1 SAMUEL 13:13 - PATHIAN LEKHABU THIANGTHO (BSI)

¹³ Samuel in Saul kiang ah chun, “Ngolhuai tak ah thil a la bawl la hita hilam; Lalpa la Pathian thupiak chu la zui ta puai. Chuti hilo leh vang, Lalpa‘n Israelte chung ah leng la hi’na hi kumkhua’n hun hi’det piak ding ahi’n;

1 SAMUEL 13:13 ပူးပေါင်းရင်းမြစ်များ

THILSIAM THU 31:28

Chuleh, bangatia ka tute, ka chanute ka chawp malam phal lo la hem? La thilbawl hi ngolhuai tak ahi.

2 SAMUEL 24:10

Himaleh, mipi a sim ziakin a vainung in David lungthim chu a na ta ma ma ziang a. David in Lalpa kiang in, “Ka la thilbawl ziak hin nasa tak in gilo ka hi tai. Himaleh, tu’hin, aw Lalpa, la suak gitlona hi ei lakmang piak dingin ka hun don hi; ngolhuai tak in thil ka la bawl ta’ngâl in,” a tia.

1 LENGTE 18:18

Elijah chun a dawnhu ah, “Keima’n Israelte ka sulungngai puai. La Inkuanpite tawh, Lalpa thupiakte nusia in Baalte nung la zui tâk ziak in, nang la hi.

1 LENGTE 21:20

Ahab in Elijah kiang in, “Lei mudok tai maw, aw ka mêlmapa?” a tia. Ama chun a dawnhu a, “Ka hun mudok tai! Lalpa mit mu ah thil phalo bawl ding ah la kizokdaw tâk ziakin,

1 KHANGTHU 10:13

Tichun, Saul chu a ginum lo ziakin a thi tai; Lalpa thupiak zui lo in Lalpa chung in a ginum pua’n; zia bep chule hilo in, Lalpa dong lo in thitha jawlte haw po a dong zaw ta’n,

2 KHANGTHU 16:9

Ama ah lungthim dik tak nga zosiate hihat dingin, Lalpa mit chun khawvel pumpi a mu suak hi. Ngolhuai tak in zia gual hin la bawl ta mai hi; tu’kipat hin gâl do pan ta ding la hi,” ti’n a vagen a.

2 KHANGTHU 19:2

Hanani chapa Jehu, thiamgau chu ama mu dingin a chia ah, Lengpa Jehoshaphat kiangah chun, “Mi nunsiapa panpi in, Lalpa mu nuamlote chu ngaina zing nalai ding la hem? Zia gual ah la um ziak ah chun, la chung ah Lalpa hachang thak ding ahi.

JOB LEKHABU 34:18

lengpa kiang ah, “Mi dukdaklopa,” ti ngam ah, leng chapate kiang ah le, “Mi nunsiate haw,” ti ngam ah,

THUPILTE 12:8

Mihing chu a pildan dungzui chiat in pakchatna law intin; mi chanlam beite vang mu tawm in um in au.

THUPILTE 19:3

Min ama ngolna ziak ah siatna a tuak phat leh, Lalpa chung in a phunchiak sek hi.

ISAI 39:5

Ziaphatchun, Isai in Hezekiah kiang in, Sepai honte Lalpa thugen hi la ngai tia:

JEREMIAH 18:10

ka mit mu ah thil phalo a bawl ua, ka thugen a ngai diak lo uh chun, a chung ua thilpha bawl ding ah ka la guanggalna lungthim chu theng kit ziang ding ka hi.

1 SAMUEL 1:22

Himaleh, Hannah in vang a pawsal kiang in, “Kei vang nausen hin a nawichep a hâi ah, Lalpa kiang ah um den dingah a chia thei masang in hung dâ mai ing ka; ziaphat chuleh, a dam sung sia Lalpa â ding ah kikoi thiangtho hi dingah hun pia ding ka hi,” a ti zaw tai.

1 SAMUEL 13:12

‘Lalpa doisakna ka dot masang in Philistinte chu Gilgal do ding in hung ziang kha’n au,’ ka ti ziakin, keima’n hâlmang thillat ding chu ka la bawl mai a hita hi,” ti’n a dawnhu a.

1 SAMUEL 15:11

“Leng ding ah Saul ka la guat hi ka kisik hi, ka thupiakte zui lo hial in ei kinungheisan ta’ngâl a,” a tia. Samuel chu lungna tak kawm in jankhua’n Lalpa chu a ko ta ahi.

1 SAMUEL 15:22

Ziaphatchun Samuel in: “Lalpa‘n a thu mat sâng ah, hâlmang thilpiak leh kithoina kipakpi zaw a hem? Ahi’pen chu, kithoina sâng in thumat a phazaw’n, a thu ngaisak chu belamchal thau tak, piak sâng ah le phazaw ma ma ahi.

1 SAMUEL 15:28

Samuel in a kiang ah chun, “Tu’ni ma ma hin Lalpa‘n Israel lenggam chu a botthêk ta’n, nang sâng ah phazaw, la Invêngte lak ah midang khat kiang in a pedok tai.

1 SAMUEL 16:1

Samuel kiang ah Lalpa chun, “Saul hi Israelte leng a hi’na kipat ka paithâk ziak ah bang chan lungngai ah um ding la hi em? La sathau bûk ah sathau sungdim in la kipan in; Beth-lehem khua Jesse kiang ah hun sawl ing ka tin, a chapate lak ah kei â ding ah leng ah pang ding ka mudok ta’ngâl in,” a hun ti tai.

1 SAMUEL 26:21

Ziaphatchun Saul in, “Ka chapa David hung kit in, ka la bawlkhial ta ahi; tu’ni hin ka hinkhua nang in lûl tak ah lei koi ziakin, bangma hun law ta pua’ng ka; ka la ngol ziakin, thil ka la bawlkhial nasa ta law ta ahi,” ti’n a hun dawnhu tai.