1 SAMUEL 12:22 - PATHIAN LEKHABU THIANGTHO (BSI)

²² A ziak chu, Lalpa‘n amin lopi tak ziak ah chun a mipite pâmpai ziang lo ding ahi, a ziak chu, Lalpa‘n a lung lam hi ding in a mipite hi a siam ahi.

1 SAMUEL 12:22 ပူးပေါင်းရင်းမြစ်များ

1 LENGTE 6:13

Israel chate lak ah chêng ing ka tin, ka mipi Israelte chu nusia lo ding ka hi,” ti in.

1 LENGTE 8:57

I pu leh pateu kiang ah a la um gual in, Lalpa I Pathian uh chu I kiang un um hen; ei nusia in ei kiheimangsan ki’hen la,

2 LENGTE 14:27

Himaleh, Lalpa chun Israel min chu van nuai ah kipat sumang ding ahi ti’n a gen pua’n; tichun, amau chu Joash chapa Jeroboam khut in a hukdok tai.

2 LENGTE 21:14

Ka golua ding ah um, a thibang sunte chule taisan ing ka tin, a mêlmateu khut nuai ah chun silut malam ing ka tin; tichun, a mêlmateu â dingin gâlhingmat leh thalup ding bep hita’n au.

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

NEHEMIAH 9:17

la thu nial in, a lak ua la thilbawl mak tak takte khale a la ngaisak puau hi; ahi’n, kihi’ lu’lul in, Aigupta gam ah a suak channau lam ma’n kile’kit a tup tau a. Himaleh, nang chu Pathian ngaidam pei, mi hepi thei, lainatna dim, jaidaw leh chitna hau la hiziak in, amau haw chu la thâthawt puai.

SAM 106:8

A chuti sapi’nle, ama min ziakin, a la hukhing nalai a, a thilhitheina lopi tak chu, a hetsak theina dingin.

SAM 94:14

Lalpa‘n a mite hemil pua’n tin, a gochante chule nusia diak pua’n a;

PAWTDAWNA THU 32:12

Bangatia a hem Aiguptate chun, ‘Siatna huaisia tak tuak dingin a puidaw, tâng ah te amau that ding leh lei chung zosia ah amau nuaimang ding leh kâk tumsak vek dingin a puidaw ahi’, a ti ding uh? La lung natna huaisia tak hi daisak inla, la mipite chung ah thil phalo bawl ding la guat chu haisan mai ta’n.

ISAI 37:35

Keima ziak leh ka suak David ziakin, zia khawpi hi vêng in, humbit ding ka hi’ngal ah, ti in.

ISAI 41:17

Migenthei leh chagate’n tui a hawl phat uh leh, bangma a mu ding uh umlo ah, dangchâk ziakin a lei uh chu a keu zaw tak leh; Keima Lalpa hin dawnhu ing ka tin, Keima Israelte Pathian hin amau chu nusia lo ding ka hi.

ISAI 42:16

Mitthûm chu lamlian hetkhaklo’na kaibât ing ka tin, a lampi hetkhâk lonau ah chun pui huai ding ka hi. A ma-âng ua thimna zosia vaksak ing ka tin, lampi phot lek luk chu hi’nâm piak ding ka hi. Zia thilte chu bawl piak ding ka hiziak in, amau chu nusia lo ding ka hi.

ISAI 43:25

Kei, Keima ngei hin, ka min ziakin la bawlkhialnate ka thai mang ah, la gitlonate chu hezing talo ding ka hi.

ISAI 43:7

ka min ah kiko mimal tin chu, ka lopina ding ah ka siam leh, ka la bawlsa la hiu,” hun tiding ka hi.

ISAI 48:11

Ka min ziakin, keima min ziak bep in, zia gual chun ka bawl hi; ka min chu polche tak ah umsak ding ka hia a hem? Ka lopina hi midang kiang ah pelo ding ka hi.

ISAI 49:15

Numei in a cha nawichep lai a hemil thei em? Ama sûl ah piang ngei ngei chu, lainatna nei lo in um thei ding a hem? Amau chun hemil thei ziangleu le, ke’n vang hun hemil pua’ng ka.

ISAI 63:8

Amau chun, “Amau chu ka mite a hiu a, ei thêm lo ding ah ka chate chu a hiu,” a la ti tâk ziak un; tichun, ama chu a Hukdampau a hung hi tai.

JEREMIAH 14:21

La min ziakin ei pâmpai kin la, la lopina lalchutpha hi sumualpho kin; ka kiang ua la thuthung kha hezing inla, botsia kin.

JEREMIAH 14:7

Ka khawlonateu in ei hêk zing maleh, aw Lalpa, la min ziakin ei panpi inla; ka nungtolnau a tam ma ma’n, la chung in ka la hi’khial zo tau hi.

JEREMIAH 14:9

Bang ding ah bawl ding dan he talo mi gual leh, gâlhangsan mi panpi’na ding a, thagum sua thei talo gual a, um ziang la hi em? Hizianglehle, Lalpa, nang ka lak un la um ngâl a; chuleh, la min ah ko in ka um sek ngâl un, ei nusia kin!

