1 SAMUEL 10:3 - PATHIAN LEKHABU THIANGTHO (BSI)

³ Zia kipat chu chia kit in la tin, Tabor gamgi thingbul hung tung in la tin; Bethel ah Pathian kiang zuan ah chia pawsal pathum kituakpi in la tin; a lak ua pakhat in kelno pathum hun kai in tin, a lak ua pakhat chun vaithum tang thum pua’n tin, pakhat chun zuthawl khat hun paw ding ahi.

1 SAMUEL 10:3 ပူးပေါင်းရင်းမြစ်များ

THILSIAM THU 28:19

Chuleh, zia mun min chu Bethel a sak ah, a lim in zia khawmin chu Luz ahi.

THILSIAM THU 28:22

zia suang, suangphu ding ah ka phu hile Pathian In hi’ntin: chun, ka kiang ah lei piak zosia chu sawm ah pakhat hun pia ngêi ngei ing ka,” ti’n a kitiam tai.

THILSIAM THU 35:1

Pathian in Jakob kiang in, “Kipan inla, Bethel ah chia to in, zia tak ah chun chêng inla; la u Esau kiang ah kipat la tai mang lai ah la kiang ah kilâk Pathian â ding ah khan mâichâm siam in,” ti’n a hil ah.

THILSIAM THU 35:3

Kipan hitiu in, Bethel ah chia to hitiu; tichun, ka lungjin lai ah ei dawnhu ah, ka chiana lam zosia ei kitonpi zing, Pathian â ding ah mâichâm ka bawltheina dingin,” ti’n a gen a.

SAM 89:12

Mallam leh simlam nangma siam ahi’n; Tabor leh Hermon tângte chun, lim tak in la min a pâk ui.

JEREMIAH 32:8

Zia gual chun ka paneu chapa, Hanamel chu Lalpa gen gual in suangkul huang sung ah chun a hung a, zia gual hin a hung gen a: “Benjamin gam ah Anathoth khua ka lou mun kha kichawk inla, a neitu hi’na leh a tatdawna thuneina chu nang â ahi ngal a; nang â dingin kichawk ta’n,” a hung ti’n. Tichun, Lalpa gen ahi ti ka he tai.

THIAMPUTE LEKHABU 1:10

Gan-gaul hon lak ah kipat hâlmang thillat ding ah kiladok ahi ding chun, belam hon lak a hem, kêl hon lak a hem ah kipat hi hen: zia chu a chaltuai, demna bei hi hen.

THIAMPUTE LEKHABU 23:13

Zia chu tawh an la latkhawm ding uh chu chângbuang nêl pha tak, ephah te’na dim khat se’sawm ah sua a se’ni, sathau helsa, Lalpa â ding ah gimtui a hi’theina ding ah mei ah lat ding ahi; chuleh, zia chu tawh dawn ding la latkhawm ding uh chule uain, Hin khat se’li sua ah se’khat hi hen.

THIAMPUTE LEKHABU 3:12

La thillat ding chu kêlcha a hiding chun, Lalpa âng ah hun kai in;

THIAMPUTE LEKHABU 3:6

Kichamna ding ah Lalpa kiang ah la thillat ding chu belam hon lak ah kipat a hiding chun, a nu’ hi’n a chal hileh, demna bei hi hen.

THIAMPUTE LEKHABU 7:13

Vaithum haw ban ah, kipak thugenna ding ah kichamna thillat kithoina ah chun thawi pang vaithum le la hun lân khawm ding ahi.

JOSHUA 19:12

Sarid ah kipat in sualam pang, nisa suakna zawn Kisloth-tabor gamgi tiang in a kawi to kit ah; Daberath lam zuan in Japhia tâng in a kithung kit a;

JOSHUA 19:22

Tabor, Shahazumah leh Beth-shemesh leh Jordan lui tiang in a gamgiu chun a hual khum ah: A sung ah khawpi sawm leh guk tawh a khawpelteu zosia le a huam hi.

VAIHAWMTE 20:18

Chun, Israelte chu a kipandok ua, Bethel ah Pathian kiang ah, “Benjaminte do dingin kua phung pen hi ka kuan masa diam uh?” ti dong dingin a chiau a. Lalpa‘n, “Judah phung ah mite kuan masau hen,” ti’n a hun dawnhu tai.

VAIHAWMTE 20:23

Israelte chu kitîlhangsan kit in, ni masa ah gâldo ding ah a pannau mun ma ah khan a hung kitiang kit tau a.

VAIHAWMTE 20:27

Tichun, Israelte’n Lalpa a dong tau ah, (zia hun ah chun Pathian thuthung thingkuang chu zia mun ah chun a um a;

VAIHAWMTE 4:12

Chun, Sisera kiang in, Abinoam chapa Barak chu Tabor tâng in a chia to tai ti a hil phat un,

VAIHAWMTE 4:6

Ama chun Naphtali gam ah Kedesh mun ah chêng, Abinoam chapa Barak ko dingin mi a sawl ah, a kiang in, “Lalpa, Israelte Pathian in hiti hin thu a hun pia’i: ‘Chia inla, Naphtali leh Zebulun phung te ni ah kipat mi sîng khat ko khawm in, Tabor tâng ah vapang un,

VAIHAWMTE 8:18

Ziazaw chun, Zebah leh Zalmunna kiang in, “Tabor tâng ah la mi tha’teu kha bang gual mi a hiu em?” ti’n a dong ah. Amau inle, “Nangma gual in, a bawn un leng chapa gual ngen a hiu,” ti’n a dawnhuu a.

1 SAMUEL 10:4

Ziate chun chibai hun bûk intin uh, a vaithum puak uh tang ni hun pia’n tin uh, nang inle la kilâk ding ahi.