1 SAMUEL 11:11 - PATHIAN LEKHABU THIANGTHO (BSI)

¹¹ A jing ah chun, Saul in a mipite chu pawl thum in a khen a. Jingkal phalvak ah chun a mêlmateu giamun a zuan un; Ammonte chu sun nisat hun tiang in a that pek tau a; tichun, a suakcha sunte chule a kithejak suak tau ah; pani ziang le a pang khawm ding a um ta puau hi.

1 SAMUEL 11:11 ပူးပေါင်းရင်းမြစ်များ

THILSIAM THU 22:14

Abraham in zia tak mun chu Jehovah Jireh ti a sak ah; tu’ni tiang ah hin, “Lalpa tâng ah chun piak in um nai tiu,” a ti sek gual uh hin.

2 SAMUEL 18:2

Chuleh, David in a sepaite chu hon thum in a khen ah: hon khat chu Joab nuai in a koi ah, hon khat kit chu Zeruiah chapa, Joab suapipa Abishai nuai in a umsak ah. Hon thumna chu Git mi Ittai nuai in a koi hi. Lengpa’n a sepaite kiang ah chun, “Keima le la lak un pang zing tho ding ka hi,” ti’n a hil tai.

SAM 46:1

Pathian chu I kisêlnau leh I hatnau, lungkham lai ah panpi vak ziang naicha um ahi.

PAWTDAWNA THU 14:24

jingkal phalvak ding kua’n ah chun Lalpa’n meipi ding leh sûmpi ding ah kipat chun a hun en suk ah, Aiguptate chu nasa tak in a hun patausak tai.

MATTHAI 7:2

La gensiat gual mau in gensiat hi’n lau; la te’na ngai mau ah hun te’ piak kit in au.

JAKOB 2:13

Jangaina neilo chu jangaina bei ma’n vaihawm piak hi’n ah; jangaina chun vaihawmna a zo sek hi.

VAIHAWMTE 1:7

Ziaphatchun, Adoni-bezek in, “A khutpiu leh a kengpiu kitan, lal sawm sagi in ka dawkan nuai ah sa leh anmal a la luak sek un; amau chung ah ka bawl gual gual in Pathian in keile ei thuk ta a hi,” a tia. Chun, ama chu Jerusalem ah a pui tau ah, zia mun ah chun a thi den tai.

VAIHAWMTE 4:16

Barak in kângtalai leh sepaite chu Harosheth-ha-goiim tiang in a vadel zui ah. Sisera sepai zosia chu chemjam âng in a puk zo tau ah; a suakcha khat chale a um puau hi.

VAIHAWMTE 7:16

A sepai zathumte chu pawl thum ah a khen zaw in, a leng un pengkul khat leh, lei bêl hawm sung ah thaumei um a choisak chiat a,

VAIHAWMTE 7:20

Zia gual ma chun, pawl thum ah kisiamte chun a pengkul uh mût chiat in, a lei bêlteu a hun khên kêk chiat tau ah; a veilam ua meisel choi in, a changlam un a pengkul mût ding uh a choi chiat ua; chuleh, “Chemjam chu Lalpa leh Gideon â ding,” ti’n a kiko chiat tau a.

VAIHAWMTE 9:43

a sepaite a puiah, pawl thum in a siam ah, loulai ah chun a kiselsak ah. A et vêl vêl leh khawpi sungah kipat mipi hung pawtdokte chu a mu ta’n, amau chu a hun do ah, a that gam tai.

1 SAMUEL 11:2

Himaleh, Ammon mi Nahash chun a kiang un, “La changlam mit chiat uh kheldok ing ka tin, Israelte hi sumualpho dik dek phot ing ka; zia zaw chuleh, nanghaw tawh I kikâl un kichamna thuthung siam bep ing ka,” ti’n a dawnhu a.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.