1 SAMUEL 13:5 - PATHIAN LEKHABU THIANGTHO (BSI)

⁵ Philistinte chu Israelte do dingin a kikokhawm un; sakol kângtalai sîng thum, sakol sepai sang guk tawh, tuisuagiat pang ah piaunêl gual ah tam sepai hon a hung khawm tau a; a hung kuan to ua Mikmash mun, Bethaven ah chun a hung kikul tau hi.

1 SAMUEL 13:5 ပူးပေါင်းရင်းမြစ်များ

THILSIAM THU 22:17

Hun maljawl ngei ngei ing ka tin, van ah aksi jat leh tuisuagiat pâm ah piaunel jat in la suante hi’pung ing ka tin, la suante chun a mêlmateu kul kotkhak hun lak piak in au:

2 SAMUEL 17:11

Zia sâng ah chun, Dan ah kipat’ Beer-sheba tiang ah mipi, tuisuagiat pâm ah piaunêl gual ah tam in kikokhawm hen la, gâl do dingin nangma ma’n ma pui zaw lechin ka ti ahi.

1 LENGTE 20:27

Israel mite chu a kichom khawm ua, nêk dingte a puaksak zaw phat un, amau cho dingin a kuandok tau a; Aram mite chun gam chu a lua dim zing lai un, Israel chate chu a âng zawn un kêlcha tawmcha hon ni tawhbang in a vakikul tau hi.

2 KHANGTHU 1:9

Aw Lalpa Pathian, nang in lei tual ah leivui jat ah tam mipite chung ah leng hiding ah lei siam tâk ziakin, ka pa David kiang ah la thutiam kha ka chung ah guitunsak ta’n.

ISAI 10:28

Aiath mun a hung tung tai; Migron a hawtheng in, Mikmash mun in a van a koi malam in;

ISAI 48:19

la hin la choite chu piaunêl gual ah tam in, la suan leh pâkte chule suangchang jat hita’n au; a min uh thaimang in um ngai pua’n tin, ka ma-âng ah kipat hi’mangthai in, umlo ding hive’n.

JEREMIAH 15:8

A meithâiteu chu tuisuagiat pang ah, piaunêl sâng in a tam zawu ah; sunchang lai ah a khanglaiteu that ding mite ka hun sawl in, a chung ua patauna leh, dip dapna phutlo in ka tunsak tai.

HOSEA 10:5

Beth-aven ah bawngnote ziakin, Samaria ah chêngte chu lau in a kithing tau hi. A mipite chun sûn intiu in; a lopinau amau ah kipat lakdaw ah a um ziakin, a milim ho’na thiampute chun amau chu kâ in’au.

HOSEA 4:15

Aw Israel, nawchi zuak tama lechin, Judah vang thiamlo chang ki’hen. Gilgal ah lut kin la, Beth-aven ah le chia to kin, “Lalpa a hin nâk leh,” ti’n kihaksial diak kin.

HOSEA 5:8

Gibeah ah belam kî mût unla, Ramah ah pengkul mût un. Beth-aven ah kigalginna mût unla; Benjamin, la nung lam en in!

ROMTE 9:27

Israel chung thu ah chun, Isai khanle, “Israel chate tam dan chu tuisuagiat ah piaunêl jat hi ziangleu le, a lak ua tawmcha bep hukdam ah um ding a hiu;

JOSHUA 11:4

Tuisuagiat pang ah piaunêl jat ah tam, a sepaiteu zosia tawh, a sakolteu leh a kângtalai tam tak uh tawh a hung kuandok tau a.

JOSHUA 18:12

A mallam gamgi ding uh chu Jordan lui in a kipan a; Jeriko simlam kenliang in a kithungto pek ah, tumlam ah tâng gam lam in a chia to pek ah; Beth-aven gamthip in a tawp tai.

JOSHUA 7:2

Joshua’n Jeriko khua kipat in Bethel sualam ah Beth-aven kiang ah Âi khua lam in mi a sawl ah, a kiang un: “Vachiau inla, gam chu va enthau in,” a tia. Tichun, a chiau ah, Âi khua chu a vaen tha tau a.

VAIHAWMTE 7:12

Midiante leh Amalekte, chuleh Sualam gam ah mite zosia chu zia phâijawl ah chun khaubepi hon gual mai in a dim met mut tau a; chuleh, a sangawngsauteu tamdan chule tuisuagiat pâm ah piaunêl gual mai ah simsên ding gual ahi puau a.

1 SAMUEL 13:11

Samuel in a kiang in, “Bang a la bawl la hi tam?” ti’n a dong a. Saul inle, “Mipite’n ei jamsan tau ah, nang la la hun tiam sung in la hung tung ta pua’n; chuleh, Philistinte lah Mikmash in a hung khawm ta’ngâl un.

1 SAMUEL 13:2

Saul in Israelte lak ah mi sang thum a têldok ah; ziate lak ah sang ni chu Saul tawh Mikmash leh Bethel tânggam in a um khawm un, sangkhat chu Jonathan tawh Benjamin gam ah Gilead ah a um un; mipi dang sia chu a puanbûk lam chiat un a sawl kit tai.

1 SAMUEL 14:23

Tichun, zia ni chun Israelte kiang in zaw’na Lalpa‘n a pia tai. Beth-aven khêl lam tiang in gâl a sat tau ah; chuleh, Saul lam ah pang sepaite chule sîng khat lam a hung ting tau hi. Kido’na thawmgi chu Ephraim tânggam tiang in a kithang tai.

1 SAMUEL 14:52

Saul damsung in Philistinte tawh kidona nasa tak tak a um ah; Saul chun mi hat leh mi hangsan a mu taphot chu a sepkhawmpi ding in a la lut jel hi.

1 SAMUEL 17:1

Chun, Philistin sepaite chu gâl do dingin a kikokhawm tau ah; Judai gam ah Sokoh mun in a chia khawm ua; chuleh, Sokoh tawh Azekah kikâl ah Ephes-dammim mun ah chun a kikul tau a.

1 SAMUEL 7:13

Tichun, Philistinte chu nuaisia ah a um tak ziak un Israelte gam sung in a hung lut kit ta puau ah; Samuel dam sung sia Lalpa‘n Philistinte chu a do zing tai.