1 SAMUEL 15:20 - PATHIAN LEKHABU THIANGTHO (BSI)

²⁰ Saul in Samuel kiang ah chun, “Lalpa thu ka mang ah, Lalpa‘n ka bawl ding ah ei sawlna’n ka chia ah, Amalekte lengpa Agag le ka hun hing mat ah; chuleh, Amalekte chu ka that gam sik sek chu lam.

1 SAMUEL 15:20 ပူးပေါင်းရင်းမြစ်များ

JOB LEKHABU 33:9

Nang in, “Bangma ka bawl khial pua’n, keima ah dukdak lona a umlo ziakin, ka thiangtho in, demkai lo ka hi.

JOB LEKHABU 34:5

Job in, “Kei chu midik ka hi’n, Pathian in ka dikna a kihet lo sak in;

JOB LEKHABU 35:2

Nang in, “Pathian âng ah dik suak ka hi,” la ti chu dik la sa em?

JOB LEKHABU 40:8

A diklo ah ei koi ding la hem? Nang thiam la kichan theina dingin, kei thiamlo ei chansak ding la hem?

MATTHAI 19:20

Tangval chun a kiang in, zia haw hi ka neu lai ah kipat ka la zop ahi tai, bang a kivât nalai em? a tia.

LUKA 10:29

Himaleh, ama leh ama thiam kichan gua’n Jesu kiang in, “Ka Invêngte chu kuate a hiu em?” ti’n a dong a.

LUKA 18:11

Pharisai pa chu a hung ding ah, ama chang in zia gual hin a hung pauchap a: ‘Pathian, keima hi mi dang gual ah negu, diktat lo leh ângkawm ka hilo ziakin leh, zia sedawlpa gual hile ka hilo ziakin la chung in ka kipak hi.

ROMTE 10:3

Pathian ah kipat dikna ngaisak lo in, amau dikna bep sukdetna ding hawl in, Pathian dikna chun a kipelut diak puau hi.

1 SAMUEL 15:13

Saul kiang ah Samuel a tun phatin Saul in a kiang in, “Lalpa‘n mal hun jawl ta hen; Lalpa thupiak gual in ka vabawl zo tai,” ti’n a gen a.

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

1 SAMUEL 15:8

Amalekte lengpa Agag chu a hingmat ah, midang zosia chu vang chemjam in a that suak tai.

1 SAMUEL 28:18

Lalpa thu la mang pua’n, Amalekte chung ah a lungnatna huaisia tak chu la sukpitin piak lo ziakin; ziaziak tak ah chun, tu’ni hin la chung ah zia gual hin Lalpa‘n a hun bawl ta ahi hih.