1 SAMUEL 14:6 - PATHIAN LEKHABU THIANGTHO (BSI)

⁶ Jonathan in a gâlvan chawi tangval kiang ah chun, “Hung tia, zia zektanlote sepai umna lam ah sawn vachia hi ti, Lalpa‘n ei hun panpi mawlo ding ahi; Lalpa‘n ei panpi leh kuama’n dâl thei pua’n tin, Lalpa‘n ei hukdawna ding chu a mi tam leh tawm thu ah kinga khel khel lo ding ei ve,” ti’n a gen a.

1 SAMUEL 14:6 ပူးပေါင်းရင်းမြစ်များ

2 SAMUEL 1:20

Gath khua chun gendok kiu inla, Ashkelon khawpi kotzingte chunle puangjak kiu in; achutiloleh, Philistin chanute chu, kipak talua khan tin uh, zektanlote chanute chu lim talua kha’n au.

2 SAMUEL 16:12

Ka lungkhamna hi Lalpa‘n ei mu piak ahi chun, tu’ni zia gual ah hânkhum ah ka umna hile Lalpa‘n a pha lam ah ei hei piak zaw mai thei tho ahi,” a tia.

2 LENGTE 19:4

Lalpa la Pathian chun Rabshakeh thugente kha a la he ngei intin, Pathian hing simmaw leh hânsia law ding ah Assuria lengpa’n a hun sawlpa thugen kha, Pathian in he ngei ding a hia; nutsia ah um sunte â ding ah hin la pauchapna chu hun habawl ta’n,” a tia.

2 KHANGTHU 14:10

Asa chule amau do ding in a kuandok ah; tichun, Maresha mun ah Zephathah Phâijawl langtuak ah chun a kigual tau hi.

2 KHANGTHU 14:11

Asa chun Lalpa a Pathian zia gual hin a ko ah: “Aw Lalpa, nang in mi hat leh mi jawngkhal la panpi nop lo chuam a um puai. Aw Lalpa ka Pathian uh, nangma ah kinga leh la min bep suang ah zia mipite hi do gua ka hiziak un, ei hun panpi in. Aw Lalpa, nang chu ka Pathian uh la hi; mihing mai mai kizawsak ziang kin,” ti in.

SAM 135:6

Lalpa‘n a nop tapo a bawl sek, van ah hihen la, lei chung hitaleh; tuisuagiat leh tuili thûk tak zosia inle.

JEREMIAH 9:23

Lalpa‘n zia gual hin a gen hi: Mipil chun a pilna suang ki’hen la, mi hat inle a hatna suang diak ki’hen la, mi hausa’n le a hauna chu kisuanpi diak ki’hen;

JEREMIAH 9:25

A zekvun bep uh tan ah, a lungthim zektanlote chung thu ka ngaituana ding nikhua chu hung tung tei tei ding ahi Lalpa‘n a tii.

JEREMIAH 9:26

Gam keu ah chêng, a chalsam uh tan sek zosia, Aiguptate, Judate, Edomte, Ammonte leh Moabte chung ah vaihawmna ding chu. Zia namte zosia hin a zek uh a tan puau a, Israelte zosia le a lungthim uh zektanlo ngen ahi ngal un.

AMOS 5:15

Gitlona huau inla, phatna ngaina tau in; kul kotbul ah vaihawmna dik din tau in; Joseph Inkuan a um nalai sunte chung ah Lalpa, sepai honte Pathian chun lungsiatna a hun nei khâk leh.

ZEPHANIAH 2:3

Gam sung ah mi kingaitawm ah, a thupiakte zui tapo in Lalpa hawl tau in; diktat un la kingaitawmna hawl tau in; Lalpa lungnatna ni ah sêl gûk ah la um thei khâk leh.

ZEKARIAH 4:6

“Zia hi Zerubbabel kiang ah Lalpa thu hun gen chu ahi: Thagum hatna ziak hilo, thilhitheina ziak le hi diak lo in, ka thagau ziak bep in ahi, ti’n sepai honte Lalpa chun a ti’n.

KISIMNA LEKHABU 10:32

Chuleh, lei zui leh Lalpa‘n ka chung ua thilpha a bawl dungzui in, nang chung ah le hun bawl ding ka hiu,” a tia.

