sak ding ah hung la hi maw!” a tia.

1 LENGTE 2:13

Haggith chapa Adonijah chu Solomon nu Bathsheba kiang in a hung ah, amanu chun, “A pha lam ah hung la hem?” ti’n a dong a. Ama chun, “A pha lam ahi.

2 LENGTE 9:22

Joram in Jehu a mu phât in, “Jehu, a pha lam thu a hem?” a tia. Ama chun, “La nu Jezebel ângkawmnate leh dawi leh kau biakte sutzop ahi laisia bang thil pha um thei ding a hem?” a tia.

HOSEA 11:10

Sakeibaknei gual ah kitum Lalpa chu hun zui ta’n au; a hung kitum phat leh a chate chu, tumlam ah kipat in lau ah kithing kawm in hung in au.

HOSEA 6:5

Ziaziakchun, jawlneite mang in amau ka sâttan ah, ka kam ah thute’n amau chu ka that tai; ka vaihawmna chu vâk gual in a kikhawdok hi.

LUKA 2:4

Joseph le David In sung mi suante lak ah mi ahiziak in, Galili gam ah Nazareth khawpi kipat chun, Judea gam ah David khawpi Beth-lehem in a chia a.

LUKA 5:8

Himaleh, Simon Peter in zia chu a mu phât in, Jesu kengbul in a hung bokkhup ah, “Lalpa, ei nusia ta’n, migilo ka hi!” a tia.

LUKA 8:37

Ziaphatchun, Gerasin gam leh a tuamvêl ah mi zosia chun a lau ma ma ziak un, amau chu nusia dingin Jesu chu a don tau hi. Tichun, long ah chun a lut ah, a kile’kit tai.

1 SAMUEL 21:1

David chu Nob khua thiampu Ahimelekh kiang in a hung a. Ahimelekh chu lau ah kithing kawm kawm in David lamtua dingin a hung ah; David kiang in, “Bang ding ah nang ngawn ah hung ah, mi pakhatle la hun pui lo a hem?” ti’n a la dong a.