1 SAMUEL 12:11 - PATHIAN LEKHABU THIANGTHO (BSI)

¹¹ Tichun, Lalpa chun Jerubbaal tawh, Barak tawh, Jephthah tawh Samson a hun sawl ah, amau chun kiltin ah kipat in la gâlteu khut ah kipat in a hukdok tau a; tichun, gâl muang tak in la chêng tau ahi.

1 SAMUEL 12:11 ပူးပေါင်းရင်းမြစ်များ

2 LENGTE 13:5

Ziaziakchun, Lalpa chun Israel hukhing ding pakhat a pia ta’n, tichun, Aram mite khut ah kipat a suakcha tau ah; chun, Israel mite chu a masang lam gual ah khan a In un a chêng tau hi.

1 KHANGTHU 7:17

Ullam chapa chu Bedan ahi. Ziate hi Manasseh tupa Makhir chapa Gilead chate chu a hiu hi.

VAIHAWMTE 4:6

Ama chun Naphtali gam ah Kedesh mun ah chêng, Abinoam chapa Barak ko dingin mi a sawl ah, a kiang in, “Lalpa, Israelte Pathian in hiti hin thu a hun pia’i: ‘Chia inla, Naphtali leh Zebulun phung te ni ah kipat mi sîng khat ko khawm in, Tabor tâng ah vapang un,

VAIHAWMTE 6:14

Ziaphatchun, Lalpa‘n ama chu a en ah, a kiang in, “La thahât lai hin chia inla, Israelte chu Midiante khut ah kipat in va hukdok ta’n; keima’n ka hun sawl la hi,” a hun tia.

VAIHAWMTE 6:31

Himaleh, Joash in ama hung bulu’te kiang ah chun, “Baal panpi ding la hiu maw? Baal hûk ah panpi ding la hiu em? Baal panpi taphot chu jingkal leh tha gam ding a hiu. Baal chu Pathian hileh, a mâichâm min phetha ta, ama leh ama kihûk leh hi ding a pom,” ti’n a la dawnhu a.

VAIHAWMTE 6:32

Ziaziakchun, zia ni kipat chun Gideon chu a min in Jerubbaal sak ahi tai; ama’n Baal mâichâm a phiat thâk ziakin, “Baal in ama chung ah phuba la ta hen,” a ti ziak uh ahi.

VAIHAWMTE 7:1

Ziaphatchun, Jerubbaal (zia chu Gideon ahi) chu a kiang ah sepai um zosia chu tawh, jingkal matak ah tho in, Harod Tuinâk ah chun a kikul tau a; Midiante giabuk chu amau umna kipat mallam pang ah Moreh tâng nuai, phâijawl ah um ahi.

VAIHAWMTE 8:29

Joash chapa Jerubbaal chu ama In ah chêng dingin a chia to tai.

VAIHAWMTE 8:35

chuleh, Jerubbaal (zia chu Gideon ahi) in Israelte â ding ah thilpha bang jat a la bawl piak ta maleh, phatna thuk lo in, a In sung mite â dingin a ginum zo ta puau hi.

1 SAMUEL 3:20

Chuleh, Dan ah kipat Beer-sheba tiang ah Israel mipi zosia chun Samuel chu, Lalpa jawlnei dik tak ahi ti a hechiat tau a.

1 SAMUEL 7:13

Tichun, Philistinte chu nuaisia ah a um tak ziak un Israelte gam sung in a hung lut kit ta puau ah; Samuel dam sung sia Lalpa‘n Philistinte chu a do zing tai.