1 SAMUEL 16:13 - PATHIAN LEKHABU THIANGTHO (BSI)

¹³ Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 16:13 ပူးပေါင်းရင်းမြစ်များ

2 SAMUEL 12:7

Nathan in David kiang ah chun, “Zia mipa chu nang la hi! Lalpa, Israelte Pathian in zia gual hin a gen hi: Israelte chung ah leng hiding in sathau ka hunnu’ in, Saul khut ah kipat inle ka hun hukdok in;

2 SAMUEL 2:4

Ziaphatchun, Judah mipite chu a hung khawm tau a, zia mun ah chun Judah Inkuante chung ah Leng hidingin David chu sathau a nu’ tau hi. David in, “Saul kha Jabesh-gilead ah mite’n a la vui tau hi,” ti a het phat in,

2 SAMUEL 23:1

Tu’hin, ziate hi David kamsuak nunung pente chu ahi: Pathian in a choisân, Jakob Pathian in sathau a nu’ leh, Israelte Mi Hatpa doisakna changpa, Jesse chapa David thugente chu:

2 SAMUEL 5:3

Tichun, Israel upate zosia chu Hebron ah lengpa kiang in a hung ua; Hebron ah chun Lengpa David in Lalpa ma-âng in a kiang un thuthung a siam tai; chuleh, amau inle David chu Israelte chung ah leng ah pang dingin sathau a nu’ tau hi.

2 LENGTE 9:6

Tichun Jehu a ding ah sunglam in a valut ah; tangval chun a luchung ah sathau a sung ta’n, “Lalpa, Israel Pathian in zia gual hin a gen hi: Lalpa mipi, Israelte chung ah leng dingin sathau ka nu’ la hi.

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

SAM 89:20

Ka suak David ka hawldok ta’n, ka sathau thiangtho kanu’ tai;

SAM 89:21

ka khut thahât in umpi zing intin, hi’hât ding ka hi.

KISIMNA LEKHABU 11:17

Hung suk ing ka tin, zia tak ah chun nangma hun ho ding ka hi; chuleh, nangma ah thagau um chu la khen ing ka tin, amau chung ah le koi ing ka; tichun, amau in mipite puakgik hun puakpi intiu in, nangma ngen in puakgik paw ta pua’n la.

KISIMNA LEKHABU 27:18

Ziaphatchun, Lalpa chun Mosi kiang in: “Nun chapa Joshua, a chung ah thagau umna pa chu puidok inla, a chung ah la khut ngat in;

JOHAN 3:34

Pathian sawl ahi ziakin Pathian thute chu a gen hi; Pathian in te’ chît chiat in Thagau chu a pia puai.

NASEPTE 13:22

Ama a hun paithâk nung in, David chu a leng ding un a hun pia ta’n. Ama chung thu ah chun, ka lung lam tak, ka doidan hi’piting thei ding mi, Jesse chapa David chu ka mudok tai, a tia.

HEBRAITE 1:9

Dikna chu la ngaina hen, diklona chu la hua ahi; ziaziakchun, Pathian, la Pathian in, “Kipakna sathau chu la gualte sâng ah chungnung zaw’n a hun mu tai,”

HEBRAITE 11:32

Ahi’n, bang gen nalai ding ka hem? Gideon, Barak, Samson, Jephthah, David, Samuel leh jawlneite chanchinte gen leu hin hun inle ei dai pua’n tin,

VAIHAWMTE 11:29

Ziaphatchun, Lalpa thagau chu Jephthah chung in a hung tung ta’n; tichun, Gilead leh Manassehte chênna gam chu a chuan suk ngâl a. Gilead gam ah kipat in Mizpah in a gâl kâi ah, zia Gilead gam ah Mizpah ah kipat chun Ammonte gam lam in a gâl kâi tai.

VAIHAWMTE 13:25

Zorah leh Eshtaol kikâl ah Mahaneh-dan ah chun Lalpa thagau in a hun thuam pan tai.

VAIHAWMTE 14:6

Lalpa thagau in a hun thuam ah, pawsal hat tak in kêlno a puaitel gual mai in, a khutngawn in sakeibaknei chu a puaitel ta mai ah. Himaleh, a thilbawl chu a nu hileh, a pa hileh bangma a hil puai.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.

1 SAMUEL 1:19

Jingkal ma takah tho in Lalpa a ho tau ah; Ziazaw chun, Ramah khua a In lam uh zuan in a chia kit tau a. Elkannah in a ji Hannah chu a luppi ah; tichun, Lalpa‘n ama chu a hezing hi.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 10:6

Ziaphat chuleh, Lalpa thagau in hun man intin, amau chu tawh thagau chang khawm ta’n la tin, mi danglam tak hung suak ta’n la.

1 SAMUEL 11:6

Saul in zia thu chu a het phat in, Pathian thagau chu hat tak in a chung in a hung tung ah, a lungna ma ma ziang ta’n.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 18:12

Lalpa‘n Saul chu taisan in David chu a umpi tâk ziakin, Saul in David chu a huphul ma ma tai.

1 SAMUEL 2:35

Kei â ding ah thiampu ginum, ka lungthim leh ka ngaituana dungzuiah bawl ding mi hun tungding ding ka hi. Ama chu In buldet siam piak ing ka tin, ka sathaunu’ kiangah lut leh pawt in umsak ding ka hi.