1 SAMUEL 16:12 - PATHIAN LEKHABU THIANGTHO (BSI)

¹² Tichun, a kosak ah, a hun puilût ua leh; ama chu dam mêlpu tak, mit chîm tak leh mêlpha tak ahi. Lalpa‘n Samuel kiang in, “Zia pen hi ahi; kipan inla, sathaunu’ in,” ti’n a hun hil a.

1 SAMUEL 16:12 ပူးပေါင်းရင်းမြစ်များ

THILSIAM THU 39:6

Tichun, a nei zosia Joseph khut in a koitha ta’n; a kiang ah thil um him him chu a hetpi ta pua’n, ama an nêk ding bep tilo ngal chu hetphâk a nei ta puai. Joseph chu mi pian pha tak leh mêlpha ma ma ahi.

2 SAMUEL 23:1

Tu’hin, ziate hi David kamsuak nunung pente chu ahi: Pathian in a choisân, Jakob Pathian in sathau a nu’ leh, Israelte Mi Hatpa doisakna changpa, Jesse chapa David thugente chu:

2 SAMUEL 7:8

Ziaziakchun, tu’hin, sepai honte Lalpa chun, ka suak David kiang in zia gual hin la gen ding ahi: Gancha chinna mun, belam hon la chinna mun ngei ah kipat hin, ka mipi Israelte chung ah Leng hiding in ka hun teldaw la hi’n,

1 LENGTE 1:34

Tichun, thiampu Zadok leh jawlnei Nathan in zia tak ah chun Israelte chung ah leng hiding in sathau nuu hen la; chun, ‘Lengpa Solomon dam sawt hen!’ ti’n pengkul mût un.

SAM 2:2

Lei ah lengte a pung khawm un, vaihawmte chule Lalpa leh a sathaunu’ lanna ding thu a gen khawm un;

SAM 2:6

“Keima ngei in ka tâng thiangtho Zion ah, ka lal chu ka chutsak ta ahi,” ti in.

SAM 78:70

A suak David chu a têl ah, belam huang ah kipat in a ladok ah;

PAWTDAWNA THU 2:2

numei chun nau a hun vop ah, chapa a hun nei ah; a chapa chu a mêlpha ma ma hi ti a he ta’n, tha thum sung a sêlgu tai.

SOLOMON LÂ 5:10

Ka lawmpa chu a sansua in a et lawm hen; sang sawm lak ah a pha pen ahi.

KÂ LATE 4:7

A lal chateu chu vûk sâng ah thiang zaw, bawngnawi sâng ah vâm zaw a hiu a; a taksau chu tuipi nuai ah thil um te sâng in, a no zawi. A sam uh sapphir suang mantam a bang hi.

ZEKARIAH 4:14

Ziaphatchun, ama’n, “Zia te ni hi khawvel pumpi Lalpa ma-âng ah tawi leh chan ding ah sathaunu’ ah umte chu a hiu,” ti’n ei hun dawnhu tai.

NASEPTE 4:27

Zia khawpi sung ah hin, ahi, Herod tawh Pontia Pilat ngei le, Jentelte leh Israel mite chu tawh, la suak thiangtho Jesu, sathau la nu’sa chu dodâl dingin a kikhawm tau a,

NASEPTE 7:20

Zia hun lai ah chun Mosi a hung piang ah; ama chu Pathian mit mu in a mêlpha ma ma ah. A pa Insung ah chun tha thum etkol in a um a;

HEBRAITE 11:23

Ginna’n Mosi a pian ah khan, nausen mêlpha tak ahiziak in, tha thum sung a nu leh pa’n a selguu ah, lengpa thupiakle a lau puau hi.

1 SAMUEL 16:18

Tangvalte lak ah pakhat in a hun dawnhu ah, “Beth-lehem khua mi khat thilgi tum thiam, mi hangsan leh gâlhat, thugen thiam leh ngaituana kitup tak nei khat ka mu’n; Lalpa umpi mi le ahi,” ti’n a dawnhu a.

1 SAMUEL 17:42

Philistin mipa chun David a en ah, khangdawng nalai, mawl bil bel leh mêlpha tak ahi ti a mu phât in a simmaw ma ma ziang a.

1 SAMUEL 17:55

Philistin mipa do ding ah David a kuandaw lai chu Saul in a la mu in, sepai zosia chung ah hotupa Abner kiang ah chun, “Abner, zia tangval hi kua chapa ahi em?” ti’n a dong a. Abner in, “Aw lengpa, la hinna sâl in ka gen ahi, ka he him him puai,” ti’n a dawnhu a.

1 SAMUEL 9:17

Samuel in Saul a mu phât in, Lalpa‘n a kiang in, “La kiang ah ka la gen mipa chu zia hi ahi. Ka mipite chung ah vaihawm ding chu ama hi ahi,” ti’n a hil a.