1 SAMUEL 12:17 - PATHIAN LEKHABU THIANGTHO (BSI)

¹⁷ Tu’ni hi gehu bu-ât hun hilo a hem? La chung ua vaihawm ding leng la kidot ziang uh hi Lalpa mit mu ah thil huaisia tak ahi ti la het ua, la mutheina ding un, Lalpa chu ko ing ka tin, van-gi leh gawpi hun zuksak ding ahi,” a tia.

1 SAMUEL 12:17 ပူးပေါင်းရင်းမြစ်များ

SAM 99:6

A thiampute lak in Mosi leh Aron a pang un; a min lamte lak in Samuel le a pang hi. Lalpa a ko un, a hun dawnhu tai!

PAWTDAWNA THU 32:30

A jing phat ah chun, Mosi’n mipite kiang ah chun, “Thil phalo huaisia tak la la bawl kha tau hi. Himaleh, tu’hin Lalpa kiang ah va chia to ing ka tin; la thilbawl khialnau thoidamna ding ka hun bawlthei khâk leh,” a tia.

THUPILTE 26:1

Nipi lai ah vûk kia leh, bu-ât lai ah gawzuk a kilawm lo gual in, mingol choihoi chu a kilawm puai.

JEREMIAH 15:1

Ziaphatchun, Lalpa‘n ka kiang in: Mosi leh Samuel, ka ma-âng ah hung ding hial ziang leule, zia mipite lam ah hin ka lungthim chu kihei diak ta pua’n a. Ka muphâk lona del mang unla, chia mangsak un!

JOSHUA 10:12

Lalpa‘n Israelte khut ah Amorte a piak ni chun Joshua’n Israelte mit mu in Lalpa kiang ah zia gual hin a gen a: “Nisa, Gibeon khaw chung zawn ah ding zing inla; Thapi, nang le Aijalon guam chung zawn in um zing in,” a ti’n.

1 SAMUEL 12:13

Ngai un, la dot dungzui un, leng ding ah la têl uh chu zia hin a um hi; ngai un, la chung ua leng ah pang ding Lalpa‘n a hun pia ta ahi.

1 SAMUEL 12:19

Mipi zosia chun Samuel kiang in, “Thi lo ah ka umtheina ding un, la suakte â ding hin Lalpa la Pathian kiang ah ei pauchap piak in; ka gitlonau belapna dingin, ka chung ua vaihawm ding leng ka la don nalai sêt un,” a tiu a.

1 SAMUEL 2:10

Lalpa do-te chu suksiat hi’n tiu in; Chungnung Penpa chu vanah, van-gi’n hung ding ahi. Lalpa‘n kawlkil tiangah vaihawm intin, a lengpa kiang ah hatna pia’n tin, a sathaunu’te thilhitheina chu vang, chawisâng ding ahi, ti in.

1 SAMUEL 7:5

Ziaphatchun, Samuel in, “Israel mipi zosia chu Mizpah ah hun ko khawm unla, Lalpa kiang ah hun dot piak ing ka,” a tia.

1 SAMUEL 8:6

Himaleh, “Ka chung ua vaihawm ding leng ei pia’n,” a ti ziak un Samuel chu a lungawi ta pua. Samuel chu Lalpa kiang in a pauchap a;

1 SAMUEL 8:7

Lalpa‘n zia gual hin Samuel kiang in a hun gen ah, “La kiang ah mipite gen zosia chu ngaitua piak mai in; nang hun doilo ahi puau in, a chung ua lal ka hi’na ei doilo ahi zawu hi.