1 SAMUEL 12:19 - PATHIAN LEKHABU THIANGTHO (BSI)

¹⁹ Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 12:19 ပူးပေါင်းရင်းမြစ်များ

THILSIAM THU 20:7

Tu’hin, mi ji kha pia kit ta’n; a pawsal kha jawlnei ahi ngal in, hun pauchap piak intin, dam mai in la. La piak kit lo leh chu thi ngei ding la hi ti he’n, nang tawh, la nei zosia natiang in,” a ti tai.

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

JOB LEKHABU 42:8

Ziaziakchun, tu’hin, bawngchal pasagi tawh belamchal pasagi, ka suak Job kiang ah hun kai unla, hâlmang thillat vakibawl un; chuleh, ka suak Job in hun pauchap piak intin, zia chu a la pom piak ing ka tin, la mawl dungzui un hun thuk pua’ng ka; ka suak Job gual in ka chung thu dik tak in la gen paw’ngâl ua,” ti in.

PAWTDAWNA THU 10:17

zia ka thil bawlkhialna ziak hin ei ngaidam nalai unla, zia thi’na ding tizat um tak hi tunsak lo dingin Lalpa la Pathian kiang un ei dot piak nalai un,” ti’n a don tai.

PAWTDAWNA THU 32:30

A jing phat ah chun, Mosi’n mipite kiang ah chun, “Thil phalo huaisia tak la la bawl kha tau hi. Himaleh, tu’hin Lalpa kiang ah va chia to ing ka tin; la thilbawl khialnau thoidamna ding ka hun bawlthei khâk leh,” a tia.

PAWTDAWNA THU 9:28

Van-gi leh gialpi thupi takte hi a tawp theina dingin Lalpa kiang ah don in. Hun chiasak ta’ng ka tin, hun khâm ta pua’ng ka,” a tia.

ISAI 26:16

Aw Lalpa, lungdonni’n a hun hawl un, la thununna a chung ua a tun phat leh, la kiang ah pauchapna a sungtha sek ui.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JEREMIAH 27:18

Jawlnei dik tak hileu vang, Lalpa thu a kiang un um tak tak in tin, chutileh vang, ûm leh bêlte chu Lalpa In leh Judai gam ah lengpa In ah um zing ah, Jerusalem ah kipat Babulon lam ah puak mang hilo dingin, sepai honte Lalpa kiang in a la don ding a hiu a.

JEREMIAH 37:3

Lengpa Zedekiah chu Shelemiah chapa Jehukal tawh, Maaseiah chapa Zephaniah thiampu chu jawlnei Jeremiah kiang ah, “Lungsiat in Lalpa I Pathian kiang un ei pauchap piak in,” ti’n a vadotsak hi.

JEREMIAH 42:2

jawlnei Jeremiah a hun nai un, a kiang in, “Lungsiat ah ka dotnau ei ngaithâk piak dingin, la phatna sua inla, Lalpa la Pathian kiang ah, a um nalai sunte â ding hin ei dot piak in. La mit ngei ah la mu gual in, mi tam tak lak ah tawmcha bep nutsia ah um ka hitau hi.

MALAKI 1:9

Tu’hin, Pathian doisakna chu I chan ua, a ja’ngaina I don theina ding un don hitiu. A bawlkhial chu nanghaw thiampute ngei hi la hi ngal un. Nanghaw lak ah kua la hiu em a doisakna chang ding chu, sepai honte Lalpa chun a ti ahi.

KISIMNA LEKHABU 21:7

Mipite Mosi kiang ah hung in, “Lalpa tawh nangma ka gensiat uh hi ka la hi’khial tau; gûl haw hi la mang dingin Lalpa kiang ah ei dot piak in,” a tiu a. Tichun, Mosi chun mipite a dot piak tai.

NASEPTE 8:24

Simon in, “La thil gen uh bangma ka chung ah a tun lona dingin, nang un Lalpa kiang in ei pauchap piak un,” a tia.

JAKOB 5:15

Ginna pauchapna chun damlo chu hukdam intin, Lalpa‘n amau chu kaitho in a; chun, gitlo a la bawl taphot le ngaidam piak hi’n au.

1 JOHAN 5:16

La suapi pakhat thina khop hilo gitlona bawl la mu chun, don in la tin, Pathian in ama tawhbang kiang ah chun hinna pia’n tin; chuleh, thina khop hilo gitlona bawlte kiang ah chunle pia’n a. Thina khop gitlona a um ah, zia gual mite â ding ah chun pauchap un ka ti ahi puai.

1 SAMUEL 12:13

Ngai un, la dot dungzui un, leng ding ah la têl uh chu zia hin a um hi; ngai un, la chung ua leng ah pang ding Lalpa‘n a hun pia ta ahi.

1 SAMUEL 12:17

Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

1 SAMUEL 12:20

Samuel in mipite kiang ah chun, “Lau kiu in; zia gual khop ah chun a la bawlkhial ta maleu chinle, Lalpa nusia kiu inla, la lungthim zosiau in Lalpa na sêm tau in;

1 SAMUEL 12:23

Kei ka hileh chu, nanghaw â ding ah pauchap haisan in Lalpa chung ah gitlo bawl pua’ng ka tin; chuleh, lampi dik leh pha chu hun hil zing ding ka hi.

1 SAMUEL 7:5

Ziaphatchun, Samuel in, “Israel mipi zosia chu Mizpah ah hun ko khawm unla, Lalpa kiang ah hun dot piak ing ka,” a tia.

1 SAMUEL 7:8

Israel mipite chun Samuel kiang in, “Lalpa ka Pathian kiang ua kei uh â ding ah pauchap chu chawl kin la; Philistinte thunuai ah kipat ei hukdok dingin ei dot piak zing in,” a tiu a.

1 SAMUEL 8:6

Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;