1 SAMUEL 12:20 - PATHIAN LEKHABU THIANGTHO (BSI)

²⁰ Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;

1 SAMUEL 12:20 ပူးပေါင်းရင်းမြစ်များ

1 KHANGTHU 28:9

Chuleh, nang ka chapa Solomon, la pa Pathian chu hezing inla, thanuam tak leh lunglut tak in a na chu sêm in; Lalpa chun ngaituana zosia a patep sek in, thiltup leh ngaituana zosia le a hechian ma ma ngâl ah. Ama chu la hawl ahi chun, hun kimusak ding ahi’n; la nungngat leh vang kumkhua’n hun nusia ding ahi.

SAM 101:3

Thil mantheilo ka mute buaipi pua’ng ka. Mi chia khialte thilbawl ka hua hen, amau tawh bangma bawl khawm pua’ng kau.

SAM 125:5

A lampi kawi ua chiapette vang, Lalpa‘n thil phalo bawlte chu tawh gawt khawm ta’n a. Israelte chung ah thamuanna um ta hen!

SAM 40:4

Kisatheite lam leh pathian diklo lam, zuan ah pêtmang lo ah, Lalpa kingakna neite chu mi hampha a hiu.

PAWTDAWNA THU 23:25

Lalpa la Pathian uh na la sep ding uh ahi: tichun, la an uh leh la tui uh hun maljawl ding ka hi; chuleh, la lak ua kipat natna lamang ding ka hi.

PAWTDAWNA THU 32:30

A jing phat ah chun, Mosi’n mipite kiang ah chun, “Thil phalo huaisia tak la la bawl kha tau hi. Himaleh, tu’hin Lalpa kiang ah va chia to ing ka tin; la thilbawl khialnau thoidamna ding ka hun bawlthei khâk leh,” a tia.

JEREMIAH 3:1

Mi khat in a ji nol hen la, a ji chun a pawsal chu nusia in, pawsal dang khat tawh kicheng taleu, a pawsal masa chun a va kichenpi kit diam? Chutileh, gam chu nasa tak ah sukpolche hilo ding a hem? Nang vâng ngaijawng tam tak nei in, nawchizuak in la pang tai; aleh, kei lam ah la hung kit diam? Lalpa‘n a tii.

HAGGAI 2:5

Aigupta ah kipat la hung pawt lai ua, la kiang ua thu ka la tiam gual ah khan, la lak un ka thagau a chêng zing hi; lau kiu in.

DAN LEKHABU 10:12

Aw Israel, tu’hin Lalpa la Pathian un a hun phût chu bang ahi tam? Ama Lalpa la Pathian uh la lau ua, a lampi zosia la zui ua, la hepiu ah, Lalpa la Pathian uh chu la lungthim zosia leh la ngaituanau zosia ah ama na bep la sep ding uh,

DAN LEKHABU 11:16

Chingthei tau in; achutiloleh, pathian dangte ho ah, a nau sêm dingin thep pûk in um kha’n lau;

DAN LEKHABU 31:29

Ka thi’nung leh nasa tak ah kisupolche in, ka thupiak lampi pêtsan ding la hiu ti ka hechian ma ma ngâl a. Lalpa mit mu ah thil phalo la bawl ua, la khut nasep ua kipat in ama chu chok lungna ding la hiziak un, tu’nung phat leh, buaina tincheng hun tuak in lau,” a tia.

JOSHUA 23:6

Ziaziakchun, Mosi dan lekhabu ah kizik zosia kha, veilam leh changlam a hem ah pêtsan lo dingin, gunchu tak ah ensui ding leh bawl dingin chingthei tak in um unla;

1 PETER 3:16

Nunnem leh ja um tak ah um in, sia leh pha hetna chîm tak nei unla, nang uh hun gensete’n Khrista ah la umdan uh phat ziakin mualpho in au.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.