1 SAMUEL 10:7 - PATHIAN LEKHABU THIANGTHO (BSI)

⁷ Zia gual ah tepte’na chu la hun mu phat leh, Pathian in a hun umpi ziak in, bawl ding ah pha a sak taphot chu bawl mai in.

1 SAMUEL 10:7 ပူးပေါင်းရင်းမြစ်များ

THILSIAM THU 21:20

Pathian in naupang chu a umpi ah, a hung khang lian ta’n; tichun, gamthip ah chun a chêng ah, thal kap thiam tak a hung hi tai.

2 SAMUEL 7:3

Nathan chun lengpa kiang in, “Kipan inla, la lungtup gual tak in bawl mai in, Lalpa‘n a hun umpi ngal a,” ti’n a dawnhu tai.

JOB LEKHABU 31:25

ka hausakna thupi ziak ah kipak ah, ka khut in a sepdaw nasat ziak ah kipak hi leng;

PAWTDAWNA THU 4:8

“Tepte’na masa zawk chu taksang lo ah, a ngaisak lo ua leh, tepte’na nunung zawk bêk chu taksang mai thei a hiu.

THUGENTU 9:10

La khut in sep ding a mu taphot chu, bang hilehle theitawp sua in sêm in; la chiana ding Sheol mun ah chun nasep ding, ngaitua buai ding, het ding a hem leh pilna le a um ta pua ngal a.

ISAI 7:14

Ziaziakchun, Lalpa ma ma chun tepte’na hun pia ding ahi. Ngai un, nungak thiangtho chun nau hun vop intin, chapa hun hing intin, a min in Immanuel ti sak hiding ahi.

MATTHAI 1:23

“Nungak thiangtho chu gâi intin, Chapa hing intin, a min in Immanuel sa’n au” zia chu, “I kiang un Pathian a um hi,” ti’na ahi.

MATTHAI 28:20

la kiang ua thu ka piak zosia hi jawm dingin zilsak un. Kumkhua’n, khawveltawp tiang in la kiang un um zing ding ka hi ti hezing un,” a tia.

LUKA 2:12

Chuleh, zia hi nang uh â dingin tepte’na hi’n a, Nausen puan ah kituam, gan ankuang ah kisial chu vamu’n lau,” a tia.

JOHAN 6:14

A thilmak bawl chu a musak phatin, amau haw chun, “Jawlnei khawvel ah hung dingpa chu ama ngei hi a hita hi,” a ti tau hi.

DAN LEKHABU 20:1

La gâlteu do ding ah la kuan lai un, sakolte, sakol kângtalaite leh sepai hon nanghaw sâng ah tam zaw la mu ziak un lau diak kiu in; nanghaw Aigupta gam ah kipat hun puidokpa Lalpa la Pathian un a hun umpi zing ngâl a.

HEBRAITE 13:5

La hindan uh chu ênna panglo hihen; la nei dan dan un lungawi unla; ama chun, “Hun thâtham pua’ng ka tin, hun nusia ngai pua’ng ka,” a tingal a.

JOSHUA 1:5

La dam sung in mihingcha la âng ah pang ngam ding kuama um pua’n ah. Mosi ka umpi gual khan nang le hun umpi ing ka tin; hun kilepsan pua’ng ka tin, hun nusia diak pua’ng ka.

JOSHUA 1:9

Ziaziakchun, thu ka hun pia la hi: hat tak leh hangsan tak in um in; lau kin la, lunglel diak kin; Lalpa la Pathian chun la chiana taphot ah hun umpi zing ding ahi ngâl ah,” a ti tai.

VAIHAWMTE 6:12

Lalpa vansawlchâk chu hung kilâk in, a kiang in: “Nang, mihat leh gâldo hangsan, Lalpa‘n a hun umpi hi,” a tia.

VAIHAWMTE 9:33

jingkal matak, nisa suak jul in tho unla, khawpi lam chu del un; ama tawh a kiang ah sepai umte chu nangma do ding ah a hung pawtdok phat ua leh, la theitawp uh sua unla, la nop dan dan un bawlthei ta’n lau,” ti’n a vagen sak a.

1 SAMUEL 2:34

La chapate pani Hophni leh Phinehas hi nang â ding ah tepte’na hi’n au; a paniu in ni khat sung ah thi ding a hiu.

1 SAMUEL 20:13

Himaleh, ka pa chun la chung ah thil phalo bawl gua ahileh vang, nang kiang ah ka hun hil lo ah, la bitna ding ah hun sawl mang lo ah ka um chun, Lalpa‘n Jonathan chung ah a khawk zaw sêm inle bawl mai zaw hen. Ka pa a la umpi gual in Lalpa chun hun umpi zing ta hen.

1 SAMUEL 3:19

Samuel a hung khanlet dungzui in Lalpa‘n a umpi zing ah, a thugen mal khat ziang le a thawn in a umsak puai.