1 SAMUEL 16:1 - PATHIAN LEKHABU THIANGTHO (BSI)

¹ Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 16:1 ပူးပေါင်းရင်းမြစ်များ

1 LENGTE 8:16

Ama chun ‘Ka mipi Israelte Aigupta gam ah kipat ka puidaw ni kipat in, ka In sakna ding leh ka min umna dingin, Israel namte lak ah khawpi khat chale ka la têl chuam puai; ahi’n la, ka mi Israelte chung ah um dingin David ka la têl in,’ a la ti’n.

2 LENGTE 9:1

Jawlnei Elisha chun jawlneite pawl khat lak ah mi pakhat chu a ko ah, a kiang in, “La kawng gâk det in; zia sathaubûk hi chawi inla, Ramoth-gilead ah vachia in.

2 LENGTE 9:3

sathau bûk chu la’n la, a luchung in buak in la tin, ‘Lalpa‘n zia gual hin a gen hi: Israel chungah leng hiding ah sathau ka nu’ la hi,’ ti’n la. Ziazaw chuleh kotkhak hawng inla jam in; khawdâng hial kin,” a tia.

2 LENGTE 9:6

Tichun Jehu a ding ah sunglam in a valut ah; tangval chun a luchung ah sathau a sung ta’n, “Lalpa, Israel Pathian in zia gual hin a gen hi: Lalpa mipi, Israelte chung ah leng dingin sathau ka nu’ la hi.

1 KHANGTHU 11:3

Tichun, Israelte lak ah hotute zosia chu Hebron ah lengpa kiang in a hung tau ah, David inle Hebron ah chun Lalpa hetpi in thuthung a siam tai. Chuleh, Lalpa‘n Samuel kam ah thu a gen gual in, Israelte chung ah leng hiding in David chu sathau a nu’ tau hi.

1 KHANGTHU 28:4

Ahi’n la, Israelte Lalpa Pathian chun, ka pu leh pate Inkuan zosia lak ah kipat in, kumtuang ah Israelte chung ah leng hiding in ei la têl ta’n; ama chun Judah phung lak ah chunle ka pa Inkuan a têlchuam ah, ka pa Inkuan lak inle Israelte zosia chung ah leng hi dingin a chate zosia lak in keima ei têlchuam kit nalai hi.

ISAI 11:1

Jesse bulsum hung sel intin, a zung ah kipat in bâk khat hung khangdok in a.

ISAI 11:10

Zia ni phat chuleh, Jesse zung chu namtinte â ding ah tepte’na hung hi’ntin; namtin in ama umna hun kandok ta’n tin uh; tichun, a chênna chu hung lûn ma ma ta’n a.

ISAI 55:4

Ngai un, ama chu mipite â ding ah hiatpitu ding leh, mipite chung ah puitu leh thupetu hiding in, hun siam ding ka hi.

JEREMIAH 11:14

Nang vang, zia mite â ding hin pauchap kin la, a sik leh jal unle dot piak in pauchap kin; a lungdon man ua ei hun ko phat uh leh a la ngaitha lo ding ka hi’ngal a.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 6:30

Lalpa‘n amau chu a pom tâk lo ziakin, mite’n amau chu, “Dangkati umlo,” ahi a ti tau hi.

JEREMIAH 7:16

Nang vang, zia mite â ding ah hin pauchap kin la, amau â dingin dot piak kin la, paupuak kin la, ka kiang in hun gen piak kin; a la limsak lo ding ka hi’ngal a.

ZEKARIAH 4:14

Ziaphatchun, ama’n, “Zia te ni hi khawvel pumpi Lalpa ma-âng ah tawi leh chan ding ah sathaunu’ ah umte chu a hiu,” ti’n ei hun dawnhu tai.

ROMTE 15:12

Zia ban ah chun, Isai inle, “Jesse zung jam ah chun mi pakhat, Jentelte vaihawm dingin hung dingdok intin; Jentelte chun, ama ah chun, kinepna hun nei ding a hiu,” a la ti kit a.

HEBRAITE 11:32

Ahi’n, bang gen nalai ding ka hem? Gideon, Barak, Samson, Jephthah, David, Samuel leh jawlneite chanchinte gen leu hin hun inle ei dai pua’n tin,

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 15:23

Helna hi âisânna sual sâng in a nêp zaw pua’n, lochalna hi bawlsualna leh, milim ho’na tawh kibang ahi. Lalpa thu la pâm pai ziakin, ama’nle la leng hi’na kipat, a hun paitha tai tin,” a gen hi.

1 SAMUEL 15:26

Samuel in Saul kiang ah chun, “Nang in Lalpa thugen la limsak lo ziak ah, Israelte chung ah leng ah la panna Lalpa‘n a hun paithâk tâk ziakin, Lalpa kiang lam ah hungpi kit talo ding ka hi,” ti’n a gen a.

1 SAMUEL 15:35

Samuel in Saul chu a thi ni tilo in a mu kha kit ta pua’n; himaleh, Saul chu Samuel in a sûn ma ma hi. Chun, Israelte chung ah leng hiding ah Saul a la siam ziakin Lalpa chu a kisik ma ma tai.

1 SAMUEL 16:15

A suakte chun Saul kiang in, “Ngai in, tu’hin Pathian hun sawl thagau buak in a hun gawt la hita ahi.

1 SAMUEL 16:23

Bangtik hun ah le Pathian hun sawl thagau buak in Saul a hun lua phat leh, David in a tingtang a pan vak ah, a sai ngâl mai sek ah; ziaphat chuleh, Saul a um a nop deu sek ah, thagau buak chunle a nusia sek hi.

1 SAMUEL 17:12

David chu Ephrath ah Beth-lehem khua, Judai gam ah mi Jesse chapa ahi’n. Jesse chun chapa pagiat a nei ah. Saul hun lai ah chun Jesse chu teksia leh thachau lam ahi tai.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.