1 SAMUEL 12:3 - PATHIAN LEKHABU THIANGTHO (BSI)

³ Zia hin ka um hi; ka chung ah lungkim lo zosia’n Lalpa leh a sathaunu’ ma-âng ah hin gen un. Kua bawngchal ka lâkpiak a um em? A leh, kua sabiltung ka lâkpiak a um em? ahiloleh, kua dawha bawl in a nei ka lâkpiak la um awm? Kua ka hun êngbawl la um awm? Mit kithumsak in kua kiang ah golgûkna ka la ngai em? Zia gual chu a um chun hun gen un, hun dit kit sik sek ing ka,” a tia.

1 SAMUEL 12:3 ပူးပေါင်းရင်းမြစ်များ

2 SAMUEL 22:22

Lalpa dante chu ka zui in, ka Pathian ah kipat nunsia tak in ka jam mang paw’ngâl a.

NEHEMIAH 5:11

Tu’ni ma ma hin, a louteu, a grep huanteu, a Oliv huanteu, a Inteu leh sum leh pâi, a bu leh bâl leh uain leh sathau bat zosiau kha pia kit chiat ziang un,” ti’n ka gen a.

SAM 15:5

a pung thangaina ziak ah dangka thunglâk sak ngai lo mi; mawna neilo lanna ding ah, golgûknale la ngai lo mite ngei chu. Zia gual mi chu bangtik lai inle kilîng pua’n a.

PAWTDAWNA THU 20:17

La Invêngte thil nei awtcha kin; la Invêngpa ji a hem, a suakpa a hem, a suaknu a hem, a bawngchal a hem, sabiltung a hem a thilneite him him la ên lo ding ahi.

PAWTDAWNA THU 22:4

Ahi’n, nisa suak nung ah zia gual ah chu kibawl ahi’chun, a thisan phuba chu lâk hi’n a.

PAWTDAWNA THU 23:8

Golgûkna him him la lâk lo ding ahi; golgûkna hin vaihawmte mit a hi’thûm ah, midikte dikna a lebawl sek ziakin.

THUPILTE 15:27

Lam diklo tak ah lawkna hawl ah du-âmte chun, a In sung â ding ah buaina a kisiam in; golgûkna dawilote chu vang hing in au.

THIAMPUTE LEKHABU 6:4

a thil bawl khial chu a hung kihiatdaw ah, kisik ah, sukdik a nop chun, la van lâkpiak a hem, a kikoigûk a hem, a kiang ah vopsak ah umte, van mang a mute;

THIAMPUTE LEKHABU 6:5

ahiloleh, thil dang zuau thu ah a la kitepnate le a dit kit ding a hi: a kim kei ah a dit kit bân ah, a mun nga ah khen a mun khat a belap ding ahi. A bawlkhialna a hung kihiatdaw ni ma ma in a neipa kiang in a pethuk ngâl ding ahi.

KISIMNA LEKHABU 16:15

A chung un Mosi a lungna ma ma ta’n, Lalpa kiang in, “A thillat uh bang ma pom piak kin. A sabiltung uh khat chale ka lâkpiak kha pua’n, a lak ua mi pakhatle ka gentheisak kha diak puai,” a tia.

MATTHAI 22:21

Amau chun, Kaisar, a tiu a. Ziaphatchun, a kiang un, “Kaisar thilte chu Kaisar kiang in piau inla, Pathian thilte chu Pathian kiang in pia tau in,” a tia.

LUKA 19:8

Chuleh, Zakai chu a ding ah, Lalpa kiang ah chun, “Ngaitia Lalpa, ka nei kimkhat hi gentheite kiang in pia’ng ka tin; chuleh, kua sum hita leh, ka lêpguk a um chun a le’li’n dit kit ing ka,” a hun tia.

NASEPTE 20:33

Kuama dangka leh sana leh sil leh chên ka eng ngai puai.

