1 SAMUEL 11:13 - PATHIAN LEKHABU THIANGTHO (BSI)

¹³ Himaleh, Saul in, “That kiu in, tu’ni hin Lalpa chun Israelte ei hukdaw tâk ziakin, tu’ni hin kuama that kiu in,” ti’n a gen a.

1 SAMUEL 11:13 ပူးပေါင်းရင်းမြစ်များ

2 SAMUEL 19:22

Himaleh, David chun, “Nanghaw Zeruiah chate haw, bang kisakla’na la hiu em; tu’ni hin ka mêlma pan gua la hiu em? Tu’ni hin Israelte lak ah mi pakhat bêk thalup ding ahi ka tia hem? Tu’ni hin Israelte chung ah leng ka hi tai ti kihet lo eisa la hiu em?” ti’n a dawnhu a.

2 SAMUEL 19:23

Lengpa chun Shimei kiang in, “Thi lo ding la hi,” ti’n a gen a. Chun, lengpa chun that lo dingin thu a tiam tai.

2 SAMUEL 23:10

himaleh, ama chu det tak in a pang ah. A khut kham ma ma tiang tiang inle Philistinte chu a sat pai pek ah, a chemjam chu a tha’suak kha puai. Zia ni’ chun Lalpa‘n galzawna thupi tak a piai. Zia nung ah chun mipite chu a kiang in a hung nungkit un, mi thisate kithuamna lâkpiak ding bep a hitau hi.

PAWTDAWNA THU 14:13

Himaleh, Mosi’n mipite kiang ah chun, “Lau lo in ding det un, tu’ni a hun etsak ding Lalpa hukhinna chu en mai un; tu’ni la muu Aigupta mite hi bangmatik in mu kit talo ding la hi’ngal un;

PAWTDAWNA THU 14:30

Zia ni chun Lalpa chun Israelte Aiguptate a kipat in a hukdok ah; Israelte chun Tuipi pang ah Aiguptate thi haw chu a muu a.

ISAI 59:16

Kuama cha thudik a um puau ti a mu’n, a hung kisalâ ding khatle a umlo ziakin, lamdang a sa ma ma hi; tichun, ama khut ma ma’n zaw’na a pia’n, chuleh, ama diktatna’n a tudet tai.

1 KORINTH 15:10

Himaleh, Pathian lungsiatna jal in ka hi’ding gual tak ka hi zo ta’n; chun a lungsiatna chu a thawn puai. Amau zosia sâng in ka sêm nasa zaw bawn hi; himaleh, keima sep hilo in, Pathian lungsiatna kei ah um chun a sep a hizawi.

1 SAMUEL 10:27

Himaleh, michavai khenkhatte chun, “Zia mi phiangsan hin bang ei ti humbit ding a hem?” a tiu a. Ama chu a musit bêk ziak un thilpiak bangmale a pia puau a. Himaleh, ama chun a limsak puai. Zia lai ah chun Nahash, Ammonte lengpa chun Gadte leh Reubente chu a la sugenthei ma ma ah. A changlam mitteu a kheldaw piak ah, Israelte hukdaw ah a um ding uh a phal puai. Jordan luigâl ah Israel mi, Ammon lengpa Nahash in a mit uh a kheldaw piak lo pakhatle a um ta puau a. Himaleh, Ammonte khut ah kipat suakcha, pawsal sang sagi zet chu Jabesh-gilead a hung tung tau hi.

1 SAMUEL 14:45

Ziaphatchun, mipite chun Saul kiang in, “Zia gual khop ah Israelte hukdawna ding bawldokpa Jonathan chu maw la thalup ding? Thi maijen pua’n ah! Lalpa hinna sâl in ka gen ui; tu’ni hin ama Pathian in a kithuapi ziakin a samzang khat ziang le lei tual ah ketha pua’n ah,” ti’n a dawnhu tau a. Tichun, mipite chun Jonathan a hukdok tau ah, thalup a hita puai.

1 SAMUEL 19:5

ama hinna tiangle îtcha lo khop in, Philistin mipa chu a la that ta’n; ama ziakin Israelte â dingin, zaw’na lopi tak Lalpa‘n a la pia ta ahi. Zia chu nang inle la mu’n, la kipak ma ma hi; bang a tia, a ziak bei kei ah, mawna nei lo chung ah khut thâk gua, David tha la guat ziang a hem? ti’n a gen tai.