1 SAMUEL 12:5 - PATHIAN LEKHABU THIANGTHO (BSI)

⁵ Ama chun a kiang un, “Ka khut in bangma ka bawlkhial a um puai ti la he tau a, Lalpa chu ei hiatpitu hi hen, a sathaunu’ ngei hile tu’ni’n ei hiatpitu hita hen,” ti’n a gen nalai a. Mipite chunle, “Ahi, ama chu ei hiatpitu ahi,” a ti tau hi.

1 SAMUEL 12:5 ပူးပေါင်းရင်းမြစ်များ

THILSIAM THU 31:50

“Ka chanute hi la hi’genthei ah, ka chanute hilo mi dang ji la nei chun, en in, kuama I kiang ah a umlo inle Pathian chu keima tawh nangma kikâl ah hiatpitu ahi,” a ti nalai a.

JOB LEKHABU 16:19

Tu’hin ei hiatpipa chu van ah a um in, ei panpitu chu vansâng tak ah um ahi.

JOB LEKHABU 42:7

Job kiang ah Lalpa‘n zia gual ah a gen zaw phat ah chun, Teman mi Eliphaz kiang ah chun Lalpa‘n zia gual hin a gen a: “Ka suak Job in ka chung thu dik tak ah a gen gual ah la gen lo ziak un, nang leh la gualte ni chung ah ka lungnatna a huaisia ma ma hi.

SAM 17:3

Ka lungthim enchian in, jan in ei kantha’n, ei patep malechin, keima ah hin nunsiatna him mu pua’n la; ka kam inle a genkhial puai.

PAWTDAWNA THU 22:4

Ahi’n, nisa suak nung ah zia gual ah chu kibawl ahi’chun, a thisan phuba chu lâk hi’n a.

JOHAN 18:38

Pilat chun a kiang in, “Thutak chu bang a hem?” a tia. Zia a gen zaw chun Judate kiang in a vapawt kit ah a kiang un, “Ama ah hin a mawna ding ka mu puai.

NASEPTE 23:9

Nasa tak in a kiko veng vung tau ah, Pharisaite lak ah lekhazik khenkhatte chu langpan in, a hung dingdok ua: “Zia mi hi a mawna ka mu puau: Thagau a hem, vansawlchâk a hem in a kiang ah thu a la gen hi kha taleh, Pathian dodâl hi khai tiu,” a tiu ah, a nialkãl lam in a hung pang tau a.

NASEPTE 24:16

Zia thu hin ka sia leh pha hetna ziakin Pathian lam leh mihing lam inle theitawp ah panpi dingin ka kisa him ahi.

NASEPTE 24:20

Ahiloleh, zia mite ngei hin, vaihawmte ma ah ka din lai in ka thil hi’khial a muu em gen uh hen la,

1 KORINTH 4:4

Bang ma kithiammawna ding ka kihe puai; ahi’n la, zia chun thiam ei chansak diak puai; ei enchianpa chu Pathian ahi zawi.

2 KORINTH 1:12

Ka lung sung ua sia leh pha hetna dungzui ah ka suan uh chu zia hi ahi: Khawvel ah mite leh nangmau kiang ah hizaw diak in, taksa lam pilna hilo ah, Pathian thianthona leh titakna chun ka tawi uh ahi.

1 SAMUEL 12:4

Mipite chun, “Lei dawhabawl pua’n, lei êngbawl pua’n, kuama â le la lâkpiak puai,” ti’n a dawnhu tau a.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.