1 SAMUEL 14:23 - PATHIAN LEKHABU THIANGTHO (BSI)

²³ Tichun, zia ni chun Israelte kiang in zaw’na Lalpa‘n a pia tai. Beth-aven khêl lam tiang in gâl a sat tau ah; chuleh, Saul lam ah pang sepaite chule sîng khat lam a hung ting tau hi. Kido’na thawmgi chu Ephraim tânggam tiang in a kithang tai.

1 SAMUEL 14:23 ပူးပေါင်းရင်းမြစ်များ

2 LENGTE 14:27

Himaleh, Lalpa chun Israel min chu van nuai ah kipat sumang ding ahi ti’n a gen pua’n; tichun, amau chu Joash chapa Jeroboam khut in a hukdok tai.

1 KHANGTHU 11:14

himaleh, ama chu David tawh a paniu in loulai ah chun a pang zing un; Philistinte chu nasa tak ah nang in a that gam tau a; tichun, Lalpa‘n zaw’na nasa tak chu a pia tai.

2 KHANGTHU 32:22

Tichun, Hezekiah leh Jerusalem khua chêngte chu Assuria Lengpa Sennakherib leh a gâlteu zosia khut ah kipat in Lalpa‘n a hukdok ta’n; kiltin ah kipat in thamuanna a pia tai.

PAWTDAWNA THU 14:30

Zia ni chun Lalpa chun Israelte Aiguptate a kipat in a hukdok ah; Israelte chun Tuipi pang ah Aiguptate thi haw chu a muu a.

HOSEA 1:7

Judah Inkuante chung ah vang lainatna nei ing ka tin, thalpi a hem, chemjam a hem, kidona a hem, sakol leh sakol chungchuang mi a hem in amau hukdam lo in, Lalpa a Pathian uh chun hukdam ing ka,” a ti’n.

DAN LEKHABU 20:4

gâl zaw’na hun pia ding ah la masang ua la gâlteu do ding ah kuandok, Lalpa la Pathian un a hun kitonpi zing ngâl ah,” ti in.

JOSHUA 7:2

Joshua’n Jeriko khua kipat in Bethel sualam ah Beth-aven kiang ah Âi khua lam in mi a sawl ah, a kiang un: “Vachiau inla, gam chu va enthau in,” a tia. Tichun, a chiau ah, Âi khua chu a vaen tha tau a.

VAIHAWMTE 2:18

A lak ua vaihawm ding Lalpa‘n a tundok phat si’n leh, Lalpa‘n zia vaihawm dingte chu a umpi zing ah; tichun, zia vaihawmte dam sung sia chu a mêlmateu khut ah kipat in a hukdok sek hi; amau tawden ah sugentheite nuai ah a thûmnau Lalpa‘n a khawksak sek ziakin.

1 SAMUEL 10:19

Himaleh, tu’ni hin la Pathian uh, la haksatnau leh la buainau zosia lak ah kipat hukdokpa lei dawi puau ah, nanghaw’n a kiang in, ‘Ahipuai, ka chung ua vaihawm ding leng pakhat ei pia’n,’ la tiu in. Zaziakchun, tu’hin la nam leh phung dungzui un Lalpa kiang ah hung kipechiat un a tii,” ti’n a gen a.

1 SAMUEL 13:5

Philistinte chu Israelte do dingin a kikokhawm un; sakol kângtalai sîng thum, sakol sepai sang guk tawh, tuisuagiat pang ah piaunêl gual ah tam sepai hon a hung khawm tau a; a hung kuan to ua Mikmash mun, Bethaven ah chun a hung kikul tau hi.

1 SAMUEL 9:16

“Jing leh tu’hun tuam hileh, Benjaminte gam ah kipat in pawsal pakhat la kiang ah hun sawl ding ka hi, ama chu ka mipi Israelte chung ah vaihawm ding ah sathau la nu’ ding ahi. Ama chun Philistinte khut ah kipat in ka mipite chu hukdok ding ahi; ka mipite gentheina ka mu ta’n, ei konau aw git ka het tâk ziakin,” ti in.