2 KORINTH 12:14

Ngai un, la kiang ua hung ding ka guat a thumveina ahi tai. Hun sugik pua’ng ka, la thil nei uh hawl ka hipua’n, nanghaw hawl ka hizawi. Chate’n nu leh pa â ding a khol ngai puau ah, nu leh pa’n chate â dingin a khol piak ding uh ahi zawi.

DAN LEKHABU 16:19

Dikna chu manlo sua kiu inla, doichuam bîk la nei lo ding ahi; gawlgûkna le la kiu in; gawlgûkna chun mipilte mit a hi’thûm ah, a dikna thugen uh a changma sek hi.

1 THESSALONITE 2:10

Nang uh gingtute chung ah thiangtho leh dik tak leh, demna bei ah ka um dan uh nangmau leh Pathian a hiatpite la hiu hi.

1 THESSALONITE 2:5

Bangtik lai inle kimaichang phatna thu a hem, huaihapna dawha a hem ka mang ngai puau hi ti la hiau a, Pathian chu ei hiatpipa ahi.

1 PETER 5:2

La khut ua vopsak ah um, Pathian belam hon chu chingtup un; hi’ ding a hiziak bep hilo in, Pathian thu gual ah thanuam tak zaw’n, lawkna hawl ziak le hilo in, lungthim ah dawi tak zaw’n,

1 SAMUEL 10:1

Samuel chun sathau bûk khat a hun ladok ah, a luchung a sunkhum ah; a chawp ah a kiang in, “Lalpa‘n a mipi Israelte chung ah vaihawm dingin a hun têl ah sathau a hun nu’ hi. Lalpa mipite chung ah vaihawm inla; chuleh, a kîmvêl ua a mêlmateu khut ah kipat hin amau la hukdaw ding ahi. Tu’hin Lalpa‘n a gochante chung ah vaihawm ding ah a hun têl ahi ti la hettheina ding ah tepte’na chu zia hi ahi:

1 SAMUEL 12:4

Mipite chun, “Lei dawhabawl pua’n, lei êngbawl pua’n, kuama â le la lâkpiak puai,” ti’n a dawnhu tau a.

1 SAMUEL 12:5

Ama chun a kiang un, “Ka khut in bangma ka bawlkhial a um puai ti la he tau a, Lalpa chu ei hiatpitu hi hen, a sathaunu’ ngei hile tu’ni’n ei hiatpitu hita hen,” ti’n a gen nalai a. Mipite chunle, “Ahi, ama chu ei hiatpitu ahi,” a ti tau hi.

1 SAMUEL 2:35

Kei â ding ah thiampu ginum, ka lungthim leh ka ngaituana dungzuiah bawl ding mi hun tungding ding ka hi. Ama chu In buldet siam piak ing ka tin, ka sathaunu’ kiangah lut leh pawt in umsak ding ka hi.

1 SAMUEL 24:11

En in, he pa, la puanâk chual mong ka khut ah um hi; nang in tha dingin ei hawl vêl ziang malechin le, nang hun that lo ah, la puanâk chual mong ka âtthak thei ah kipat hin, la chung ah khut thanuam lo ka hi’dan hethei in la.

1 SAMUEL 24:6

A sepaite kiang ah chun, “Lalpa sathaunu’, ka hotu ahi ziakin, Lalpa sathaunu’ chung ah ka khut neuchale tha lo dingin Lalpa‘n ei vêng ta hen,” ti’n a gen a.

1 SAMUEL 24:7

Tichun, David in a sepaite chu nasa tak in a tho tâng ah, Saul chu that ziang dingin a phal him him ta puai. Tichun, Saul le a kipandok ah, ma lam zuan in a chia tai.

1 SAMUEL 26:11

Lalpa sathaunu’ chung ah khut tha dingin Lalpa‘n ei phal puai; a lutûn ah a cheicha tawh a tuiûm kha hun la’n la chia tai ti,” a tia.

1 SAMUEL 26:9

Himaleh, David in Abishai kiang ah chun, “That him him kin; Lalpa sathaunu’ chung ah khut tha chu thiammaw chang lo ah kua suakcha ding a hem?” ti’n a dawnhu a.