1 SAMUEL 11:6 - PATHIAN LEKHABU THIANGTHO (BSI)

⁶ Saul in zia thu chu a het phat in, Pathian thagau chu hat tak in a chung in a hung tung ah, a lungna ma ma ziang ta’n.

1 SAMUEL 11:6 ပူးပေါင်းရင်းမြစ်များ

PAWTDAWNA THU 32:19

Giabuk kiang nai a hung tun phat un, bawngno lim leh a lâmpite chu a mu ta’n, Mosi lungnatna chu a hung puangjak phut mai ah; tichun, a khut ah suangpêkte chun a sep ta’n; tângbul ah chun a sep kek tai.

KISIMNA LEKHABU 12:3

Mosi chu, lei chung ah mi zosia lak ah thunuaigol leh nunnem pen ahi.

MARKA 3:5

Ziaphat chun lungna tak kawm in amau chu a en vêl ah, a lung tâk ziak un a lungna ma ma a; zia pa kiang ah chun, “La khut hun zâk in,” a tia; ama chunle a hun zâkdok phut ah, a khut chu a dam ngal tai.

EPHESA 4:26

Lungnau inla, ahi’n, gilo kiu in; la lungnatnau chu nisa’n tumpi ki’hen.

VAIHAWMTE 11:29

Ziaphatchun, Lalpa thagau chu Jephthah chung in a hung tung ta’n; tichun, Gilead leh Manassehte chênna gam chu a chuan suk ngâl a. Gilead gam ah kipat in Mizpah in a gâl kâi ah, zia Gilead gam ah Mizpah ah kipat chun Ammonte gam lam in a gâl kâi tai.

VAIHAWMTE 13:25

Zorah leh Eshtaol kikâl ah Mahaneh-dan ah chun Lalpa thagau in a hun thuam pan tai.

VAIHAWMTE 14:6

Lalpa thagau in a hun thuam ah, pawsal hat tak in kêlno a puaitel gual mai in, a khutngawn in sakeibaknei chu a puaitel ta mai ah. Himaleh, a thilbawl chu a nu hileh, a pa hileh bangma a hil puai.

VAIHAWMTE 15:14

Chun, Lehi khua a hung tun phat un, Philistinte chu kipak ma ma ah kiko in, amau dawn dingin a hung kuan tau a; chuleh, Lalpa thagau in a hun thuam ah, a khut a kânnau khauhualte chu mei in a kâk tan gual mai in a jetan tan; a khut ah thikkhaute chule a tuitha zo ta mai a.

VAIHAWMTE 3:10

Lalpa thagau a chung in a um ah, Israelte chung in vai a hawm tai; gâl do in a kuandok ah, Lalpa chun Aram ah lengpa Kushan-rishathaim chu a khut in a pia tai; chuleh, a khut in Kushan-rishathaim chu a zo tai.

VAIHAWMTE 6:34

Himaleh, Lalpa thagau in Gideon chu a thuam ta’n; tichun, pengkul a mût ah, Abiezar phung ah mite chu a nungzui dingin a ko khawm tai.

1 SAMUEL 10:10

Zia mun ah kipat chu Gibeah khua a hung tun phat un, jawlnei hon khat in a hun kituakpiu ah; tichun, Pathian thagau in a man ah, jawlnei dangte chu tawh thagau a chang khawm chiat tau a.

1 SAMUEL 10:6

Ziaphat chuleh, Lalpa thagau in hun man intin, amau chu tawh thagau chang khawm ta’n la tin, mi danglam tak hung suak ta’n la.

1 SAMUEL 16:13

Ziaphatchun, Samuel in sathau bûk sakî chu a hun la, a suapite mit mu ah chun sathau a nu’ tai; zia ni kipat chun Lalpa thagau a chung in a hung um ziang tai. Tichun, Samuel le a kipandok ah Ramah lam in a chia kit tai.

1 SAMUEL 16:14

Tu’hin Lalpa thagau in Saul a pawt dawsan ta’n; tichun, Lalpa‘n thagau buak hun sawl in Saul chu a gawt tai.