1 SAMUEL 10:27 - PATHIAN LEKHABU THIANGTHO (BSI)

²⁷ Himaleh, michavai khenkhatte chun, “Zia mi phiangsan hin bang ei ti humbit ding a hem?” a tiu a. Ama chu a musit bêk ziak un thilpiak bangmale a pia puau a. Himaleh, ama chun a limsak puai. Zia lai ah chun Nahash, Ammonte lengpa chun Gadte leh Reubente chu a la sugenthei ma ma ah. A changlam mitteu a kheldaw piak ah, Israelte hukdaw ah a um ding uh a phal puai. Jordan luigâl ah Israel mi, Ammon lengpa Nahash in a mit uh a kheldaw piak lo pakhatle a um ta puau a. Himaleh, Ammonte khut ah kipat suakcha, pawsal sang sagi zet chu Jabesh-gilead a hung tung tau hi.

1 SAMUEL 10:27 ပူးပေါင်းရင်းမြစ်များ

2 SAMUEL 20:1

Zia lai chun, Benjamin phung ah mi Bikhri chapa, mi dukdak lo Sheba kiti hi a um in. Ama chun pengkul a mut ah, zia gual hin tâng a sam ta’n: “David ah hin bangma chan I nei puau hi, Jesse chapa ah hin chanvo I nei puau hi! Aw Israelte haw, la puan In lam chiat un chia tau in!” ti’n tâng a sam tai.

2 SAMUEL 8:2

Chuleh, Moabte le a zo kit ah; amau chu lei tual in a lupsak ah, te’na khauhual in a te’ ah; te’na khauhual chan ni tiang ah umte chu a tha dingte, te’na khauhual tawn khat sung ah umte chu a hawi dingte a hiu. Tichun, Moabte chu David suak in a lut tau ah, sia a choisak tai.

1 LENGTE 10:25

Amau chun thilpiak, dangka leh sana thilte, puansilte, gâlvante, thil gimtuite, sakolte leh sabiltungte chu a kum a kum in tam tak a hun thak sek ui.

1 LENGTE 4:21

Solomon in Euphrates ah kipat Philistinte gam zosia, Aigupta gamgi tiang ah lenggamte zosia chung in vai a hawm ah; amau chun Sia’ a hun chawi ua, Solomon dam sung sia’n a na a sep piak tau hi.

1 LENGTE 5:1

Ziaphatchun, Tura Lengpa Hiram in Solomon chu, a pa thasâng ah leng hiding in sathau a nu’ tau hi ti a het phat in, a kiang in a suakte a sawl ah; Hiram chu David tawh lawipha a la hiu a.

2 KHANGTHU 13:7

ahi’n, Solomon chapa Rehoboam chu naupang leh lungthim piting ahi masang khan, zia Rehoboam chung ah helna siam dingin michavai leh dukdak lo zosia hung kisang pawm in, a hung khawm tau ah, ziate chu a la lang zo ta pua’n.

2 KHANGTHU 17:5

Ziaziakchun, Lalpa‘n ama khut in lenggam chu a sukdet piak tai. Judai gam ah mi zosia’n lei man Jehoshaphat kiangah a hun piak khawm phat un, hausakna leh za umna nasa tak a hun nei tai.

SAM 38:13

Ahi’n, bengngong gual in bangma ka hepua’n, pau theilo gual in bangma ka gen puai.

SAM 72:10

Tarshish leh thialkâl tin ah lengte chunle, leiman hun chawi uh hen la; Sheba leh Sheba lengte’n le, thilpiak hun chawi tau hen.

THUGENTU 7:21

Mi thugen zosia ngaisak kin; achutiloleh, la suakte’n hânsia a hun lawnau he kha’n la;

ISAI 36:21

Himaleh, kuama’n a dawnhu puau ah, kam khat genle a um puau, lengpa chun, “Dawnhu kiu in,” ti ah thu a piaksa a hi’tâk ziak in.

MATTHAI 2:11

In sung ah a lut ua, a nu Mari tawh nausen chu a muu a; bokkhup in chibai a bûk ua, a gobawmteu hong in, kipakna thilpiak sana, begaw leh murra a piau a;

NASEPTE 7:35

Zia Mosi, lal leh thukhen ding ah kua’n a hun guat la hem? tia a la doi lo uh kha, thingbuk lak Pathian mi a kiang ah hung kilâk chun, Pathian in lal leh hukdokpa hikhawm dingin a sawl ta ahi.

DAN LEKHABU 13:13

khua sung ah mite pui mang gua, la het ngailo pathian ho ding ah mi jawl ah: “Hung tiam un, pathian dangte ho dingin chia hi tiu,” ti aw git la het phat ua leh,

1 SAMUEL 11:12

Mipite chun Samuel kiang in, “Zia Saul phiangsan hin ka chung un vaihawm ding a hem, tite kha kuate a hiu em? Ei hun pedok un, that sik sek ding ka hiu,” a tiu a.

1 SAMUEL 11:13

Himaleh, Saul in, “That kiu in, tu’ni hin Lalpa chun Israelte ei hukdaw tâk ziakin, tu’ni hin kuama that kiu in,” ti’n a gen a.

1 SAMUEL 16:20

Jesse inle a chapa David chun lengpa Saul kiang ah a puak piak dingin, sabiltung khat ah vaithum tawh, zuthawl khat tawh kelno pakhat a thot a.

1 SAMUEL 2:12

Tu’hin, Eli chate chu mi chavai a hiziak un, Lalpa a ja puau a;

1 SAMUEL 25:17

Ziaziakchun, tu’hin zia chu hia’n la, la bawl ding dan ngaitua in; ka pu leh a Inkuante zosia chung ah thil phalo tak hung tung tawl in ah; ka pu lah a lungchom ziakin bangma genna thei ahi paw’ngâl in, a vati tau hi.