1 SAMUEL 15:17 - PATHIAN LEKHABU THIANGTHO (BSI)

¹⁷ Tichun, Samuel in, nangma kingai dan ah neucha’n kikoi male chin, Israel nam pumpi luchang hilo la hem? Lalpa‘n Israelte chung ah leng hi ding ah sathau a hunnu’ la hi.

1 SAMUEL 15:17 ပူးပေါင်းရင်းမြစ်များ

HOSEA 13:1

Ephraim in thu a gen phat leh midangte a kithing sek un; Israelte lak ah nasa tak ah choisân a la hiu. Tu’hin, Baal ah a kisukbuak phât un, a thi khawlaw tau hi.

MATTHAI 18:4

Kuale zia naupang gual ah kingainiam tapo chu, zia mi chu van-gam ah a lopi pen hung hiding ahi.

VAIHAWMTE 6:15

Ama’n, “Aw Lalpa, kei pen tak hin Israelte bangti’n hukdok thei ding ka hem? Manasseh phung lak ah a jawngkhal pen ka hi’n; chuleh, ka Inkuan lak ua le a neupen ka hi nalai ah,” ti’n a dawnhu a.

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 10:22

Tichun, Lalpa a dong kit ua, “Ama chu zia hi hung pang lo a hem?” ti in; chuleh, Lalpa‘n, “En un, van lak ah kisel ahi,” ti’n a hun dawnhu a.

1 SAMUEL 15:16

Ziaphatchun, Samuel in Saul kiang in, “Thip ta’n! Tu’jan ah Lalpa‘n ka kiang ah a thugen hun hil ing ka,” a tia. Ama’nle, “Hun gen in,” a ti tai.

1 SAMUEL 9:21

Saul in zia gual hin a dawnhu ah, “Kei hi Israelte phung lak ah a naupang pen Benjamin phung ah mi ka hi’n; chuleh, Benjamin phung lak ah le Inkuan thulimlo pen ka hi kit in. Bangtidan ah zia gual ah chu ka kiang ah thu gen la hem?” a tia.