1 SAMUEL 12:23 - PATHIAN LEKHABU THIANGTHO (BSI)

²³ Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 12:23 ပူးပေါင်းရင်းမြစ်များ

1 LENGTE 8:36

van ah la ngaitha’n la, la suakte leh la mi Israelte ngaidam inla, a zui ding ua lampi pha hil in; chuleh, a golua ding ua la mipi la piak, la gam ah gua hun pia’n.

2 KHANGTHU 6:27

van ah kipat in a la ngaitha’n la, a chiana ding uh lampi dik chu kawkmu in, la suakte leh la mipi Israelte gitlona chu ngaidam inla, la mite hi a gochan ding ua la piakna gam ah hin gua hun zuksak kit in.

SAM 122:6

Jerusalem thamuanna dingin pauchap piak un: “Nangma hun thangai mite chun vangphatna dong uh hen.

SAM 34:11

Aw, naupangte haw, hung unla, ka thu ngai tiam un; Lalpa lau dan hun hil ing ka.

SAM 34:12

Damsawt nuam a, a damsung ah, thilpha mu zing nuam chu kua a hem?

PAWTDAWNA THU 32:30

A jing phat ah chun, Mosi’n mipite kiang ah chun, “Thil phalo huaisia tak la la bawl kha tau hi. Himaleh, tu’hin Lalpa kiang ah va chia to ing ka tin; la thilbawl khialnau thoidamna ding ka hun bawlthei khâk leh,” a tia.

THUPILTE 4:11

Pilna lampi ka hun hil ta’n, dikna lampi’nle ka hun pui ta ngal in.

THUGENTU 12:10

Thugentu chun kampau thum te hawl a gua hen, thudik takte chu kichian tak in a zikdok a.

ISAI 30:21

Chuleh, la changlam a hem la veilam a hem ah la kiheina’n, la nung lam ah thu kigen la nakhang in hia’n tin, “Zia lam hi ahi a lampi, zia lam hi haw in,” ti in.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 27:18

Jawlnei dik tak hileu vang, Lalpa thu a kiang un um tak tak in tin, chutileh vang, ûm leh bêlte chu Lalpa In leh Judai gam ah lengpa In ah um zing ah, Jerusalem ah kipat Babulon lam ah puak mang hilo dingin, sepai honte Lalpa kiang in a la don ding a hiu a.

JEREMIAH 42:4

Jawlnei Jeremiah chun, a kiang un, “A pha ngut hi, la dot dungzui un Lalpa la Pathian kiang un pauchap ing ka tin, banghitaleh, Lalpa‘n ei dawnhu gual gual in la kiang un hun hil ing ka; nanghaw kiang ah bangmacha îmgu pua’ng ka,” ti’n a dawnhu tai.

JEREMIAH 6:16

Lalpa‘n zia gual hin a gen a: Lamka thuam ah ding unla, en vêl un; lampi pha umna lamlian luite umna dong unla, zia chu zui un; tichun, la thagau â ding un chawldamna mu’n lau, ti in. Himaleh, amau chun, “Zia chu zui pua’ng kau,” a tiu a.

NASEPTE 12:5

Peter chu suangkul ah a um lai in, kochuamte’n ama â dingin phatchuamngai tak in Pathian kiang in a la pauchap piak tau a.

NASEPTE 20:20

himaleh, nangmau phatna ding ahi’phot leh bangma kipadam lo in, mipi lak inle thu ka gen tho ah, thu tam tak ka hun hiatsak ta’n, a In In ah le ka chuantha chiat ahi kha;

ROMTE 1:9

A Chapa chanchinpha nasepna ka thagau zosia ka panna Pathian chu ei hiatpitu ahi; tichun, ka pauchapna ah chun hemil lo in la min uh ka sua zing sek a.

1 KORINTH 9:16

Chanchinpha hi gen maleng zia chu ka kisaktheipi ding ahi puai, bawl makmaw ka chung in a kinga tangal a. Chanchinpha ka gen lo chun ka chung a gik hi!

KOLOSSA 1:28

Mitin Khrista Jesu ah bukim tak ah ka piak theina ding un mitin chu hil in, pilna zosia ah hil in, ama chanchin chu ka gen sek uh ahi.

KOLOSSA 1:9

Ziaziakchun, ka het niu ah kipat kei unle nang uh â ding ah pauchap leh dot piak ka hai nai puau hi; thagau lam pilna leh hetna zosia, a doilam hetna hi’dim ah la hung umtheina ding un.

1 THESSALONITE 3:10

La mêl uh mu ah, ginna lam ah la tâksap awng uh ka huk piak theina ding un, sun leh jan ah pauchap in ka pang zing ui.

2 TIMOTHI 1:3

Ka pu leh pate’n a la ho gual un, sia leh pha thiang tak nei ah a na ka sep, Pathian kiang ah sûn leh jan ah ka pauchapnate ah chun nanghaw hun hezing in, kipak thu ka gen zing sek ahi.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 8:6

Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;