1 SAMUEL 12:14 - PATHIAN LEKHABU THIANGTHO (BSI)

¹⁴ Lalpa chu lau ah, a na la sep ua, a thu ngai ah, Lalpa thupiakte chung ah la thukhel lo ua, nanghaw leh la chung ua leng vaihawmpa hin Lalpa la Pathian uh thu la zui phot uh chun, thilpha hi ding ahi;

1 SAMUEL 12:14 ပူးပေါင်းရင်းမြစ်များ

2 KHANGTHU 15:2

Asa kiang in a chia ah, zia gual hin a genah: “Lengpa Asa leh Judah leh Benjamin phung ah mi zosiate haw, ka thugen hi ngai tiam un: Lalpa ah la um sungsiau chu ama’nle a hun umpi hi. Ama la bawlphat ua leh hung kimusak intin; ahi’n, ama la nutsiau leh vang ama’nle hun nusia ngal ding ahi.

SAM 105:28

Ama’n thimpi a sawl ah, a gam uh a hi’thim ta’n; a thute nial in a huhel ui.

ISAI 3:10

Mawna neilote chun a khut sepgim gau, ne ding a hiziak un, mi vangpha ahi dan uh hil in.

KÂ LATE 1:18

Lalpa vang a dik hi, a thupiak dodâl in ka la hel ta mai un; himaleh, ngai un, ka mipite haw, ka genthei dan hi ngaituau in; ka nungakte leh tangvalte sal in a tâng zo tau.

ROMTE 2:7

Kuale thilpha hi ah, dawthei tak ah umte chun, lopina leh choisânnate, thitheilona leh kumtuang hinna chu chang in au.

DAN LEKHABU 13:5

Zia gual ah jawlnei leh mang nei taphot chu, Aigupta gam ah la suak channau In ah kipat hun puidokpa, Lalpa la Pathian uh thupiakte la pêtsan theina ding ua hun pui mang gua a hiziak un, la thagam ding uh ahi. Zia gual ah chun la lak ua kipat thil phalo chu la sukthian zel ding uh ahi ngâl a.

JOSHUA 24:14

Ziaziakchun, tu’hin Lalpa lau dan thiam unla, titakzet leh dik tak in a na sêm un; la pu leh pateu in Luipi gâl lam leh, Aigupta gam ah a na a sep piak uh pathiante kha paitha sik sek unla, Lalpa na bep sêm tau in.

JOSHUA 24:20

Lalpa nungngat ah nam dang pathiante na la sepsan uh leh vang, la chung un pha tak ah a bawl zaw nung inle hun nusia intin, la chung un thil phalo hun tunsak in, hun hi’mangthai tho tho ding ahi,” ti’n a gen a.