1 SAMUEL 15:28 - PATHIAN LEKHABU THIANGTHO (BSI)

²⁸ Samuel in a kiang ah chun, “Tu’ni ma ma hin Lalpa‘n Israel lenggam chu a botthêk ta’n, nang sâng ah phazaw, la Invêngte lak ah midang khat kiang in a pedok tai.

1 SAMUEL 15:28 ပူးပေါင်းရင်းမြစ်များ

2 SAMUEL 3:10

Dan ah kipat Beer-sheba tiang ah Saul lenggam chu ladok in, Judate leh Israelte chung ah hin David in a lalchutpha a hun tundaw lo tâk leh aw!” ti’n a dawnhu tai.

2 SAMUEL 3:18

Lalpa‘n David kiang ah: Ka suak David mangcha’n ka mipi Israelte chu Philistinte leh a mêlmateu zosia lak ah kipat hukdok ding ka hi, ti ah thu a la tiam kha tu’hi a hun ahi tai,” ti in.

2 SAMUEL 3:9

Lalpa‘n David kiang ah a tiam gual ah keima’nle ka hipiak lo ngei ngei leh, Pathian in Abner hi a law law ei law mai hen la, a huaisia zaw diak inle ei thuk hen;

2 SAMUEL 6:21

David in Mikhal kiang ah chun, “Lalpa, la pa leh a Inkuanpite zosia thasâng ah, Lalpa mipi Israelte zosia chung ah leng hiding ah ei têlpa, ama Lalpa ma-âng ah lâm ka hi.

1 LENGTE 11:11

Ziaziakchun, Lalpa‘n Solomon kiang in, “La lunggel chu zia hi a la hita mai ah, ka thuthung leh la kiang ah ka thupiak ka thugelte la vop tâk lo ziakin, lenggam chu nang ah kipat botdok ing ka tin, la suakpa kiang ah pia ding ka hi.

1 KHANGTHU 10:14

ziaziakchun, ama chu Lalpa‘n a that ah, a lenggam chule Jesse chapa David kiang in a pedok ta ahi.

JOB LEKHABU 34:24

Mi hatte chu a chung thuu, ngaitua zui um se’ se’lo in a sutawp ah, amau mun lua dingin midangte a koi ngâl sek hi.

DANIAL 4:17

Zia thu hi mi thiangthote thupukna dungzui ah, vêngtute thupuan chu ahi; tichun, Hatchungnung pen in, mihingte lenggam zosia chung in thu a nei hi; ama’n a nop tapote â dingin lenggam a pia, mi niampente chule a chung un a koi sek hi, ti hi mi zosia’n a hiattheina ding un,’ ti’n a hung kiko tai.

DANIAL 4:32

Mihingte lak ah kipat in nawdaw in um in la tin, gamlak ah ganchate tawh tat khawmsak hiding la hi. Hat Chungnung in mihingte lenggam zosia chung in vai a hawm in; a nop nopte kiang in lenggam a piak sek ahi, ti la hun hetdaw kit masangsia’n, hun sagi sung bawngchalte gual ah hampa nêksak ah hung um ding la hi tai,” a hun tia.

JOHAN 19:11

Jesu’n a dawnhu, “Chunglam ah kipat piak la hilo leh ka chung thu hin bangma thu nei thei pua’n la; ziaziakchun, la khut ah ei pedokpa chun gitlona a nei lian zawi,” a tia.

NASEPTE 13:22

Ama a hun paithâk nung in, David chu a leng ding un a hun pia ta’n. Ama chung thu ah chun, ka lung lam tak, ka doidan hi’piting thei ding mi, Jesse chapa David chu ka mudok tai, a tia.

ROMTE 13:1

Mitin a chung ua thuneite thunuai in um chiat uh hen, Pathian ah kipat longal kuama thunei in a pang ngai puau hi; thuneite hi Pathian guat a hiu hi.

1 SAMUEL 13:14

tu’hin vang, la lenggam in dai sawt pua’n ah; Lalpa‘n ama lung gual pu midang khat a hawldok ta’n; Lalpa‘n la zui ding ah thu a hun piakte la zui tâk lo ziakin, a mipite chung ah vaihawm dingin ama chu a guat ta ahi,” ti’n a dawnhu tai.

1 SAMUEL 16:12

Tichun, a kosak ah, a hun puilût ua leh; ama chu dam mêlpu tak, mit chîm tak leh mêlpha tak ahi. Lalpa‘n Samuel kiang in, “Zia pen hi ahi; kipan inla, sathaunu’ in,” ti’n a hun hil a.

1 SAMUEL 18:8

Zia a thugen uh chu Saul in a kipakpi him him pua’n, a lung a na ma ma a. Ama chun, “David in a sîngtêl ah that ah, kei a sangtêl ah that bep in a gen un; lenggam ei hun chu’piak ding ahiloleh bang dang hita ding a hem?” a ti tai.

1 SAMUEL 25:30

Lalpa‘n ka lalpa chung ah thilpha bawl piak ding a la tiam zosia chu la chung ah a bawl ah, nang chu Israelte chung ah leng ah a hun pansak phat leh,