1 SAMUEL 15:24 - PATHIAN LEKHABU THIANGTHO (BSI)

²⁴ Samuel kiang ah Saul in, “Mipite ka lau ziak ah a thuu ka la mat tâk ziakin, Lalpa thupiak leh la thugen ka la botsia kha ta’n, ka la gilo ta ahi.

1 SAMUEL 15:24 ပူးပေါင်းရင်းမြစ်များ

THILSIAM THU 3:12

Pawsal chun, “Ka umpi ding ah lei piak numei khan thingga chu ei pia’n, ka la nêk mai ahi,” a ti’n.

THILSIAM THU 3:17

Chuleh, Adam kiang in: “La ji thu la nung ah, thing pakhat, a ga la nêk lo ding ti ah thu ka piak, la nêk ziakin, leisiat hi nangma ziakin, hânsialaw in a um tai; la dam sung sia gim tak ah sêm in, a ga ne ta’n la tin;

2 SAMUEL 12:13

David in Nathan kiang ah chun, “Lalpa chung in ka la gilo ta a hi,” a tia. Nathan chun David kiang in, “Tu’hin la gitlona chu Lalpa‘n a lamang tai; thi lo ding la hi.

JOB LEKHABU 31:34

mipi tam tak âng ah din jachât ziak leh, Inkuanpite ei mu tawm ding lau ziak ah; thip bik bek ah kotkhak ah le, dakdok ngam lo ka hi chun;

SAM 51:4

La chung ah, nangma chung ngei in, thil ka la hi’khial ta’n; la mit mu ah thil diklo ka la bawl tai; tichun, la thugen ah thiam chang ah, vaihawmna le demna bei la hi’theina dingin.

PAWTDAWNA THU 10:16

Ziaphatchun, Pharaoh chun Mosi tawh Aron kin tak in a ko ah a kiang un, “Lalpa la Pathian uh leh nangmau chung in thil ka bawl khial tai;

PAWTDAWNA THU 23:2

Thil diklo bawl dingin mi a tam lam lam la mawk zui lo ding ahi; mi kinialna hiatpitu ah la pan phat leh, a dik lai thiam lo chansak dingin a tam lam lam in pang ziang kin la;

PAWTDAWNA THU 9:27

Ziaphatchun, Pharaoh in Mosi tawh Aron a ko ah a kiang un, “Tu’chung ah hin thil ka bawl khial tai; Lalpa chu a dik ah, keima leh ka mipite hi ka dik puau hi.

THUPILTE 29:25

Lalpa sâng ah mihing lau hi thâng kikam khum gual ahi’n, himaleh, Lalpa ah ginna ngak chu bitna ahi.

JEREMIAH 38:5

Lengpa Zedekiah chun, “Ama chu zia hin a um hilam, ama chu la khut ua um ahi; nanghaw kãl in lengpa’n bangma ka bawl thei puai,” ti’n a dawnhu a.

KISIMNA LEKHABU 22:34

Ziaphatchun, Balaam in Lalpa vansawlchâk kiang in, “Keima ei lamtin ding ah lamlian ah a la ding la hi’lam ka hepua, ka la hi’khial ta ahi. Ziaziakchun, tu’hin la lung a damlo chun, ka In lam ah kile’kit ziang ing ka,” a tia.

MATTHAI 27:4

“Mawna neilo thisan ka matsak ziak ah hin thil ka hikhial tai,” a tia. Amau chun, “Zia chu kei un bang ding ka tiu em? Nang in la law law kilaw ta’n,” a tiu a.

GALATIA 1:10

Ahileh, tu’hin mihing doisakna a hem ka hawl, Pathian doisakna? Ahiloleh, mihing kipaksak gua ka hem? Mihing kipaksak mai ka hi zing chun, Khrista suak hi pua’ng ka.

THUPUAN 21:8

Himaleh, mi dawilokte, ginglote, ki’dak umte, tualthatte, thanghuaite, dawi mangte, milim ho-te, juautheite zosia chun mei leh kât ah kâng meidil chang ta’n au, zia chu thi ni’na chu ahi,” a tia.

1 SAMUEL 15:15

Saul in, “Amalekte â a hun lâk uh ahi; Lalpa la Pathian kiang ah kithoina dingin, sepaite’n belam leh bawng hon lak ah a pha diakte a hun lâk uh ahi; a dang cheng chu vang ka hun that gam sik sek tau hi,” ti’n a dawnhu a.

1 SAMUEL 15:30

Ziaphatchun, Saul in, “Ka la gilo tai; himaleh, ka mipite leh upate ma-âng ah hin ja’ngai inla, Lalpa la Pathian ka biak theina dingin ei chiapi kit in,” ti’n a gen a.

1 SAMUEL 15:9

Saul tawh a sepaite chun Agag tawh, belam leh bawng hon leh belam no lak ah a thau deu deu leh a pha diakte pum in, van pha diakte chu tawh a hawi un; a phalo lam deu deu leh a man tam lo zosia chu a susia dik dek tau hi.

1 SAMUEL 2:29

Bang dingah ka thupiak dungzui ah ka mipi Israelte kithoina leh thillatte chu enlâ nalai ah, la chate kivâk thauna ding chu keima sâng ah ngaikhawk zaw la hi em?’

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.