KISIMNA LEKHABU 31:4

Israelte lak ah phung tin ah kipat in mi sang khat chiat la sawl ding uh ahi,” a ti’n.

MATTHAI 19:26

Jesu’n amau chu a en a, “Zia chu mihing â dingin thil hitheilo a hi; himaleh, Pathian â dingin bangkim ahithei hi,” a tia.

ROMTE 8:31

Zia thute ah chun bang gen ding I hitau em? Pathian ei lam ah a pan chun kua’n ei do thei ding a hem?

DAN LEKHABU 32:30

Bangtidan ah mi khat in mi sang khat zo thei ah, mi pani’n a sîngtêl jam siatsak thei a hiu ah, a Suangpiu in a khotdawsa a hiu ah, a Lalpau in a nutsiasan a hilo ngâl leh?

PHILIPPI 3:3

Thagau ah Pathian ho in, Khrista Jesu kisuanpi ah, taksa ah kimuang lote hi zektan dik tak I hizaw ngal un.

JOSHUA 14:12

Chutichun, Lalpa‘n zia ni a la gensa, zia tak tâng gam ngei hi ei pia ta’n; zia ni khan Anakimte leh a khawpiu, kulpi detdo tak tak neite chênna gam ahi ti zia ni khan la he ta’ngâl ah; Lalpa‘n ei umpi intin, amau chu deldok mai ding ka hi, Lalpa‘n ei la gen piaksa ahi gual in,” ti’n a gen ta’n.

VAIHAWMTE 15:18

Ziaphatchun, Samson chu a dangchâk ta ma ma ah, Lalpa a ko ta’n, “Nang in, la suak khut in zia gual ah zaw’na hi lei pia ta’n. Tu’hin dangchâk ah thi in, zektanlote khut ah pûk mai ding ka hi em?” a tia.

1 SAMUEL 14:5

Suangpi khikêk pakhat chu mallam ah Mikmash lam nga ahi’n, khat zaw chun simlam ah Geba lam nga ahi.

1 SAMUEL 14:7

A gâlvan chawipa chun a kiang in, “La ngaitua dan tak chun bawl in. Ka hun umpi zing hi; la ngaitua dan dan chu ka ngaitua dan a hi mai hi,” ti’n a dawnhu a.

1 SAMUEL 17:26

David in a kiang ah dingpa kiang ah chun, “Aleh, zia Philistin mipa, Israelte simmawpa hi that thei mi kiang ah chun, bang bawl piak ahi diam? Zia Pathian hing sepaite chopa hi khoilam zektanlo Philistin mi a hia hem?” ti’n a dong a.

1 SAMUEL 17:36

La suakpa hin sakeibaknei leh savom bang jat a hem that ta ka hi; zia zektanlo Philistin mipa hile, Pathian hing sepaite a cho dan tak hi, ziate gual ah chun bawl ding ka hi,” ti’n a dawnhu a.

1 SAMUEL 17:46

Tu’ni ma ma hin, Lalpa‘n nang chu ka khut ah ei pedok intin, hun khen pâi ing ka tin, la luchang la ding ka hi; chuleh, tu’ni ma ma ah hin, Philistin sepaite luang chu chunglêng vachate leh lei chung ah gamsate kiang ah pia ding ka hi; tichun, lei chung ah mi zosia’n, Israelte lak ah Pathian a um hi, ti hun he ta’n au;

1 SAMUEL 17:47

chuleh, zia tak ah um khawm zosia hin, Lalpa‘n chemjam leh cheipi in mi a hukdok puai, ti he ta’n au; chuleh, kidona chu Lalpa â a hiziak in, ka khut un nang chu ei pia ding ahi,” a ti tai.

1 SAMUEL 31:4

Ziaphatchun, Saul in a gâlvan chawipa kiang ah chun, “Zia zektanlote hin kinoptatna ei mat zaw nung ua ei thalup tho tho sâng un, la chemjam khan ei sun thil ziang tiam in,” a tia. Himaleh, a gâlvan chawipa chun a bawl ngam lo ziakin a nuam ta pua’n. Tichun, Saul in a chemjam a jukdok ah, a baw tai.