1 SAMUEL 12:21 - PATHIAN LEKHABU THIANGTHO (BSI)

²¹ thil mantheilo, phatchuamna bei leh nanghaw hun hukdok theilote hi, a phatchuamna bei ahiziak in zui kiu in.

1 SAMUEL 12:21 ပူးပေါင်းရင်းမြစ်များ

2 LENGTE 17:15

A pu leh pateu haw kiang ah thu a la thunte leh dan a la bawlte kha a kihiatlosak tei tei ua, milim siamkawm ho in thil diklo a bawl tau ah; Lalpa thupiak zui lo in a kîmvêl ua mite chawndan chu a zui zaw tau hi.

ISAI 41:29

Ngai un, kithepna mai mai a hiu; a thilbawl uh le bangmalo ahi’n, a lim kibawlteu chule hui gual ah, a ngawnchang ngen a hiu.

ISAI 45:20

Namtin lak ah a suakcha sunte haw, hungkhawm unla, hung kipung khawm in, ei hun nai tiam un! A thing milimteu paw tawl tawl ah, amau hukdok theilo pathian ho zingte chu, hetna nei lo a hiu.

ISAI 46:7

A liangko ah sepdok in a puau a, a umna ding mun un a tung un, zia chun a ding den tau a; a umnau kipat in a chia chawn thei ta puau hi. Mi khat in bang gual in ko maleh, a dawnhu thei pua’n, a lungkhamnau ah kipat in a hukdok thei puai.

JEREMIAH 10:15

Mi thepna ding mai ah kibawl, bangmalo mai mai a hiu ah; gawt ahi’phat uh leh mangthai ta’n au.

JEREMIAH 10:8

Amau haw vang a ngong un, a ngol ui; milimte zilsakna chu vang, thingbong panna bei gual ahi.

JEREMIAH 14:22

Nam dangte milim pathiante chun gua a zuksak thei awm? Ahiloleh, vante chunle, gawnêl a kaisak thei awm? Aw Lalpa ka Pathian uh, nangma bep hilo maw? Zia thil zosia bawlpa chu nangma la hiziak in, la chung ah kinepna ka nga tau ahi.

JEREMIAH 16:19

Aw Lalpa, ka hatna leh ka kulpi, buai lai ah ka kisêlna; kawl kîmvêl ah kipat namtin hung khawm in, la kiang in: Ka pu leh pateu in zuau thu leh, thil manlote tilo ngal, bangma a la lemlaw puau hi.

JEREMIAH 2:13

Ka mite’n thil pani a hi’khial ta’ngâl un: Tuinâk hing keima ei nusia in, tui um thei lona bêlsia gual, tui bêlte a kisiam ui.

JEREMIAH 2:5

Lalpa‘n zia gual hin a gen hi: La pu leh pateu in keima ah demna bang a muu ah, gamla tak ah ei nusia a hiu em? Bang ding ah bangmalo mai mai del ah, amau le bangmalo suak ziang a hiu em?

JONAH 2:8

Milim manthei lo ho te chun, a ginumnau a kilepsan zo tau hi.

JONAH 2:9

Ke’n vang, kipak thu gen kawm in, thutiam ka la bawlsa chu mualsua ing ka. Hukdamna chu Lalpa â ahi,” a ti tai.

HABAKKUK 2:18

Milim kisung, zuau thu zilsakte bep lo ngâl, a siampa’n bang ding ah a siam a hem? Milim mai mai leh pautheilo, a siampa’n a khutsuak a taksan mai chu aw!

NASEPTE 14:15

“Suapite haw, bangatia zia gual ah chu la bawl guat ziang uh a hem? Kei uh le nangmau gual ah piang mihing ka hiu, zia tawhbang thil manlote hi la hun kihei san ua, Pathian hing kiang lam la hun ngat zawk theina ding ua a thu gen ah hung ka hi zawu hi; zia Pathian chu lei leh van siampa, tuisuagiat leh a sung ah um zosia siampa chu ahi.

1 KORINTH 8:4

Milim hona kithoina thillat nêk thu ah chun, “Khawvel milimte hi bangma ahi puai,” ti leh, “Pathian pakhat beplo ngal chu a dang a um puai,” ti I hechiat ui.

DAN LEKHABU 11:16

Chingthei tau in; achutiloleh, pathian dangte ho ah, a nau sêm dingin thep pûk in um kha’n lau;

DAN LEKHABU 30:17

Himaleh, la lungthim un ama ngaisak lo ah, la kiheimangsan ua, pathian dangte la ho ua, a nau la sep uh chun,

DAN LEKHABU 32:21

Ka thangthîpna chu, pathian taklote chung in a choktho un; a milimteu chun ei choklungnau hi. Ziaziakchun, bangma hilote, suklungnat sak ing ka tin, mingol namte thangthîpsak ing ka.