1 SAMUEL 15:12 - PATHIAN LEKHABU THIANGTHO (BSI)

¹² Saul tawh kimu dingin Samuel chu jingkal ma tak in a kipandok a. Chuleh, Samuel kiang in, “Saul chu Karmel lam in a chia in, zia tak ah chun ama hetzingna ding khat a siam zaw in, Gilgal lam in a chia suk tai,” ti a hil tau a.

1 SAMUEL 15:12 ပူးပေါင်းရင်းမြစ်များ

THILSIAM THU 21:14

A jing ah chun Abraham jingkal ma tak in a tho ah, vaithum bang a hem jat tawh, tuithawl tui ah dim tawh Hagar a pia’n. A liangko in a sawt ah, naupang chu tawh a sawl mang ta’n. A mau le a chia tau ah, Beer-sheba gamthip ah chun a vâkvâi tau a.

2 SAMUEL 18:18

Absalom chun a damlai ah khan, Lengpa Phâicham ah chun suang a la kiphu ah, ama chun, “Ka min hetzingna dingin chapa ka nei pua’n,” a ti ziakin ama min het zingna ding ah a la phu ahi. Tu’ni tiang ah hin zia chu Absalom Hetzingna Suang ti ahi nalai hi.

2 SAMUEL 23:35

Karmel khua Hezro; Arbi mi Paarai;

1 LENGTE 18:42

Tichun, Ahab chu ne ding leh dawn dingin a chia to tai. Elijah chu Karmel tângvûm ah a chia to ah; zia tak ah chun, leitual in a bokkhup ah, a khup teni kikâl in a maichang a silut a.

2 KHANGTHU 26:10

Gamthip lam ah chun gâlven Insângte le a bawl ah; gancha tam tak nei ahiziak in Shephalah bial leh phâichâmte ah chun tuikul le tam tak a bawl hi. Lou bawlna lam ah lunglut mi ahiziak in, tânggam leh lei phatna munte ah chun lou bawl mi leh grep huan enkol ding mi tam tak le a nei hi.

JOSHUA 15:55

Maon, Karmel, Ziph, Juttah,

1 SAMUEL 13:12

‘Lalpa doisakna ka dot masang in Philistinte chu Gilgal do ding in hung ziang kha’n au,’ ka ti ziakin, keima’n hâlmang thillat ding chu ka la bawl mai a hita hi,” ti’n a dawnhu a.

1 SAMUEL 13:15

Chuleh, Samuel in Gilgal nusia in a chia mang tai. Mipi a um nalai cheng chu Saul sepai in a pang tau ah; Gilgal ah kipat in Benjamin gam ah Gibeah lam a zuan tau hi. Saul in a kiang ah pang sepaite chu a sim ah, za guk vel a hiu a.

1 SAMUEL 17:20

David chu jingkal ma tak ah tho in, a belamchinte chu mi pakhat kiang ah pedok in, nêktheite chu pua’n, a pa Jesse thupiak dungzui in a chia tai. Gal do ding ah a kiko veng vung lai tak un, a giamun uh a tung a.

1 SAMUEL 25:2

Maon khua mi pakhat in, Karmel tâng ah gam a nei a. Zia pa chu mi hausa tak a hia; Belam sang thum leh kêlcha sang khat a nei a, Karmel ah chun a belam mul mêt in a um hi.

1 SAMUEL 7:12

Chuleh, Samuel in Mizpah tawh Jeshanah kikâl ah chun suang pakhat a phu ah, a min in Ebenezer a sak tai; ama’n, “Zia chan hin Lalpa‘n ei panpi ahi,” a ti ziak a hi.