1 SAMUEL 13:2 - PATHIAN LEKHABU THIANGTHO (BSI)

² Saul in Israelte lak ah mi sang thum a têldok ah; ziate lak ah sang ni chu Saul tawh Mikmash leh Bethel tânggam in a um khawm un, sangkhat chu Jonathan tawh Benjamin gam ah Gilead ah a um un; mipi dang sia chu a puanbûk lam chiat un a sawl kit tai.

1 SAMUEL 13:2 ပူးပေါင်းရင်းမြစ်များ

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 21:6

A chapa sagite chu ka khut un ei pedok inla, amau chu Lalpa tâng ah, Gibeon ah Lalpa âng ah khâilum ding ka hiu,” ti’n a don tau a. Lengpa chun, “Hun pedok ding ka hi,” a ti tai.

2 SAMUEL 23:29

Netophah mi Baanah chapa Heleb; Benjamin phung ah Gibeah khua Ribai chapa Ittai;

EZRA 2:27

Mikmashte chu za khat sawmni leh ni a hiu a,

NEHEMIAH 11:31

Benjamin phung ah mite chule Geba ah kipat in Mikmash, Aija, Bethel leh a khawpelte,

JOSHUA 18:28

Zela, Haeleph, Jebus (zia chu Jerusalem ahi); Gibeah leh Kiriath-jearim, a leng ah khawpi sawm leh li, a khawpelteu chiat tawh a hiu a. Zia haw hi a Inkuan dungzui ua, Benjamin phung ah mite luana ding ah a chanvo uh chu ahi.

JOSHUA 22:6

Chutichun, amau chu Joshua’n maljawl in, a chiasak ta’n; tichun, a puanbûk lam un a chia kit tau hi.

VAIHAWMTE 19:12

Himaleh, a pu’n a kiang in, “Zia tak ah mêlhet lote, Israel mi bawn hilote kiang chu zuan talojen hitiu; zia sâng ah chun Gibeah khua zuan zawi tiu,” a tia.

1 SAMUEL 10:26

Saul chule Gibeah khua a In lam zuan in a chia kit ta’n, sepai hangsan khenkhat, Pathian in a lungthim a sukkhakte chun a zui tau a.

1 SAMUEL 10:5

Ziazaw chuleh, Philistinte kikulna Gibeath-elohim hung tung in la tin; zia khawpi chu la lut phat leh jawlnei hon khat, pekkhuangte, khuangneute, lilute leh tingtangte tum ah, thoimual ah kipat hung suk tawh kituak in la tin; amau chu thagau a la chang intin uh.

1 SAMUEL 13:1

Saul chu kum sawmthum ah upa ahi in vai a hawm pan ah; chuleh, Israelte chung in kum sawmli leh ni vai a hawm hi.

1 SAMUEL 13:11

Samuel in a kiang in, “Bang a la bawl la hi tam?” ti’n a dong a. Saul inle, “Mipite’n ei jamsan tau ah, nang la la hun tiam sung in la hung tung ta pua’n; chuleh, Philistinte lah Mikmash in a hung khawm ta’ngâl un.

1 SAMUEL 13:15

Chuleh, Samuel in Gilgal nusia in a chia mang tai. Mipi a um nalai cheng chu Saul sepai in a pang tau ah; Gilgal ah kipat in Benjamin gam ah Gibeah lam a zuan tau hi. Saul in a kiang ah pang sepaite chu a sim ah, za guk vel a hiu a.

1 SAMUEL 13:16

Saul leh, a chapa Jonathan tawh a sepaiteu chu Benjamin gam ah Geba khua’n a kikul tau a; Philistinte chu vang Mikmash in a kikul ui.

1 SAMUEL 13:23

Tu’hin, Philistin gâlvêngte chu Mikmash chiangkot lam in a va kuandok tau hi.

1 SAMUEL 13:5

Philistinte chu Israelte do dingin a kikokhawm un; sakol kângtalai sîng thum, sakol sepai sang guk tawh, tuisuagiat pang ah piaunêl gual ah tam sepai hon a hung khawm tau a; a hung kuan to ua Mikmash mun, Bethaven ah chun a hung kikul tau hi.

1 SAMUEL 14:31

Zia ni chun Philistinte chu Mikmash ah kipat Aijalon tiang in a that gam tau ah; ahi’n, sepaite chu a sawlsam zo tau a;

1 SAMUEL 14:5

Suangpi khikêk pakhat chu mallam ah Mikmash lam nga ahi’n, khat zaw chun simlam ah Geba lam nga ahi.

1 SAMUEL 14:52

Saul damsung in Philistinte tawh kidona nasa tak tak a um ah; Saul chun mi hat leh mi hangsan a mu taphot chu a sepkhawmpi ding in a la lut jel hi.

1 SAMUEL 15:34

Ziaphatchun, Samuel chu Ramah lam in a chia ta’n; chuleh, Saul chu vang Saul khawpi, Gibeah ah a In lam in a chia tai.

1 SAMUEL 24:3

Lamlian pâm ah belam huang kiang a tung un, a kiang ah chun kawlhawm pakhat a um ah; Saul chu zia tak ah chun a vadâilêng a. Zia kawlhawm sunggil lam tak ah chun, David tawh a sepaite a la kichutkhawm lai tak uh ahi.

1 SAMUEL 26:2

A kipandok ta’n; Israelte lak ah sepai doichuam sang thum pui in, Ziph Gamthip lam ah David hawl dingin a chia tau hi.

1 SAMUEL 8:11

A kiang un, “Leng khat in la chung ua vai a hun hawm phat leh, zia gual hi hung hi ding ahi: La chapateu kilâk intin, a kângtalai leh a sakolchungchuang sepai dingin hun mat piak in tin; chuleh, a sakol kângtalai âng ah tai masa dingte’n mang in tin;