KÂ LATE 5:20

Bang ding ah kei haw, ei hemil veng veng ziang la hem? Bang ding ah zia chan chan hi ei nusia la hem?

EZEKIEL 20:14

Himaleh, zia gual chun ka la bawl nuam ta puai, amau ka puidaw a la mu nam zosiate mit mu ah, ka min siatlo’na dingin ka bawl zaw tai.

EZEKIEL 20:9

Himaleh, a umnau Aigupta mite zosia het ah amau puidok ding ti ka la kihiatsak tâk ziakin, a mit muu ah ka min gensiat a hilona dingin, a mit mu ngei in amau ka la puidok tai.

MALAKI 1:2

Ka hun hepi la hiu Lalpa chun, a ti’n. Himaleh, nang un, “Bang ah khan a hem lei hepi?” lei tiu a. Lalpa chun, “Esau kha Jakob suapipa hilo a hem? Ahi’n, Jakob ka hepi in,

MATTHAI 11:26

Ahi, he Pa, zia chu nang in la thu leh la dawi gual ah la bawl chu ahi,” a tia.

JOHAN 15:16

Nang un lei têl puau in, keima’n ka têl jawk la hiu. La chiau ah, vaga ding leh la gau um zing dingin ka guat la hi zawu hi; ka min ah Pa kiang ah la dot tapo uh a piak theina ding in.

ROMTE 11:1

Ahileh, Pathian in a mite a pâmpai ta a hem? Pâmpai lo e. Keima ngei le Israel mi, Abraham suan, Benjamin nam ah mi ka hingal a.

ROMTE 11:29

Pathian in a thilthawnpiak leh a kona haw chu sukbei kit thei ahi puai.

1 KORINTH 4:7

Nang kua’n a hun chuam bawl diak ah a hem? La chan ahi ngal leh, bangatia la chan lo gual ah la kisak theipi a hem?

EPHESA 1:12

Ei haw Khrista ah ginna a la nga masate hi a lopina pâkna I hung hi theina ding un.

EPHESA 1:6

A hepina chun ama’n ei la lut ah, zia a hepina lopi chu I chawihoina ding un.

DAN LEKHABU 14:2

Lalpa la Pathian â dingin mithiangtho la hi’ngâl ua; khawvel ah nam zosia lak ah kipat Lalpa‘n a gochan leh ama â ding bîk ah a hun têlchuam la hiu.

DAN LEKHABU 31:17

Ziaphat chuleh, a chung ua ka lungnatna kuangjak intin, amau chu kilepsan ing ka tin, ka mai sêlgu ta’ng ka; thil phalo leh tizat um tak in hun chup ta’n ah. Zia ni phat chuleh, ‘I Pathian un ei umpi lo ziak ah zia gual buainate hi tuak hi talo I hiu em leh?’ ti’n tiu in.

DAN LEKHABU 31:6

Hat tak leh hangsan tak in um un; amau chu lau kiu inla, lunglel him him kiu in; Lalpa la Pathian un a hun umpi zing ngâl a; ama’n hun lawsap sak ngai pua’n tin, hun nusia diak pua’n ah,” a tia.

DAN LEKHABU 31:8

Lalpa la Pathian un la mau a pui pek hi. Hun umpi zing intin, hun lawsapsak lo ding leh hun nusia ngailo ding ahi ngâl a. Lau kin la, lungthuai diak kin,” ti’n a thamuan a.

DAN LEKHABU 7:6

Lalpa la Pathian uh â dingin nam thiangtho la hiu ah; Lalpa la Pathian uh gochan bîk leh a mipi hi ding ah khawvel nam zosia lak ah kipat a kitêl chuamte la hi’ngâl un.

DAN LEKHABU 9:5

La dikna ziak leh la lungthim uh a dikna ziak ah zia gam hi lua ding la hi puau ah; zia gam ah chêng namte thanhuaina ziak ah hin, Lalpa‘n la suantuteu Abraham, Isak leh Jakob kiang ah a thutep namdet dingin, Lalpa la Pathian un amau chu a hun suan dawsak la hizaw ngâl un.

PHILIPPI 1:6

Nangmau ah nasep pha panpa khan, Jesu Khrista ni tiang in sêm bukim ngei in ah ti chu, ka gingcha ahi.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JOSHUA 7:9

Kanaan mite leh zia gam ah um zosia’n hun hia’n tiu in, ei hun ûm in, lei chung ah kipat ka min uh hi’mangthai zo ding a hitau hi. Zia phat chuleh, la min thupi tak chu bang la law ta diam?” a ti tai.

1 PETER 2:9

Himaleh, thim ah kipat hun kodok ah, a vâk lopi tak ah hun kolut pa thilbawl lamdangte chu la tâklat theina ding un, nanghaw vang chi têldaw, lal thiampute, nam thiangtho, Pathian mite ngei chu la hitau hi: