1 SAMUEL 15:11 - PATHIAN LEKHABU THIANGTHO (BSI)

¹¹ “Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 15:11 ပူးပေါင်းရင်းမြစ်များ

THILSIAM THU 6:6

Lei chung ah mihing a la siam tâk ziakin, Lalpa chu a kisik in, a lungthim a na ma ma ziang tai.

THILSIAM THU 6:7

Tichun, Lalpa’n, “Ka mihing siamte hi lei chung ah kipat in hi’mangthai mai ing ka, mihing hileh, ganhing hileh, a bokvâkte hileh, chung leng vachate natiang in, amau ka la siam hi ka kisîk ta ahi,” a ti’n.

2 SAMUEL 24:16

Himaleh, Jerusalem khua gawt ding ah vansawlchâk chun a khut a hun lap phatin, Lalpa chun mipite lak ah thil phalo bawl ding chu a hun thotâng ta’n, “Hun ta hen; la khut kha lâm ta kin,” a hun tia. Lalpa vansawlchâk chu Jebus mi Araunah phual kiang ah a um lai tak ahi’n.

1 LENGTE 11:9

Ziaphatchun, a kiang ah nivei kilâk Lalpa, Israelte Pathian ah kipat a lungthim a kihei mang tâk ziakin, Solomon chung in Lalpa a lungna ta’n,

1 KHANGTHU 10:13

Tichun, Saul chu a ginum lo ziakin a thi tai; Lalpa thupiak zui lo in Lalpa chung in a ginum pua’n; zia bep chule hilo in, Lalpa dong lo in thitha jawlte haw po a dong zaw ta’n,

1 KHANGTHU 21:15

Chuleh, Pathian in Jerusalem khua susia dingin vansawlchâk le a sawl ah; himaleh, a suksiat ding kuan in, Lalpa‘n a chung ua siatna tung ding chu ngai ngam lo in a khut a juk kit ah, a susia ding vansawlchâk kiang ah chun, “Hun ta hen! Hai ta’n,” a ti tai. Lalpa vansawlchâk chu Jebus mi Ornan buphual ah a din lai tak ahi.

JOB LEKHABU 34:27

ama nusia ah, a dante a ngaisak lo ziak un,

SAM 109:4

Amau ka hepi ziak ah ka pauchap piak sapi’nle, ei hêk un.

SAM 110:4

Lalpa‘n thu a tiam ta’n, a lungthim theng kit ta pua’n a; “Nang vang Melkisedek gual ah, Kumtuang thiampu chu la hi,” ti in.

SAM 119:136

La dan bawsiat ahi ziakin, ka mitthi tui luipi gual in a luang tai.

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

SAM 36:3

A kam ua thupawtte chu gitlona leh, thepna thu ngen a hisek in; chingthei tak leh pha tak ah bawl a haisan tau hi.

SAM 78:41

Pathian chu a vêl vêl ah a la patep in, Israel Mithiangtho a la cho lungna sek ui.

SAM 78:57

kihei mangsan nalai in, a pu leh pateu gual ah, ginum lo tak in a gamta tau ah; thalpi lamzang lo gual in a pêt kawi tau hi.

PAWTDAWNA THU 32:11

Himaleh, Mosi chun Lalpa a Pathian chu a awimaw ta’n: “Lalpa, bang ding ah la mipite Aigupta gam ah kipat thilhitheina nasa tak tawh la khut thahât tak ah la hun puidawte chung ah la lungnatna kuangjak ding a hem?

PAWTDAWNA THU 32:14

Chutichun, Lalpa’n a mipite chung ah thil phalo bawl ding a ngai tuana’ kipat chun a lung a hei tai.

JEREMIAH 11:10

Ka thu mang lo a pu leh pateu nunsiatna lam ma ma khan a kile’kit tau a; pathian dangte na sep piak dingin a chia tau hi; a pu leh pateu kiang ah ka thuthung kha Israelte leh Judate’n a botsia zo tau hi.

JEREMIAH 13:17

Himaleh, la ngaithâk lo uh chun, la chaponau ziakin ka thagau a gûk in kap ding ahi; Lalpa belam honte sal ah pui mang ah a um ziak un, ka mit chu thasia tak ah kap in, mitthi tui in luangtha’n a.

JEREMIAH 34:16

himaleh, kin tak in la kihei kit un, mi tin in la suak numei leh pawsalteu a duthusam gual ua la thâdaw nung un, la suak ua um kit ding ah chuanden kit in, mitin in ka min chu la subuak kit tau ahi.

JEREMIAH 9:1

Aw, ka luchang hi tuinâk hi hen la, ka mitte hile tuinâk gual ah, mitthi tui in luang hen la, ka mipi thalup ah umte ziakin, a sûn a jan in kap mai leng ka ti ngei ei!

JEREMIAH 9:18

I mit ua mitthi tui a luandaw a, I mitvunteu in mitthi tui a nawdaw theina dingin, hung kinawu hen la; I chung un kâ La hung sa kin uh hen.

EZEKIEL 18:24

Himaleh, mi diktat in dikna lampi haisan in thil phalo bawl hen la, migilote thilbawl ki’dak um takte chu hun bawl ta leh hing ding a hiu em? thilpha a la bawlsa zosia chu, khat chale het hita pua’n ah; a hi’khelna leh a thil phalo bawl ziakin a thi ngei ding ahi ngal a.

AMOS 7:3

Zia thu ah hin Lalpa‘n a lung a hei ta’n, “Zia gual chu hita pua’n a,” Lalpa chun a ti tai.

JONAH 3:10

Pathian in a thil bawlteu, a lampiu phalote a kiheisan dan uh a mu phât in, a chung ua thil phalo tung ding a gensate chu bawl talo dingin a lungthim a theng tai.

JONAH 4:2

Lalpa kiang in a pauchap a: “Aw Lalpa, zia thu hi ka gam ua ka um lai ah kha ka gensa hilo a hem? Ziaziak hin ahi, Tarshish lam ah ka la jam mang kha: Nang hi lungsiatna dim Pathian leh ja’ngaina dim, lungna vak ziang lo, hepina danglam lo ah dim, mi gawt lo ding ah kisa zosa la hi ti ka la he ta’ngal a.

ZEPHANIAH 1:6

Lalpa zuina pat kinungheite Lalpa hawl talo ah, ama kansui talote zosia chu, sumangthai ding ka hi.

MATTHAI 24:13

Himaleh, a tawp tiang ah thuakzote chu hukhin in um in au.

MATTHAI 5:44

Kei vang in ka hil la hiu, La mêlmateu hepiu inla, a sugentheite chu pauchap piak un;

LUKA 6:12

Zia hun lai ah chun, tâng chung lam ah pauchap dingin a chia ah; jan khawvak in Pathian kiang in a pauchap a.

HEBRAITE 10:38

Himaleh la midik chu ginna’n hing in a. A kinungle kitte chung in vang, ka thagau lungdam pua’n a”. A tia.

JOSHUA 22:16

“Lalpa mipite zosia chun, Lalpa, Israelte Pathian kiheimangsan ah bang ding ah mâichâm chuam kisiam ah, tu’ni hin, zia gual ah thil phalo tak hi bawl la hiu em?

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 13:13

Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 15:10

Samuel kiang in Lalpa‘n thu a hun gen a:

1 SAMUEL 15:3

Tu’hin kipan inla, Amalekte chu vado inla, a nei zosiau vasusia sik sek in; a numei a pawsal, naupang leh nausen hitaleh, a bawngchalteu, a belamteu, a sangawngsauteu leh a sabiltungteu natiang uh hawi neilo in that gam in, a ti ahi,” ti’n a gen a.

1 SAMUEL 15:35

Samuel in Saul chu a thi ni tilo in a mu kha kit ta pua’n; himaleh, Saul chu Samuel in a sûn ma ma hi. Chun, Israelte chung ah leng hiding ah Saul a la siam ziakin Lalpa chu a kisik ma ma tai.

1 SAMUEL 15:9

Saul tawh a sepaite chun Agag tawh, belam leh bawng hon leh belam no lak ah a thau deu deu leh a pha diakte pum in, van pha diakte chu tawh a hawi un; a phalo lam deu deu leh a man tam lo zosia chu a susia dik dek tau hi.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 8:6

Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;