1 SAMUEL 15:35 - PATHIAN LEKHABU THIANGTHO (BSI)

³⁵ Samuel in Saul chu a thi ni tilo in a mu kha kit ta pua’n; himaleh, Saul chu Samuel in a sûn ma ma hi. Chun, Israelte chung ah leng hiding ah Saul a la siam ziakin Lalpa chu a kisik ma ma tai.

1 SAMUEL 15:35 ပူးပေါင်းရင်းမြစ်များ

THILSIAM THU 6:6

Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.

2 SAMUEL 6:23

Tichun, Saul chanu Mikhal chun a thi tiang in cha him him a nei puai.

SAM 119:136

La dan bawsiat ahi ziakin, ka mitthi tui luipi gual in a luang tai.

SAM 119:158

La thupiakte a zop lo ziak un, lepchia tak ah bawl mite chu, lungkham tak in ka en hi.

PHILIPPI 3:18

Mi tam tak in Khrista kros chu kãl in hinkhua a mang un; a chanchin uh ka hung hilsek kha, tu’hin le mitthi pawt kawm in ka hun hil kit la hiu.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 19:24

Ama’nle a puante chu liptha’n, Samuel ma-âng ah chun Thagau a chang ta’n. Zia ni leh a jan kit khawvak tiang in a ngawnchang in a lumden ziang tai. Ziaziakchun, “Saul le jawlnei lak ah pang hita lo a hem?” a la ti khawlaw hial uh ahi.