1 SAMUEL 11:1 - PATHIAN LEKHABU THIANGTHO (BSI)

¹ Tha khat vêl nung in, Ammon lengpa Nahash a kuan to ah Jabesh-gilead vado in a zo ta’n; tichun, Jabesh ah pawsal zosia chun Nahash kiang in, “I kikâl un kilemna thuthung siam inla, nangma lam ah pang ing kau,” a tiu a.

1 SAMUEL 11:1 ပူးပေါင်းရင်းမြစ်များ

THILSIAM THU 26:28

Amau chun, “Lalpa la kiang in a um hi ti kichian tak in ka muu ah; ziaziakchun, nang tawh kei uh kikâl ah thuthung siam ah, kitiamna bawl leu hin ti ah hung ka hiu;

2 SAMUEL 10:1

Hun bang chan a hem zaw ah chun, Ammonte lengpa a thi ziakin a chapa Hanun in a go a lua a.

2 SAMUEL 10:2

David chun, “Nahash ka chung ah a ginum gual in keile a chapa Hanun chung ah ka ginum ding ahi,” a tia. Tichun, David in a pa thi chu gâl dingin palai a sawl a. David palai sawlte chu Ammonte gam a tun phat un,

2 SAMUEL 17:27

Mahanaim khua David a tun phatin, Rabbah khua um Nahash chapa Shobi, Ammonte suan ah mi tawh, Lo-debar khua um Ammiel chapa Makhir tawh, Rogehim ah um Gilead mi Barzillai chun,

2 SAMUEL 2:5

Jabesh-gilead ah mipite kiang in thangko a sawl ah, a kiang un, “La lal uh Saul â ding ah la ginumnau tak lang ah pha tak ah la la vui tâk ziak un, Lalpa‘n hun malzawl hen!

1 LENGTE 20:34

Ben-hadad in a kiang in, “Ka pa khan la pa ah kipat a lâkpiak khawpite kha hun pekit ing ka tin; chuleh, ka pa khan Samaria ah a la bawl gual in nang in Damaska khua hin kotzingte kibawl thei inla,” a tia. Israelte lengpa chun a dawnhu a, “Zia thute dungzui ah chun hun tha’suak ing ka,” a tia. Tichun, ama tawh kichamna thuthung a bawl ah, a chiasak tai.

1 KHANGTHU 10:11

Himaleh, Jabesh-Gilead khua mite chun Saul chung ah Philistinte thilbawl chu a la het phat un,

1 KHANGTHU 10:12

mi hangsan zosia a kuandok ua, Saul luang leh a chate luang chu vala’n, Jabesh khua lam in a hun puau hi. Chuleh, a guteu chu Jebesh khua gangpi thingbul nuai in a vui un, ni sagi sung anngawl in a sûn tau hi.

JOB LEKHABU 41:4

Kumkhua’ la suak ah pang dingin, la kiang ah thuthung a siam nuam diam?

PAWTDAWNA THU 23:32

Amau tawh thuthung la siam lo hial diu a hia; a pathianteu tawh le la siam diak lo ding uh ahi.

ISAI 36:16

Hezekiah thugen chu taksang kiu in; Assuria lengpa chun zia gual hin a gen ta’ngâl a: Keima tawh kiholemna nei dingin hung un;

JEREMIAH 40:11

Zia gual ma chun, Juda mi Moab ah umte, Ammonte lak ah um zosia leh; gam dang ah um zosia leh lengpa’n Judai gam ah mi nutsia nei a hi ti leh, a chung ua vaihawmtu ding ah Shaphan chapa, Ahikam chapa Gedaliah a guat hi ti a hun het phat un;

JEREMIAH 40:14

a kiang in, “Ammonte Lengpa Baalis in nangma that dingin Nethaniah chapa Ishmael hun sawl ahi ti la he em?” a vatiu a. Himaleh, Ahikam chapa Gedaliah in a thugen uh chu a taksang puai.

EZEKIEL 17:13

A lalteu chate lak ah pakhat a têldok ah, a kiang in thuthung a siampi ta’n, thu a tiamsak ah (a gam sung ah miliante a leng un a pui mang zo ta’n;)

DAN LEKHABU 23:3

Ammon mi leh Moab mite him him chu Lalpa mite kikhawpna lak ah pansak lo ding a hiu. Amau suan leh pâk taphot chu a khang sawmna tiang unle, Lalpa mite kikhawpna lak ah lâklut lo ding a hiu;

VAIHAWMTE 10:7

Israelte chung in Lalpa a lungna ma ma ta’n, Philistinte leh Ammonte khut in a pia ta’n;

VAIHAWMTE 11:4

Sawt khop nung in, Ammonte’n Israelte a hun do pan kit tau a.

VAIHAWMTE 21:8

Chuleh, amau chun, “Israelte phung zosia lak ah kipat Mizpah mun ah Lalpa kiang ah hung pang lo kua I um awm?” ti’n a kidong ua. Jabesh-gilead mite lak ah kipat khat chale mipi kikhopna chia a um puau ti a hun hedok tau a.

1 SAMUEL 12:12

Himaleh, Ammonte lengpa Nahash in hung do ding ahi ti la mu phât un, Lalpa la Pathian uh la chung ua lengpa um zing hi’napi’n, ‘Ahipuai, leng pakhat in ka chung un vaihawm hen,’ la tiu a.

1 SAMUEL 14:47

Saul in Israelte chung ah leng hi’na a chan phat ah chun, a lang a lang ah a mêlmateu a do ta’n; ziate chu: Moab, Ammon, Edom, Zobah lengpa leh Philistinte a hiu ah; a kiheina lam lam in a zo pek a.