1 SAMUEL 12:18 - PATHIAN LEKHABU THIANGTHO (BSI)

¹⁸ Tichun, Samuel in Lalpa a ko ta’n; chuleh, Lalpa‘n zia ni chun van-gi leh gawpi a hun zuksak ah; tichun, mipite chun Lalpa leh Samuel chu a lau ma ma tau hi.

1 SAMUEL 12:18 ပူးပေါင်းရင်းမြစ်များ

1 LENGTE 18:42

Tichun, Ahab chu ne ding leh dawn dingin a chia to tai. Elijah chu Karmel tângvûm ah a chia to ah; zia tak ah chun, leitual in a bokkhup ah, a khup teni kikâl in a maichang a silut a.

EZRA 10:9

Ziaphatchun, Judah leh Benjamin phung ah mite zosia chu Jerusalem khua’n ni thum sung in a hung khawm kim tau a; zia hun chu a tha kuana, a ni sawmni tin ni ahi’n. Mipi zosia chu Pathian In mai tual lai thu ziak leh gawpi nasa tak ah a zuk ziakin lau in a kithing tau a.

JOB LEKHABU 37:13

Sukdikna ding a hem, a gam phatna ding a hem leh, a ja’ngaina ziak a hem ah a hun umsak ahi.

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

PAWTDAWNA THU 14:31

Aiguptate do-na a chung ua Lalpa thilbawl lopi tak chu Israelte’n a muu a. Tichun, mipite chun Lalpa chu a lau tau a; chuleh, Lalpa leh a suak Mosi chule a taksang tau hi.

JOSHUA 10:12

Lalpa‘n Israelte khut ah Amorte a piak ni chun Joshua’n Israelte mit mu in Lalpa kiang ah zia gual hin a gen a: “Nisa, Gibeon khaw chung zawn ah ding zing inla; Thapi, nang le Aijalon guam chung zawn in um zing in,” a ti’n.

JOSHUA 4:14

Zia ni chun, Israel mipi zosia mit mu in Lalpa‘n Joshua a chawihoi ta’n; Mosi a lau gual uh khan, a dam sung sia’n ama chule a lau tau a.