1 SAMUEL 15:22 - PATHIAN LEKHABU THIANGTHO (BSI)

²² Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.

1 SAMUEL 15:22 ပူးပေါင်းရင်းမြစ်များ

THILSIAM THU 4:4

Chuleh, Abel inle a belamte lak ah piang masa pen a sa lak ah a phatna pen pen te chu a hun lân a. Lalpa chu Abel leh a thillat ah chun a kipâk a;

PAWTDAWNA THU 19:5

tu’hin, ka thu la zop ua, ka thuthung la mat ua leh, mi zosia chung in nang uh hi kei â ding ah gobîk hi’n lau: lei chung zosia hi kei â ahi ngal a:

THUPILTE 21:3

Dikna leh thutakna chu, Lalpa‘n kithoina sâng in pom tâk a sa zawi.

THUGENTU 5:1

Pathian In ah la chia phat leh, la keng vêngpha’n; mingolte kithoina thilpiak sâng in, ngaitha ding ah kisa zosa um hi a pha zawi; amau chun a thil hi’khial uh a ngaitua ngai puau a.

JEREMIAH 11:4

zia chu la pu leh pateu Aigupta gam ah, thîk hâltuina thukkhûk ah kipat ka puidaw lai ah, a kiang ua, ka thugen ngai unla, ka thupiak zosia hi la zui ding uh ahi. A chutileh, ka mite hin la tiu in, keile la Pathian uh hi’ng ka tin;

JEREMIAH 11:7

Aigupta gam ah kipat ka puidaw lai ah kipat tu’ni tiang hin, a kiang un gunchu tak in, “Ka thu ngai un,” ti’n ka la hillawk zing a.

JEREMIAH 26:13

Ziaziakchun, tu’hin la umdan leh bawl dan zosiau kisiam phau in la, Lalpa la Pathian un a thugente hi mang un; chutileh, la chung ua siatna hung tung ding a la gendawsa zosia hi lamang dingin a lungthim hei danglam kit ziang ding ahi.

HOSEA 6:6

Kithoina hilo in ja’ngaina ka dawi in; hâlmang thilpiakte sâng in, Pathian hetna chu ka doi zaw ngal a.

HOSEA 8:13

Amau in doichuam thillatte pemaleu, sate chu ne maleu, Lalpa‘n ziate chu a pom puai. Tu’hin, a khawlonateu chu hezing intin, a gitlo’nau chu gawt in a; amau chu Aigupta lam in kile’kit in au.

MATTHAI 12:7

Ahi’n, kithoina ka dawi pua hen, jangaina ka dawi hi, ti hi a umzia heleuchin, mawna neilopi maw chansak lo ding la hiu in.

MATTHAI 23:23

Nanghaw, lekhazikte leh Pharisai miphalêmte haw, la chung uh a gik hi! La thâichiteu lak ah pudinate, mawsawlate leh pathikhawmte natiang in sawm ah khat la piau a; dan thupiak poimaw tak tak, vaihawmna dan, jangaina dan leh ginna dante hi bangma’n la ngai puau ah; a dangte chu haisan diak lo in, ziate chu la hiding him uh ahi.

MATTHAI 5:24

zia mâichâm ma-âng ah chun, la thilpiak chu nusia’n la, chia kit in la, la unau vakichampi masa phot in, ziazaw chuleh hung inla, la thilpiak chu hung lân in.

MATTHAI 9:13

Chutichun chiau inla, ‘Kithoina ka dawi pua’n, jangaina ka dawi hi,’ ti hi a umdan vazil un; midikte hawl ding ah hung ka hipua’n, mi gilote hawl ding ah hung ka hizawi,” a tia.

MARKA 12:33

ama chu lunggil zosia, hetthiamna zosia, thagau zosia leh hatna zosia ah hepi ah, eima kihepi gual ah vêngte hepi chu hâlmang thillat leh kithoina sâng inle a thupi zaw ma ma hi, ti la gen dik hi,” a tia.

1 SAMUEL 13:12

‘Lalpa doisakna ka dot masang in Philistinte chu Gilgal do ding in hung ziang kha’n au,’ ka ti ziakin, keima’n hâlmang thillat ding chu ka la bawl mai a hita hi,” ti’n a dawnhu a.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;